پاک جنوبی افریقہ دوسراٹیسٹ! راولپنڈی میں ٹریفک پلان جاری
اشاعت کی تاریخ: 17th, October 2025 GMT
data-id="863a0a8" data-element_type="widget" data-widget_type="theme-post-content.default">
سٹی ٹریفک پولیس راولپنڈی نے پاکستان اور جنوبی افریقہ کے درمیان ہونے والے ٹیسٹ میچ کے دوران ٹریفک کی روانی برقرار رکھنے اور عوامی سہولت کو یقینی بنانے کے لیے جامع ٹریفک پلان جاری کر دیا ہے۔ یہ ٹیسٹ میچ 20 سے 24 اکتوبر تک راولپنڈی کرکٹ اسٹیڈیم میں کھیلا جائے گا۔
سٹی ٹریفک آفیسر (سی ٹی او) فرحان اسلم کے مطابق، اسٹیڈیم کے گرد و نواح میں ٹریفک نظام کو مؤثر رکھنے کے لیے 367 سے زائد ٹریفک وارڈنز اور افسران کی تعیناتی عمل میں لائی جائے گی۔ اس مقصد کے لیے خصوصی ڈائیورژن پلان بھی تشکیل دیا گیا ہے، جس کے تحت مختلف اہم چوراہوں اور مقامات پر اضافی اہلکار موجود ہوں گے تاکہ شہریوں کو بروقت رہنمائی فراہم کی جا سکے۔
اسلام آباد سے آنے والی ٹریفک کو فیض آباد کے مقام سے اسلام آباد ایکسپریس وے کی طرف موڑا جائے گا، جبکہ راولپنڈی سے اسلام آباد جانے والے افراد کو چھٹی روڈ کے ذریعے سیدپور روڈ کی طرف منتقل کیا جائے گا۔
سی ٹی او نے مزید بتایا کہ میچ کے دوران اسٹیڈیم روڈ، نائنتھ ایونیو چوک سے لے کر ڈبل روڈ تک، عام ٹریفک کے لیے بند رہے گی۔ شہریوں کی سہولت کے لیے آئی جے پی روڈ اور فیض آباد کو متبادل راستوں کے طور پر استعمال کیا جا سکے گا۔
شائقین کرکٹ کے لیے پارکنگ کی سہولت شہباز شریف پارک، سول ایوی ایشن گراؤنڈ، اور گورنمنٹ گریجویٹ کالج سیٹلائٹ ٹاؤن میں فراہم کی گئی ہے، جہاں سے شٹل سروس کے ذریعے انہیں اسٹیڈیم تک پہنچایا جائے گا۔
عوام کو ٹریفک سے متعلق تازہ ترین معلومات سوشل میڈیا پلیٹ فارمز اور ریڈیو چینلز کے ذریعے فراہم کی جائیں گی تاکہ وہ باخبر رہیں اور کسی پریشانی سے بچ سکیں۔
ذریعہ
ذریعہ: Jasarat News
پڑھیں:
’’خیبر پی کے ڈیجیٹل ٹرانسفارمیشن پالیسی اینڈ روڈ میپ 2030ء ‘‘ کا اجراء
پشاور (بیورو رپورٹ) وزیراعلیٰ خیبر پی کے محمد سہیل آفریدی نے ’’خیبر پی کے ڈیجیٹل ٹرانسفارمیشن پالیسی اینڈ روڈ میپ 2030ء ‘‘ کا باضابطہ اجراء کر دیا۔ جو 5 سٹریٹجک ستونوں، 9کلیدی اہداف، 32 تھیمیٹک ڈومینز، 915 سٹریٹجک اقدامات پر مشتمل ہے۔اس پالیسی کے تحت حکومتی خدمات مرحلہ وار آن لائن اور Citizen-Centric بنائے جائیں گی۔ پیپر لیس گورننس کے ذریعے شفافیت، جوابدہی اور سرکاری کارکردگی میں نمایاں بہتری آئے گی۔ ایک لاکھ سے زائد نوجوانوں کو AI اور ڈیجیٹل مہارتوں کی تربیت دی جائے گی۔ گرین آئی سی ٹی، کاربن فٹ پرنٹ میں کمی اور کاربن کریڈٹ رجسٹری پر کام کیا جائے گا۔ ڈیجیٹل اصلاحات سے عوام کو سرکاری دفاتر کے غیر ضروری چکر نہیں لگانے پڑیں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی