پہلے ٹیسٹ میچ میں جنوبی افریقہ کے خلاف شاندار فتح حاصل کرنے کے بعد قومی ٹیم ٹیسٹ چیمپئن شپ میں دوسرے نمبر پر آگئی۔ ٹیسٹ چیمپئن شپ 2025-27 کے اپنے پہلے میچ میں، گرین کیپس نے دفاعی چیمپئن جنوبی افریقہ کو شکست دے کر 12 پوائنٹس حاصل کیے اور اس کا جیت کا تناسب 100% ہے۔ آسٹریلیا جو کہ گرین کیپس سے اوپر ہے، موجودہ عرصے میں اب تک اپنے تینوں ٹیسٹ میچز جیت کر 36 پوائنٹس حاصل کر چکا ہے، اس کا تناسب بھی 100 فیصد ہے۔ سری لنکا دو ٹیسٹ میچوں میں ایک جیت اور ایک ڈرا کی بدولت 16 پوائنٹس اور 66.

67 فیصد کے ساتھ تیسرے نمبر پر ہے۔موجودہ ٹیسٹ چیمپئن شپ میں بھارت نے سب سے زیادہ میچ کھیلے ہیں جن میں سے اس نے چار جیتے ہیں، دو میں شکست کھائی ہے اور ایک ڈرا ہوا ہے۔ زیادہ میچوں کی وجہ سے بھارت کے پاس سب سے زیادہ پوائنٹس ہیں لیکن 61.90 کے جیت کے تناسب کے ساتھ وہ چوتھے نمبر پر ہے۔انگلینڈ نے اپنے پانچ میں سے دو میچ جیتے، دو ہارے اور ایک ڈرا ہوا۔ سست اوور ریٹ پر انگلینڈ کو بھی دو پوائنٹس کا نقصان ہوا۔انگلینڈ کے 26 پوائنٹس اور جیت کا تناسب 43.33 ہے۔ بنگلا دیش 16.67 فیصد کے ساتھ چھٹے اور جنوبی افریقہ ساتویں نمبر پر ہے۔ویسٹ انڈیز اب تک اپنے پانچوں ٹیسٹ میچ ہار چکا ہے۔ نیوزی لینڈ نے ابھی اپنی مہم شروع نہیں کی ہے۔

ذریعہ: Nawaiwaqt

کلیدی لفظ: ٹیسٹ چیمپئن شپ جنوبی افریقہ ٹیسٹ میچ

پڑھیں:

ایشیز: آسٹریلیا کا دوسرے ٹیسٹ میچ کیلیے اسکواڈ کا اعلان ‏

آسٹریلیا نے ایشیز سیریز کے دوسرے ٹیسٹ کے لیے اسکواڈ کا اعلان کردیا۔

تفصیلات کے مطابق آسٹریلوی سلیکٹرز نے گابا میں ڈے اینڈ نائٹ ایشیز ٹیسٹ کے لیے پرتھ ٹیسٹ میں فتح حاصل کرنے والی ٹیم میں کوئی تبدیلی نہیں کی ہے۔

آسٹریلوی کپتان پیٹ کمنز کو مکمل صحت یاب نہ ہوپانے کے باعث اسکواڈ میں شامل نہیں کیا گیا جبکہ جوش ہیزل ووڈ بھی انجری مسائل کے سبب دستیاب نہ ہوسکے۔

آسٹریلیا کے 14 رکنی اسکواڈ میں تجربہ کار اوپنر عثمان خواجہ بھی شامل ہیں جو سیریز کے افتتاحی میچ کی دوسری اننگز میں کمر کی تکلیف کی وجہ سے بیٹنگ نہیں کرسکے تھے۔

لیکن پیٹ کمنز کو اپنی مکمل فٹنس پر واپس آنے کے لیے دو ہفتے کا اضافی وقت دیا گیا ہے۔

کمنز کے پاس ایڈیلیڈ میں 17 دسمبر سے شروع ہونے والے تیسرے میچ کے لیے ٹیم میں واپسی کا مضبوط موقع ہوگا۔

اسکواڈ:

اسٹیو اسمتھ (کپتان)، اسکاٹ بولینڈ، ایلیکس کیری، برینڈن ڈوگیٹ، کیمرون گرین، ٹریوس ہیڈ، جوش انگلیس، عثمان خواجہ، مارنس لبوشین، نیتھن لائن، مائیکل نیسر، مچل اسٹارک، جیک ویدرالڈ، بیو ویبسٹر

Australia has named its squad for the second #Ashes Test at the Gabba. https://t.co/m1JSOnfKI4

— cricket.com.au (@cricketcomau) November 28, 2025

واضح رہے کہ آسٹریلیا اور انگلینڈ کے درمیان دوسرا ایشیز ڈے نائٹ ٹیسٹ 4 دسمبر سے شروع ہوگا۔

پہلے پرتھ ٹیسٹ میں آسٹریلیا نے انگلینڈ کو 8 وکٹوں سے شکست دی تھی۔

متعلقہ مضامین

  • ویرات کوہلی کی شاندار سنچری، بھارت کا پہلے ون ڈے میں جنوبی افریقا کو 350 رنز کا ہدف
  • ایشیز: دوسرے ٹیسٹ سے قبل انگلینڈ کو بڑا دھچکا، اہم بولر انجرڈ
  • ماہ نومبر پاکستان کرکٹ کیلئے غیر معمولی اور یادگار ثابت ہوا
  • جنوبی افریقہ کے اسٹار کھلاڑی نے آئی پی ایل کے بجائے پی ایس ایل کھیلنے کا فیصلہ کرلیا
  • پاکستان کی شاندار فتح، سہ ملکی ٹی 20 سیریز کا ٹائٹل اپنے نام
  • بھارت جنوبی افریقہ کے خلاف ون ڈے سیریز پر توجہ مرکوز کر رہا ہے، کے ایل راہول
  • ٹینس اسٹار اعصام الحق انٹرنیشنل ٹینس سرکٹ سے ریٹائرڈ ہوگئے
  • پاکستان میں انتہائی ٹیلنٹڈ باکسرز ہیں: باکسر عامر خان
  • ٹیمبا باووما نے ٹیسٹ کرکٹ میں نئی تاریخ رقم کر دی
  • ایشیز: آسٹریلیا کا دوسرے ٹیسٹ میچ کیلیے اسکواڈ کا اعلان ‏