واشنگٹن میں افغان شہری کا حملہ: شدید زخمی نیشنل گارڈ خاتون جان کی بازی ہار گئی
اشاعت کی تاریخ: 28th, November 2025 GMT
data-id="863a0a8" data-element_type="widget" data-widget_type="theme-post-content.default">
امریکی دارالحکومت واشنگٹن ڈی سی میں گزشتہ روز پیش آنے والے واقعے میں شدید زخمی نیشنل گارڈ کی خاتون اہلکار ہلاک ہو گئی۔
بین الاقوامی خبر رساں اداروں کے مطابق افغان شہری کی جانب سے کی جانے والی فائرنگ میں شدید زخمی ہونے والی نوجوان نیشنل گارڈز اہلکار سارا بیک اسٹروم زخموں کی تاب نہ لاتے ہوئے چل بسی۔ اہل کار کی عمر 20 سال تھی اور وہ جون 2023ء میں سروس میں شامل ہوئی تھیں۔
امریکی صدر ڈونلڈ ٹرمپ نے ہلاکت کی تصدیق تھینکس گیونگ کے موقع پر سروس ممبرز کے ساتھ گفتگو کے دوران کی، جہاں انہوں نے سارا کی خدمات، حوصلے اور کردار کو خراجِ عقیدت پیش کیا۔
صدر ٹرمپ نے اپنی گفتگو میں کہا کہ سارا بیک اسٹروم ایک باوقار، محنتی اور بے مثال صلاحیتوں کی حامل اہلکار تھیں، جن کی کارکردگی نے انہیں کم وقت میں نمایاں مقام دلوایا۔ انہیں حال ہی میں واشنگٹن ڈی سی تعینات کیا گیا تھا، جہاں صدر کی ہدایات پر مختلف ریاستوں سے بلائے گئے نیشنل گارڈز کی تعیناتی جاری تھی۔
واقعے کے روز سارا اپنے ساتھی 24 سالہ ایئر فورس اسٹاف سارجنٹ اینڈریو وولف کے ہمراہ ڈیوٹی سے واپس آرہی تھیں کہ اچانک ان پر حملہ کیا گیا۔ یہ حملہ اس قدر اچانک تھا کہ دونوں اہلکار سنبھلنے یا دفاع کا کوئی موقع نہیں پا سکے۔
امریکی صدر نے بتایا کہ حملہ آور افغان شہری بھی فائرنگ کے تبادلے میں شدید زخمی ہوا ہے۔ ٹرمپ نے اس موقع پر سخت لہجے میں کہا کہ نیشنل گارڈز ملک کی حفاظت کے لیے اپنی جانیں خطرے میں ڈال کر ذمہ داریاں نبھاتے ہیں اور ان پر کسی بھی قسم کے حملے کو برداشت نہیں کیا جائے گا۔
انہوں نے وینزویلا کا ذکر کرتے ہوئے عندیہ دیا کہ امریکا خطے میں اپنے مفادات کے تحفظ کے لیے جلد مؤثر کارروائی کرے گا۔
گفتگو کے دوران صدر ٹرمپ نے امریکی فضائیہ کی طاقت کا حوالہ دیتے ہوئے بتایا کہ بی 2 بمبار طیاروں نے حال ہی میں 37 گھنٹے طویل مشن کے بعد اپنا ہدف کامیابی سے حاصل کیا۔ ان طیاروں کے پائلٹس ٹام کروز جیسے بے خوف اور ماہر ہیں۔
صدر ٹرمپ نے مزید انکشاف کیا کہ انہوں نے کچھ دیر قبل بی 2 بمبار طیاروں کے ایک بڑے نئے آرڈر کی منظوری بھی دے دی ہے تاکہ فضائیہ کی صلاحیتوں میں مزید اضافہ کیا جا سکے۔
واقعے کے بعد واشنگٹن ڈی سی کے سیکورٹی ادارے ہائی الرٹ ہیں جب کہ اینڈریو وولف کو تاحال شدید زخمی حالت میں طبی امداد فراہم کی جارہی ہے۔ تحقیقات کرنے والے اداروں نے جائے وقوع سے اہم شواہد اکھٹے کر لیے ہیں۔ حملے کی نوعیت نے ایک بار پھر امریکی سیکورٹی اداروں پر سوالات کھڑے کر دیے ہیں۔
.
ذریعہ
ذریعہ: Jasarat News
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ