ویرانے کو خوبصورت آشیانے میں کیسے بدلا جاتا ہے، آسٹریلین باشندے نے کر دکھایا
اشاعت کی تاریخ: 30th, November 2025 GMT
اینمور (آسٹریلیا) کی جولئیٹ اسٹریٹ پر موجود ایک ٹوٹا پھوٹا گھر، جسے لوگ مذاق میں ’جراسک پارک‘ کہتے تھے، آج ایک خوبصورت اور جدید ٹیرس میں بدل چکا ہے۔
اینٹونی کیولویچ نے جب یہ کھنڈر خریدا تو ہر طرف گندگی، جھاڑیاں، ٹوٹی دیواریں، گرافٹی، بس کا پرانا بینچ، سرنجیں اور چھت میں بسیرا کی ہوئی گلہریاں تک موجود تھیں۔
لوگ سمجھتے تھے کہ یہ گھر کبھی ٹھیک نہیں ہو سکتا۔ ایک آرکیٹیکٹ نے بھی مشورہ دیا کہ پورا گھر گرا کر دوبارہ بنایا جائے، مگر کیولویچ نے فیصلہ کیا کہ وہ اسے بچائیں گے۔
انہوں نے اکیلے ہی جھاڑیوں اور ٹوٹ پھوٹ سے نمٹنا شروع کیا۔ دیواریں ٹیڑھی تھیں، فرش خراب ہو چکا تھا، لیکن گھر کے پرانے ریتلے پتھر انہیں بہت پسند تھے۔ اسی لیے انہوں نے نچلا ڈھانچہ برقرار رکھا اور اوپر نیا فلور تعمیر کیا۔ ساتھ ہی گھر کو اس کی پرانی وکٹورین خوبصورتی بھی واپس دے دی۔
اب وہی گھر جسے لوگ چھونا بھی نہیں چاہتے تھے، ایک شاندار 2 منزلہ ٹیرس بن چکا ہے۔ اس میں 4 بیڈ روم، ڈیک، سن لاؤنج، خوبصورت فائر پلیس، ماربل کچن، بٹلر پینٹری اور سوئمنگ پول بھی موجود ہے۔
پرانے مالک کے مطابق وہ نہیں سمجھتے تھے کہ اتنی برباد حالت والا گھر دوبارہ بن سکتا ہے، لیکن کیولویچ نے یہ ممکن کر دکھایا۔ آج اسی گھر کی قیمت کروڑوں میں جا پہنچی ہے، اور کیولویچ خوش ہیں کہ یہ گھر اب کسی خوش قسمت خاندان کا نیا آشیانہ بننے والا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا آشیانہ اینمور جولئیٹ اسٹریٹ ویرانہ.ذریعہ: WE News
کلیدی لفظ: ا سٹریلیا ا شیانہ اینمور جولئیٹ اسٹریٹ ویرانہ
پڑھیں:
عدنان سمیع نے 120 کلو وزن کیسے کم کیا؟
نامور گلوکار اور موسیقار عدنان سمیع نے 120 کلو وزن کیسے کم کیا؟ گلوکار کی ‘نو بریڈ، نو رائس، نو شوگر’ ڈائٹ پلان کی تفصیل سامنے آگئی۔
عدنان سمیع نے انکشاف کیا ہے کہ انہوں نے 230 کلو سے 110 کلو تک کا سفر بغیر کسی باریئٹرک سرجری یا لائپوسکشن کے محض سخت ڈائٹ پلان اور ورزش کے ذریعے کم کیا۔
گلوکار نے ایک پروگرام میں اپنے غیر معمولی وزن میں کمی کی تفصیلات بیان کیں۔
عدنان سمیع نے گفتگو کے دوران کہا کہ میرا وزن کم ہونے پر طرح طرح کی افواہیں گردش کرتی رہیں کسی نے کہا میں نے باریئٹرک سرجری کرائی، کسی نے کہا لائپوسکشن کرایا جبکہ 230 کلو وزن کے لیے تو شاید ویکیوم کلینر کی ضرورت پڑتی۔
View this post on InstagramA post shared by India TV Aap Ki Adalat (@indiatvaapkiadalat)
انہوں نے واضح کیا کہ میرے وزن میں حیران کن کمی کے پیچھے بنیادی وجہ ایک انتہائی سخت ڈائٹ پلان تھا نو بریڈ، نو رائس، نو شوگر، نو آئل، نو الکوحل، جس کی مدد سے میں نے صرف پہلے مہینے میں 20 کلو وزن کم کیا۔
گلوکار کے مطابق ایک دن شاپنگ مال میں مجھے ایک خوبصورت ٹی شرٹ پسند آئی، لیکن اس کا سائز XL تھا جبکہ وہ اُس وقت میں 9XL پہنتا تھا، میں نے وہ شرٹ خرید لی، جب بھی لگتا کہ شاید وزن کم ہوا ہے، میں وہ ٹی شرٹ پہن کر دیکھتا، پھر ایک دن وہ ٹی شرٹ بالکل فِٹ آ گئی، وہ رات کے تین بجے کا وقت تھا، میں خوشی سے اچھل پڑا اور فوراً والد کو فون کیا۔
ان کا کہنا تھا کہ میں نے وزن محنت سے کم کیا، زندگی میں کوئی شارٹ کٹ نہیں ہوتا، وزن کم کرنے کا سفر کبھی آسان نہیں ہوتا، مگر درست ڈائٹ، مستقل مزاجی اور ورزش کے ذریعے ناممکن کو ممکن بنایا جا سکتا ہے۔
وزیراعظم سے چیئرمین جوائنٹ چیفس آف اسٹاف کمیٹی جنرل ساحر شمشاد کی الوداعی ملاقات