55 سال پرانا بچی اغوا کیس، اہل خانہ نے بالآخر خاموشی توڑ دی
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
سڈنی: آسٹریلیا میں 55 سال قبل لاپتہ ہونے والی 3 سالہ برطانوی نژاد بچی شیریل گرمر کے اہلِ خانہ نے بالآخر خاموشی توڑ دی۔ انہوں نے اعلان کیا ہے کہ اگر مشتبہ شخص نے بدھ کی رات تک سچ نہ بتایا تو وہ اس کا نام عام کر دیں گے۔
برطانوی میڈیا کے مطابق، 1970 میں شیریل گرمر اپنی والدہ اور تین بھائیوں کے ساتھ آسٹریلیا کے شہر وولونگونگ کے ساحل پر گئی تھی، جہاں سے وہ اچانک لاپتہ ہوگئی۔ پولیس اور اہل خانہ کی کئی دہائیوں کی کوششوں کے باوجود آج تک اس کی لاش بھی نہیں ملی۔
ابتدائی تحقیقات میں ایک مشتبہ شخص کو اغوا اور قتل کے الزام میں گرفتار کیا گیا تھا، تاہم 2019 میں عدم شواہد کی بنیاد پر مقدمہ ختم کر دیا گیا۔ ملزم مرکری نے اس وقت اپنی بے گناہی کا دعویٰ کرتے ہوئے کہا تھا کہ جب واقعہ پیش آیا، وہ خود نابالغ تھا۔
مغوی بچی کے بھائی رِکی نیش نے کہا ہے کہ “اب بہت ہو گیا، ہم سچ جاننا چاہتے ہیں۔ اگر ملزم نے وضاحت نہ دی تو ہم اس کی شناخت عوام کے سامنے لائیں گے۔”
اس نے سوال اٹھایا کہ اگر ملزم بے گناہ تھا تو اسے پولیس کو دیے گئے بیان میں وہ مخصوص اور اہم تفصیلات کیسے معلوم تھیں؟
بچی کے اہلِ خانہ نے پولیس پر غفلت اور ناقص تحقیقات کا الزام لگاتے ہوئے کہا کہ “55 سال گزر گئے، ہمیں صرف طفل تسلیاں دی گئیں، اب وقت آ گیا ہے کہ سچ کو سامنے لایا جائے تاکہ اصل ذمہ داروں کا تعین ہوسکے۔”
.
ذریعہ
ذریعہ: Jasarat News
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار