حیدرآباد،تیز رفتار بس نے بچے کو کچل دیا،پولیس مقابلے میں ملزم ہلاک
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)تیز رفتار بس نے بچے کو کچل دیا،پولیس مقابلے میں ملزم ہلاک، 2ساتھی فرار،حسین آباد سے موٹرسائیکل چور گروہ کے کارندے کو گرفتار کرکے 6مسروقہ موٹرسائیکلیں برآمد کرلی گئیں۔ تفصیلات کیمطابق خواجہ غریب نواز پل پر بے قابو بس بچے پر چڑھ دوڑی حادثے میں 10 سالہ ایان موقع پر ہی جاںبحق ہوگیاایان ولد راشد علی پانچویں کلاس کا طالب علم اور پہنور گوٹھ کا رہائشی تھا،ایان سودا لینے باہر نکلا تھا کہ تیز رفتار بس نے کچل ڈالا،حادثے کے بعد بس ڈرائیور گاڑی کو سڑک پر چھوڑ کر فرار ہوگیالواحقین نے الزام عائد کیا ہے کہ ڈرائیور تیز رفتار بس کو غلط سائیڈ سے لیجانے کی کوشش کررہا تھا بس ڈرائیور کو گرفتار کر کے قانون کے مطابق سزا دلوائی جائے۔ادھرفورٹ پولیس سے مقابلے میں ایک ملزم ہلاک ہوگیا، پولیس کے مطابق فورٹ اہلکارمعمول کے گشت پر تھے کہ فورٹ کے علاقے ٹائر مارکیٹ اسٹریٹ خالی پلاٹ کے قریب تین مشتبہ افراد کو رکنے کا اشارہ کیا جس پر ملزمان نے پولیس پارٹی پر فائرنگ شروع کر دی۔ پولیس اہلکاروں کی جوابی فائرنگ کے نتیجے میں ایک ملزم گولی لگنے سے زخمی حالت میں گرفتار ہوا، زخمی ملزم کو فوری طور پر ایل ایم سی اسپتال حیدرآباد منتقل کیا گیا، جہاں وہ زخموں کی تاب نہ لاتے ہوئے جاں بحق ہوگیا۔ہلاک ملزم کی شناخت میزان ولد نورالحق برمی بنگالی کے نام سے ہوئی ہے جبکہ اس کے دو ساتھی محمد علی قاضی اور نزاکت چوہان اندھیرے کا فائدہ اٹھاتے ہوئے موٹر سائیکل پر فرارہوگئے ہلاک وفرار ملزمان کئی وارداتوںمیں ملوث ہیں۔علاوہ ازیںحسین آباد پولیس نے موٹر سائیکل چور گروہ کے کارندے حارث پٹھان کو گرفتار کرلیا ، ملزم بچائو بند کے قریب مختلف چوری شدہ موٹر سائیکلوں کو دوسرے مقام پر منتقل کرنے کیلیے کھڑا تھا جہاں حسین آباد پولیس نے خفیہ اطلاع پر کارروائی کرتے ہوئے ملزم کو 6عدد موٹر سائیکلوں اور ایک پستول سمیت گرفتار کرلیا۔
ذریعہ: Jasarat News
کلیدی لفظ: تیز رفتار بس
پڑھیں:
محرابپور میں رکشا اور مویشی چور ی وادات،سڑک حادئے میں 2زخمی
data-id="863a0a8" data-element_type="widget" data-widget_type="theme-post-content.default">
محراب پور(جسارت نیوز)رکشہ اور مویشی چوری کی واردات، موٹر سائیکل حادثے میں دو نوجوان زخمی، کنڈیارو پولیس تھانہ کی حدود میں کلتار پور محلہ میں شفیق نانگراج کا کھڑا رکشہ چابی چور چرا کر لے گیا، خان واہن پولیس تھانہ کی حدود میں رئیس اقبال جروار کی زرعی اراضی پر ٹیوب ویل پر لگی ہوئی دو لاکھ مالیت کی موٹر نامعلوم چور موٹر سائیکل پر چرا کر لے گئے، دریا خان مری پولیس تھانہ کی حدود گاؤں بروچ ڈاھری سے چور اعلیٰ نسل کا بکرا اور گاؤں محمد عمر ملاح سے دو گائے چرا کر لے گئے، بھریا سٹی پولیس تھانہ کی حدود منگو رابطہ سڑک (لنک روڈ) پر دو موٹر سائیکل میں تصادم کے نتیجہ میں اظہر بھٹی اور عبد الحکیم بروھی زخمی ہوگئے جنہیں ابتدائی طبی امداد کے بعد گمس اسپتال گمبٹ منتقل کر دیا ہے۔