2025 کی آخری سہ ماہی میں دنیا کا طاقتور ترین پاسپورٹ اشیائی ملک کے نام
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
دنیا بھر کے طاقتور ترین پاسپورٹس کی فہرست 2025 کی آخری سہ ماہی کے لیے جاری کردی گئی ہے، جس میں ایک بار پھر ایشیائی ممالک نے اپنی برتری قائم رکھی ہے۔
ہینلے اینڈ پارٹنرز کے اکتوبر تا دسمبر 2025 انڈیکس کے مطابق سنگاپور کا پاسپورٹ دنیا کا سب سے طاقتور پاسپورٹ قرار پایا ہے، جس کے حامل افراد 193 ممالک میں بغیر ویزا کے سفر کرسکتے ہیں۔
فہرست میں دوسرے نمبر پر جنوبی کوریا ہے جس کے شہری 190 ممالک میں ویزا فری رسائی رکھتے ہیں، جبکہ جاپان تیسرے نمبر پر موجود ہے اور اس کے شہری 189 ممالک کا سفر بغیر ویزا کے کر سکتے ہیں۔ چوتھے نمبر پر جرمنی، اٹلی، لگسمبرگ، سوئٹزرلینڈ اور اسپین مشترکہ طور پر موجود ہیں جن کے پاسپورٹس پر 188 ممالک میں داخلہ ممکن ہے۔
ڈنمارک، فن لینڈ، فرانس، آئرلینڈ، بیلجیئم، آسٹریا اور نیدرلینڈز کے پاسپورٹس کو پانچواں درجہ حاصل ہوا ہے جن کے حامل افراد 187 ممالک میں ویزا فری رسائی رکھتے ہیں۔ اسی طرح یونان، ہنگری، نیوزی لینڈ، ناروے اور سویڈن کے پاسپورٹس 186 ممالک کے ساتھ چھٹے نمبر پر رہے۔
دلچسپ بات یہ ہے کہ امریکی پاسپورٹ تاریخ میں پہلی بار ٹاپ 10 ممالک کی فہرست سے باہر ہوگیا ہے اور اب یہ 12 ویں نمبر پر موجود ہے، حالانکہ ماضی میں اسے دنیا کا سب سے طاقتور پاسپورٹ تصور کیا جاتا تھا۔
رپورٹ کے مطابق گزشتہ ایک دہائی کے دوران چین اور متحدہ عرب امارات کے پاسپورٹس نے نمایاں بہتری دکھائی ہے۔ چینی پاسپورٹ کی درجہ بندی میں 30 درجے اضافہ ہوا ہے اور اب وہ 64 ویں نمبر پر ہے، جبکہ متحدہ عرب امارات نے 34 درجے اوپر آکر آٹھواں نمبر حاصل کرلیا ہے۔
دنیا کے کمزور ترین پاسپورٹس کی فہرست میں پاکستان بدقسمتی سے چوتھے نمبر پر موجود ہے۔ پاکستانی پاسپورٹ یمن کے ساتھ مشترکہ طور پر 103 ویں پوزیشن پر ہے، اور اس کے حامل افراد صرف 31 ممالک میں ویزا فری داخلہ حاصل کر سکتے ہیں۔ فہرست میں پاکستان سے نیچے عراق 104 ویں، شام 105 ویں اور افغانستان 106 ویں نمبر پر موجود ہیں، جب کہ پاکستان سے کچھ اوپر صومالیہ، نیپال، بنگلہ دیش، فلسطین، ایران اور سوڈان جیسے ممالک شامل ہیں۔
.ذریعہ: Jasarat News
کلیدی لفظ: کے پاسپورٹس ممالک میں
پڑھیں:
پاکستان کی باہمت بیٹی علینہ اظہر مراکش یوتھ کانگریس میں غزہ کی طاقتور آواز بن گئیں
لاہور:پاکستان کی باہمت بیٹی علینہ اظہر مراکش یوتھ کانگریس میں غزہ کے مظلوموں کے لیے طاقتور آواز بن گئیں۔
مراکش میں منعقدہ انٹرنیشنل یوتھ کانگریس میں لاہور سے تعلق رکھنے والی نوجوان سماجی کارکن اور عالمی سطح پر انسانی حقوق کی نمایاں آواز، علینہ اظہر نے غزہ کے انسانی المیے اور فلسطینیوں کے حقِ زندگی کے لیے دنیا بھر کے نوجوانوں کی یکجہتی کو اجاگر کیا۔
انہوں نے اپنے خطاب میں کہا کہ پاکستان آزاد اور خود مختار فلسطین کا حامی ہے اور غزہ میں ہزاروں بچے اور خاندان جنگ سے شدید متاثر ہوئے ہیں۔ علینہ اظہر کے مطابق عالمی نوجوان ہیومین رائٹس ایکٹویسٹ اس وقت ایک مشترکہ انسانی مقصد کے تحت اکٹھے ہو رہے ہیں تاکہ مظلوم فلسطینیوں کے ساتھ اظہارِ یکجہتی کو مضبوط بنایا جا سکے۔
انٹرنیشنل رباط یونیورسٹی میں ہوئی اس یوتھ کانگریس کا اہتمام وائس فور رائٹس انٹرنیشنل، یوتھ کانگریس مراکش اور انٹرنیشنل رباط یونیورسٹی نے مشترکہ طور پر کیا، جس میں پاکستان اور بھارت سمیت مختلف خطوں سے آئے نوجوان انسانی حقوق کے کارکنوں نے شرکت کی۔
علینہ اظہر کم عمری میں نمایاں سماجی خدمات اور لیڈی ڈیانا ایوارڈ سمیت متعدد بین الاقوامی اعزازات حاصل کرنے والی نوجوان پاکستانی خواتین میں نمایاں مقام رکھتی ہیں۔ انہوں نے بتایا کہ وہ ایسے ماحول میں پلی بڑھیں جہاں معاشرتی عدم استحکام اور تشدد عام تھا، جبکہ 16 برس کی عمر میں والد کے انتقال نے ان کی زندگی پر گہرا اثر چھوڑا۔ اس صدمے کو انہوں نے کمزوری کے بجائے اپنی قوت میں بدلا اور فیصلہ کیا کہ وہ دوسروں کے لیے سہارا بنیں گی۔
اسی جذبے کے تحت انہوں نے 18 برس کی عمر میں آسرا پاکستان قائم کیا، جو بزرگ شہریوں، یتیم بچوں، کچی آبادیوں میں رہنے والے خاندانوں، ٹرانس جینڈر کمیونٹی اور دیگر کمزور طبقات کے لیے مدد اور تحفظ کا ذریعہ ہے۔ بعدازاں 22 برس کی عمر میں انہوں نے آسرا ترکی کی بنیاد رکھی، جو استنبول میں شامی مہاجر خاندانوں کو خوراک، گرم لباس، حفظانِ صحت کی اشیا اور دیگر ضروری سامان فراہم کرتا ہے۔
علینہ اظہر نے نوجوانوں کو یہ پیغام دیا کہ انسان ٹوٹ کر بھی دوبارہ جڑ سکتا ہے، تنہا ہو کر بھی اٹھ سکتا ہے اور سب کچھ کھو دینے کے باوجود نئی سمت پیدا کر سکتا ہے۔ ان کا کہنا تھا کہ حقیقی تبدیلی کے لیے کسی منصب یا منظوری کی نہیں بلکہ حوصلے اور یقین کی ضرورت ہوتی ہے۔
انٹرنیشنل یوتھ کانگریس میں ان کی شرکت کو پاکستان کی نوجوان نسل کی مؤثر نمائندگی قرار دیا گیا۔ ان کے خطاب کو انسانی حقوق، سماجی انصاف اور نوجوانوں کے کردار کے حوالے سے ایک واضح اور بامعنی پیغام سمجھا گیا۔
انہوں نے بتایا کہ کانگریس کے دوران انہوں نے ٹی آر ٹی ورلڈ کے ایک پروگرام میں بھی شرکت کی، جہاں ان کی ملاقات اسکاٹ لینڈ کے سابق فرسٹ منسٹر حمزہ یوسف، ترکیہ کے نائب وزیرِ خارجہ نو یلماز اور ترک صدر کے خارجہ پالیسی و سیکیورٹی کے مشیر آقِف چاعتائے قلیچ سے ہوئی۔ اس ملاقات میں غزہ اور فلسطین کی موجودہ صورتحال، انسانی بحران اور عالمی برادری کی ذمہ داریوں پر تفصیلی بات چیت کی گئی۔ علینہ اظہر کے مطابق فلسطین کا مسئلہ صرف سیاسی تنازع نہیں بلکہ عالمی ضمیر کا امتحان ہے۔
جیو پالیٹکس اور مذہبی عینک