پاکستانی شہریوں کو کن ممالک میں ویزا فری انٹری کی سہولت میسر ہے؟ تازہ فہرست جاری
اشاعت کی تاریخ: 17th, October 2025 GMT
دنیا بھر میں پاکستانی پاسپورٹ کی درجہ بندی میں کمی، مگر 31 ممالک کے دروازے اب بھی کھلے ہیں۔
تازہ عالمی درجہ بندی کے مطابق پاکستانی پاسپورٹ کی قدر میں کمی آئی ہے، تاہم پاکستانی شہری اب بھی دنیا کے مختلف خطوں میں کئی دلچسپ ممالک کا ویزا فری سفر کر سکتے ہیں۔
پاکستانی پاسپورٹ کی نئی درجہ بندیہینلے پاسپورٹ انڈیکس کی حالیہ رپورٹ کے مطابق پاکستان کا پاسپورٹ اب 103ویں نمبر پر ہے اور اسے یمن کے برابر قرار دیا گیا ہے۔
یہ بھی پڑھیں:امریکا پہلی بار طاقتور ترین 10 پاسپورٹس کی فہرست سے باہر
یہ ایک نمایاں کمی ہے کیونکہ اس سے قبل پاکستان 96ویں نمبر پر تھا اور 32 ممالک تک ویزا فری رسائی حاصل تھی، جو اب گھٹ کر 31 ممالک رہ گئی ہے۔
پاکستان سے نیچے صرف عراق (104واں نمبر، 29 ممالک)، شام (105واں نمبر، 26 ممالک) اور افغانستان (106واں نمبر، 24 ممالک) موجود ہیں۔
مضبوط ترین پاسپورٹس کی فہرستدنیا کے طاقتور ترین پاسپورٹس کی فہرست میں 3 ایشیائی ممالک، سنگاپور، جنوبی کوریا اور جاپان سرفہرست ہیں۔
سنگاپور کے شہری 193 ممالک میں ویزا فری داخل ہو سکتے ہیں، جنوبی کوریا 190 اور جاپان 189 ممالک تک رسائی رکھتا ہے۔
یورپ میں جرمنی، اٹلی، لکسمبرگ، اسپین اور سوئٹزرلینڈ 188 ویزا فری مقامات کے ساتھ چوتھے نمبر پر ہیں۔
امریکا کا پاسپورٹ اپنی تاریخ کی کم ترین سطح پر پہنچ چکا ہے، پہلی بار وہ دنیا کے 10 طاقتور ترین پاسپورٹس میں شامل نہیں رہا۔ 2014 میں نمبر ایک پر رہنے والا امریکی پاسپورٹ اب 12ویں نمبر پر ہے۔
اسی طرح برطانوی پاسپورٹ بھی اپنی پوزیشن کھو چکا ہے اور 6ویں سے 8ویں نمبر پر چلا گیا ہے۔
چین کی تیزی سے ترقیاس کے برعکس چین نے گزشتہ دہائی میں سب سے زیادہ ترقی کی ہے۔ 2015 میں 94ویں نمبر پر موجود چین اب 64ویں نمبر تک پہنچ چکا ہے اور صرف ایک سال میں اس نے 30 ممالک کے ساتھ ویزا فری معاہدے کیے ہیں۔
چین نے حال ہی میں روس سمیت متعدد خلیجی، جنوبی امریکی اور یورپی ممالک کو ویزا فری رسائی دی ہے، جس سے ایشیا پیسیفک خطے میں اس کا اثر مزید بڑھا ہے۔
پاکستانی پاسپورٹ پر ویزا فری ممالکپاکستانی شہری جن ممالک میں بغیر ویزا سفر کر سکتے ہیں ان میں بارباڈوس، برونڈی، کمبوڈیا، کیپ وردے جزائر، کومورو جزائر، کک آئی لینڈز، جبوتی، ڈومینیکا، گنی بساؤ، ہیٹی، کینیا، مڈغاسکر، مالدیپ، مائیکرونیشیا، مونٹسریٹ، موزمبیق، نیپال، نیوئے، پالاؤ جزائر، قطر، روانڈا، سیموآ، سینیگال، سیشلز، سیرا لیون، سری لنکا، سینٹ ونسنٹ اینڈ دی گرینیڈائنز، تیمور لیستے، ٹرینیڈاڈ اینڈ ٹوباگو، توالو اور وانواتو شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: پاکستانی پاسپورٹ ویزا فری
پڑھیں:
پاپ کوئین میڈونا کی شاندار واپسی، ’کنفیشنز 2‘ بل بورڈ 200 پر نمبر ون
عالمی شہرت یافتہ امریکی پاپ اسٹار میڈونا نے ایک بار پھر اپنی مقبولیت کا لوہا منواتے ہوئے اپنے نئے البم ’کنفیشنز 2‘ کے ساتھ امریکا کے معروف بل بورڈ 200 البمز چارٹ میں پہلی پوزیشن حاصل کرلی ہے۔
66 سالہ میڈونا کو جدید پاپ موسیقی کی تاریخ کی سب سے بااثر شخصیات میں شمار کیا جاتا ہے، جو 4 دہائیوں سے زائد عرصے پر محیط اپنے کیریئر میں وہ درجنوں عالمی ہٹ گانے اور متعدد کامیاب البمز پیش کرچکی ہیں۔
یہ بھی پڑھیں: میڈونا کا نیا البم ‘کنفیشنز 2‘ ریلیز، گانوں میں ذاتی زندگی کی عکاسی، سابق شوہر پر طنز
انہیں ’کوئین آف پاپ‘ کے لقب سے بھی جانا جاتا ہے، جبکہ موسیقی، فیشن اور اسٹیج پرفارمنس کے میدان میں ان کی جدت نے انہیں دنیا کی سب سے زیادہ فروخت ہونے والی خواتین فنکاروں میں شامل کر دیا ہے۔
بل بورڈ 200 کی جاری ہونے والی تازہ درجہ بندی کے مطابق دوسرے نمبر پر اولیویا روڈریگو کا البم جبکہ تیسرے نمبر پر ایلا لینگلے کا ’ڈینڈیلائن‘ موجود ہے۔
https://x.com/Bubblebathgirl/status/2078941004296532396
چارٹ میں چوتھی پوزیشن مورگن والن کے ’آئی ایم دا پروبلم‘ اور 5ویں نمبر پر کینیڈین ریپر ڈریک کے البم ’آئس مین‘ نے حاصل کی۔
ٹاپ 10 میں شامل دیگر البمز میں نوح کہان کا ’دا گریٹ ڈیوائیڈ‘ چھٹے، کین کارسن کا ’ایکسپیریمینٹ‘ 7ویں، پاپ لیجنڈ مائیکل جیکسن کا لازوال البم ’تھرلر‘ 8ویں، سیینا اسپیرو کا ’وزیٹر‘ 9ویں اور مرحوم کنٹری موسیقار ٹوبی کیتھ کا ’بگیسٹ ہٹ 35‘ 10ویں نمبر پر رہا۔
مزید پڑھیں: گلوکارہ میڈونا کے مداح نے 18 ٹیٹو بنوا کر عالمی ریکارڈ بنا ڈالا
تازہ بل بورڈ چارٹ اس بات کی بھی عکاسی کرتا ہے کہ موسیقی کی دنیا میں نئے البمز کے ساتھ ساتھ کلاسک ریکارڈنگز بھی اپنی کشش برقرار رکھے ہوئے ہیں۔
مائیکل جیکسن کے شہرۂ آفاق البم ’تھرلر‘ کی ٹاپ 10 میں مسلسل موجودگی اس کی مقبولیت اور عالمی موسیقی پر اس کے دیرپا اثرات کا واضح ثبوت سمجھی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بل بورڈ پاپ کوئین پاپ لیجنڈ ڈریک فیشن مائیکل جیکسن موسیقی میڈونا
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم