پاکستان و افغانستان کے درمیان امن بحال کرسکتا ہوں، پیرول پر رہائی دی جائے، عمران خان
اشاعت کی تاریخ: 16th, October 2025 GMT
اسلام آباد: چیئرمین تحریک انصاف عمران خان نے کہا ہے کہ اگر انہیں پیرول پر رہائی دی جائے تو وہ پاکستان اور افغانستان کے درمیان جاری کشیدگی کو ختم کرانے اور دونوں مسلم ممالک کے درمیان پائیدار امن قائم کرنے میں اپنا کردار ادا کرسکتے ہیں۔
میڈیا رپورٹس کے مطابق اڈیالہ جیل میں عمران خان سے بیرسٹر ڈاکٹر سیف نے ملاقات کرتے ہوئے پاکستان اور افغانستان کے درمیان حالیہ کشیدگی اور سرحدی تنازعات پر تفصیلی گفتگو کی۔
ملاقات کے بعد میڈیا سے گفتگو کرتے ہوئے بیرسٹر ڈاکٹر سیف نے بتایا کہ عمران خان نے پاک افغان تعلقات میں پیدا ہونے والی بگاڑ پر گہری تشویش کا اظہار کیاہے، دو مسلم ہمسایہ ممالک کے درمیان تصادم کسی کے مفاد میں نہیں بلکہ اس سے خطے میں مزید عدم استحکام پیدا ہوگا۔
انہوں نے کہاکہ عمران خان کاکہنا تھا کہ پاکستان اور افغانستان کے مسائل کو طاقت یا لڑائی کے بجائے بات چیت اور سفارتی مذاکرات کے ذریعے حل کیا جانا چاہیے، اگر حکومت انہیں عارضی طور پر پیرول پر رہائی دے تو وہ دونوں ممالک کے رہنماؤں کے درمیان امن کے قیام اور تنازعات کے حل کے لیے مؤثر ثالث کا کردار ادا کرسکتے ہیں۔
بیرسٹر سیف نے بتایا کہ عمران خان نے واضح کیا کہ پاکستان اور افغانستان کے عوام صدیوں پرانے مذہبی، ثقافتی اور تجارتی رشتوں سے جڑے ہوئے ہیں، اس لیے کسی بھی سطح پر دشمنی یا کشیدگی دونوں اقوام کے مستقبل کے لیے نقصان دہ ہوگی۔
عمران خان کا کہنا تھا کہ ان کی ہمیشہ یہی کوشش رہی ہے کہ مسلم ممالک کے درمیان اتحاد اور مفاہمت کو فروغ دیا جائے، اور وہ آج بھی اسی جذبے کے تحت امن کی بحالی میں اپنا کردار ادا کرنے کو تیار ہیں۔
.
ذریعہ
ذریعہ: Al Qamar Online
کلیدی لفظ: پاکستان اور افغانستان کے کے درمیان ممالک کے
پڑھیں:
آزاد کشمیر میں ڈیڑھ ماہ بعد انٹرنیٹ سروس بحال ہونا شروع
فائل فوٹوآزاد کشمیر میں ڈیڑھ ماہ بعد انٹرنیٹ سروس بحال ہونا شروع ہوگئی، میرپور ڈویژن میں انٹرنیٹ سروس جزوی طور پر بحال ہوئی۔
ذرائع کا کہنا ہے کہ وفاقی حکومت کی ہدایت پر پی ٹی اے نے انٹرنیٹ سروس کی بحالی کا عمل شروع کیا، آزاد کشمیر میں 5 جون سے انٹرنیٹ سروس معطل تھی۔
آزاد کشمیر میں امن و امان کی صورتحال کے باعث انٹرنیٹ سروس بند کی گئی تھی، چئیرمین پیپلز پارٹی بلاول بھٹو زرداری نے حکومت سے انٹرنیٹ بحال کرنے کا مطالبہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار