ماہ نومبر پاکستان کرکٹ کیلئے غیر معمولی اور یادگار ثابت ہوا
اشاعت کی تاریخ: 30th, November 2025 GMT
ماہ نومبر پاکستان کرکٹ کیلئے غیر معمولی اور یادگار رہا، قومی ٹیموں نے نومبر کے مہینے میں فتوحات سے اپنا مکمل غلبہ ثابت کیا۔پاکستان کرکٹ بورڈ (پی سی بی) کے مطابق پاکستان کرکٹ کے لئے یہ نومبر یادگار ہے، پرچم اسی طرح بلند رہے۔نومبر میں پاکستان نے جنوبی افریقہ کے خلاف ٹی 20 سیریز اپنے نام کی جبکہ فیصل آباد میں جنوبی افریقہ کو ون ڈے سیریز میں بھی ہرایا۔9 نومبر کو پاکستان نے ہانگ کانگ سکسز کا ٹائٹل اپنے نام کیا جبکہ راولپنڈی میں کھیلی جانے والی ون ڈے سیریز میں سری لنکا کو شکست دی۔اس کے علاوہ دوحہ میں پاکستان شاہینز نے ایشیا کپ رائزنگ سٹارز کا ٹائٹل جیتا اور پاکستان ٹیم نے گزشتہ روز ٹی 20 ٹرائی سیریز کا چیمپئن ہونے کا اعزاز بھی حاصل کیا۔
.ذریعہ: Nawaiwaqt
کلیدی لفظ: پاکستان کرکٹ
پڑھیں:
ٹی 20 ورلڈ کپ جیت کر 2026 یادگار بنائیں گے: سلمان علی آغا
قومی ٹی 20 ٹیم کے کپتان سلمان علی آغا نے کہا ہے کہ ٹی 20 ورلڈ کپ جیت کر 2026 یادگار بنائیں گے۔سری لنکا کو سہ ملکی ٹی 20 سیریز کے فائنل میں شکست دینے کے بعد میڈیا سے گفتگو کرتے ہوئے کپتان سلمان علی آغا کا کہنا تھا کہ یہ ہمارے لئے بہترین سیریز تھی، کم بیک کے بعد سے محمد نواز الگ ہی لیول کا پرفارم کررہے ہیں۔انہوں نے کہا کہ ہم دو ماہ سے بہترین کرکٹ کھیل رہے ہیں، امید ہے کارکردگی کا تسلسل برقرار رہے گا، شاداب خان کو بھی ٹیم میں شامل کیا جا سکتا ہے۔ٹی 20 ٹیم کے کپتان کا کہنا تھا کہ ٹی20 ورلڈ کپ 2026ء سے پہلے 15 لڑکوں کو تیار کرنا چاہتے تھے، ہماری تیاری مکمل ہوگئی، ہمارا ہر کھلاڑی پرفارم کر رہا ہے، ہم ورلڈ کپ کے لئے اب پوری طرح تیار ہیں۔ٹرائی سیریز کے بہترین کھلاڑی قرار پانے والے محمد نواز نے کہا کہ جب ٹیم کو ضرورت ہو تو اس وقت پرفارم کرنا اہم ہوتا ہے، خوشی ہے میری کارکردگی ٹیم کے کام آئی، کوشش کرتا ہوں میچ کی صورت حال کے مطابق بیٹنگ اور بولنگ کروں۔
ٹرانسفر کیس: وفاقی آئینی عدالت نے اسلام آباد ہائی کورٹ کے پانچ ججز کی درخواست خارج کر دی