امریکا پہلی بار طاقتور ترین 10 پاسپورٹس کی فہرست سے باہر
اشاعت کی تاریخ: 16th, October 2025 GMT
دنیا کے طاقتور ترین پاسپورٹس کی فہرست میں پہلی بار امریکا ٹاپ 10 سے باہر ہو گیا ہے۔ ہنلے پاسپورٹ انڈیکس کی تازہ درجہ بندی میں امریکا بارہویں نمبر پر آ گیا ہے، جہاں وہ ملیشیا کے ساتھ مشترکہ پوزیشن پر ہے۔
یہ انڈیکس شہریوں کی سفری آزادی اور بغیر ویزا رسائی کی بنیاد پر ممالک کی درجہ بندی کرتا ہے۔
عالمی سطح پر سب سے طاقتور پاسپورٹس2025 کی فہرست کے مطابق سنگاپور 193 ممالک تک ویزا فری رسائی کے ساتھ پہلے نمبر پر ہے۔ جنوبی کوریا 190 مقامات کے ساتھ دوسرے اور جاپان 189 ملکوں کے ساتھ تیسرے نمبر پر ہے۔
یہ بھی پڑھیں:برطانیہ کا نیا پاسپورٹ جاری کرنے کا فیصلہ، یہ کن منفرد خصوصیات کا حامل ہوگا؟
امریکا اب 12ویں نمبر پر آ گیا ہے اور اس کے شہریوں کو 180 ممالک میں ویزا فری یا ویزا آن ارائیول کی سہولت حاصل ہے۔
امریکی پاسپورٹ کی کمزور ہوتی حیثیت2014 میں امریکا فہرست میں پہلے نمبر پر تھا، اور رواں سال جولائی تک ٹاپ 10 میں شامل تھا۔ تاہم ویزا پالیسیوں میں حالیہ تبدیلیوں نے اس کی درجہ بندی کو متاثر کیا۔
اپریل میں برازیل نے امریکا، کینیڈا اور آسٹریلیا کے شہریوں کے لیے ویزا فری داخلے کی سہولت واپس لے لی۔
چین نے متعدد یورپی ممالک کو ویزا سے استثنیٰ دیا لیکن امریکہ کو اس فہرست میں شامل نہیں کیا۔
اسی طرح پاپوا نیو گنی، میانمار اور ویتنام کی نئی پالیسیوں نے امریکی پاسپورٹ کی سفری طاقت کو مزید کمزور کیا۔
عالمی نقل و حرکت میں تبدیلیہنلے اینڈ پارٹنرز کے چیئرمین کرسچن ایچ کیلن کے مطابق گزشتہ دہائی میں امریکی پاسپورٹ کی گرتی ہوئی حیثیت عالمی طاقت اور سفری آزادی کے توازن میں بنیادی تبدیلی کی علامت ہے۔
یہ بھی پڑھیں:جعلی ملک ‘ٹورینزا’ کا پاسپورٹ لے کر خاتون کے امریکا پہنچنے کی وائرل ویڈیو کی حقیقت سامنے آگئی
انہوں نے کہا کہ وہ ممالک جو کھلے پن اور تعاون کو فروغ دے رہے ہیں، آگے بڑھ رہے ہیں جبکہ جو اپنی پرانی حیثیت پر تکیہ کر رہے ہیں، پیچھے رہ گئے ہیں۔
برطانوی اور چینی پاسپورٹس کی نئی پوزیشنبرطانیہ کا پاسپورٹ بھی اپنی تاریخ کی کم ترین سطح پر آ گیا ہے اور اب آٹھویں نمبر پر ہے۔
دوسری جانب چین نے گزشتہ دہائی میں نمایاں پیشرفت کی ہے، 2015 میں 94ویں نمبر سے 2025 میں 64ویں نمبر تک پہنچ گیا ہے۔
چین نے روس، خلیجی ریاستوں، جنوبی امریکا اور یورپ کے کئی ممالک کے ساتھ ویزا فری معاہدے کیے ہیں، جو اس کی عالمی کھلے پن کی پالیسی کا حصہ ہیں۔
متحدہ عرب امارات کی تیز ترین ترقیمتحدہ عرب امارات نے گزشتہ دس سالوں میں سب سے زیادہ ترقی کی ہے، نمبر 42 سے بڑھ کر اب 8 ویں نمبر پر پہنچ چکا ہے۔
اماراتی پاسپورٹ کے حامل شہری اب 184 ممالک میں بغیر ویزا یا ویزا آن ارائیول کی سہولت حاصل کر سکتے ہیں۔
کمزور ترین پاسپورٹسفہرست کے نچلے سرے پر افغانستان بدستور آخری نمبر (106) پر ہے، جس کے شہری صرف 24 ممالک میں بغیر ویزا سفر کر سکتے ہیں۔ شام 105 ویں اور عراق 104 ویں نمبر پر ہیں۔
یوں دنیا کے طاقتور ترین اور کمزور ترین پاسپورٹس کے درمیان 169 ممالک کا فرق موجود ہے۔
امریکی پالیسیوں اور پابندیوں کا اثرسی این این کے تجزیہ کار رچرڈ کویسٹ کے مطابق، امریکہ کے سخت ویزا قوانین، یورپی یونین اور برطانیہ میں نئے سفری ضوابط اور ٹرمپ انتظامیہ کی امیگریشن پالیسیوں نے امریکی پاسپورٹ کی طاقت کو متاثر کیا ہے۔
یہ بھی پڑھیں:دنیا کے کمزرو ترین پاسپورٹس میں پاکستان کہاں کھڑا ہے؟
انہوں نے کہا کہ اگرچہ دنیا کے چند پاسپورٹس اب بھی سب سے زیادہ مطلوب ہیں، لیکن عام شہری کے لیے اس میں زیادہ فرق نہیں پڑتا۔
ہنلے انڈیکس کا طریقہ کارہنلے پاسپورٹ انڈیکس بین الاقوامی فضائی تنظیم کے خصوصی اعداد و شمار کی بنیاد پر تیار کیا جاتا ہے اور اس میں 227 ممالک و خطوں کا احاطہ کیا جاتا ہے۔
یہ انڈیکس ہر سہ ماہی میں اپڈیٹ کیا جاتا ہے اور اس میں وہ ممالک شامل ہیں جو شہریوں کو ویزا فری یا ویزا آن ارائیول سہولت فراہم کرتے ہیں۔
2025 کے طاقتور ترین پاسپورٹس کی فہرست (انتخاب) سنگاپور (193 ممالک) جنوبی کوریا (190) جاپان (189) جرمنی، اٹلی، اسپین، لکسمبرگ، سوئٹزرلینڈ (188) فرانس، آئرلینڈ، نیدرلینڈ، فن لینڈ، آسٹریا (187) یونان، ہنگری، ناروے، سویڈن، پرتگال (186) آسٹریلیا، پولینڈ، مالٹا، چیک جمہوریہ (185) متحدہ عرب امارات، برطانیہ، کروشیا (184) کینیڈا (183) لتھوانیا، آئس لینڈ (181) امریکہ، ملیشیا (180)
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان امریکا پاسپورٹس جاپان جنوبی کوریا سنگاپور کمزور پاسپورٹ مضبوط پاسپورٹ ہنلے انڈیکس.ذریعہ: WE News
کلیدی لفظ: افغانستان امریکا پاسپورٹس جاپان جنوبی کوریا سنگاپور کمزور پاسپورٹ مضبوط پاسپورٹ ہنلے انڈیکس امریکی پاسپورٹ کی ترین پاسپورٹس پاسپورٹس کی طاقتور ترین کی فہرست ویزا فری دنیا کے کے ساتھ گیا ہے ہے اور
پڑھیں:
پاکستان سب سے زیادہ موبائلزگیمز بنانے والے ممالک میں دوسرے نمبر پرآ گیا
کراچی(اُردو پوائنٹ اخبارتازہ ترین - این این آئی۔ 15 اکتوبر2025ء) پاکستان طویل عرصے سے بڑی تعداد میں موبائل ایپس استعمال کرنے اور گیمزکھیلنے والے بڑے ممالک کے طور پر جانا جاتا ہے۔ چاہے وہ سوشل میڈیا پلیٹ فارمز ہوں، ای کامرس کی ایپس ہوں، یا پھر PUBG جیسی مقبول ترین موبائل گیمز، پاکستانیوں کی بڑی تعداد ان کی شیدائی ہے۔یہ ساری ایپس پاکستان سے باہر کسی ملک میں بنائی گئی ہیں۔ لیکن اس کا ہر گز یہ مطلب نہیں کہ پاکستان میں موبائل گیمز نہیں بنائی جاتیں۔ اس پورے خطے میں سب سے زیادہ گیمزبنانے والے ممالک میں پاکستان کا دوسرا نمبر ہے۔ ڈیجیٹل تحقیقاتی ادارے ڈیٹا دربار کے مطابق صرف 2024 میں پاکستان نے حیران کن طور پر 1,053 مقامی موبائل گیمز ریلیز کیں، جن میں 764 اینڈرائیڈ اور 289 آئی او ایس گیمز شامل ہیں۔(جاری ہے)
یہ تعداد نہ صرف فلپائن (800)، انڈونیشیا (725)، میکسیکو (163) اور مصر (133) جیسے ممالک سے زیادہ ہے بلکہ پاکستان کو خطے کا دوسرا بڑا گیم ڈیولپمنٹ حب بھی بناتی ہے۔
پاکستان سے آگے صرف ویتنام ہے، جس نے 2,715 گیمز ریلیز کیں۔تاہم، اس متاثر کن پیداوار کے باوجود پاکستانی گیمنگ اسٹوڈیوز کا عالمی سطح پر تذکرہ ناپید ہے۔ نہ کسی گیم کی کامیابی کی کوئی مشہور کہانی، نہ خاطر خواہ سرمایہ کاری، اور نہ ہی بڑی سطح پر کسی اسٹوڈیو کی خرید و فروخت (ایگزٹ)دیکھنے میں آئی ہے۔ماہرین کے مطابق اس کی ایک بڑی وجہ پاکستانی ڈیولپرز کی جانب سے ہائپر کیژوئل گیمز پر انحصار ہے، جہاں مقابلہ انتہائی سخت ہوتا ہے اور ٹاپ چارٹس تک پہنچنا بے حد مشکل۔اس تناظر میں خوش آئند پہلو یہ ہے کہ اس شعبے میں بہتری کے لیے سنجیدہ اقدامات کا آغاز ہو گیا ہے۔
کراچی میں نامعلوم افراد کی فائرنگ سے پولیو ورکر جاں بحق، وزیراعلیٰ سندھ کا نوٹس