ایک ہفتے میں ایک کروڑ سے زائد زائرین کی حرمین آمد
اشاعت کی تاریخ: 18th, October 2025 GMT
گزشتہ ایک ہفتے کے دوران ایک کروڑ 35 لاکھ سے زائد زائرین کی حرمین شریفین آمد ہوئی ہے۔
حرمین شریفین کے امور کی نگہداشت کے ادارے کے مطابق 1447ھ کے ربیع الثانی ہفتے (18 سے 24) میں مجموعی طور پر 1 کروڑ 35 لاکھ 35 ہزار 258 افراد نے مسجدالحرام اور مسجد نبوی کا رخ کیا۔
یہ بھی پڑھیں: خادمِ حرمین شریفین شاہ سلمان کی حجاج اور امت مسلمہ کے لیے دعا
رپورٹ کے مطابق مسجدالحرام میں 46 لاکھ 81 ہزار 2 افراد نے نماز ادا کی، جن میں 23 ہزار 994 نے حجرِ اسماعیل (حطیم) کے اندر نماز پڑھی۔ اسی دوران عمرہ زائرین کی تعداد 27 لاکھ 96 ہزار 561 رہی۔
مسجد نبوی میں 51 لاکھ 68 ہزار 764 نمازیوں نے عبادت کی، جن میں سے 3 لاکھ 40 ہزار 958 افراد نے روضۂ شریفہ میں نماز ادا کی۔
مزید بتایا گیا کہ 5 لاکھ 23 ہزار 979 زائرین نے نبی کریم ﷺ اور آپؐ کے دو جلیل القدر رفقا رضی اللہ عنہما کو سلام پیش کیا۔
یہ بھی پڑھیں: خادم حرمین شریفین کا مدینہ منورہ کی مسجد قبلتین 24 گھنٹے کھلی رکھنے کی ہدایت
اتھارٹی کے مطابق جدید سینسر پر مبنی نظام کے ذریعے دونوں مقدس مساجد کے داخلی راستوں پر زائرین اور معتمرین کی تعداد کی مسلسل نگرانی کی جاتی ہے تاکہ ہجوم کے بہاؤ، انتظامی کارکردگی اور اداروں کے درمیان رابطے کو مزید بہتر بنایا جاسکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news حجرِ اسماعیل حرمین شریفین زائرین عمرہ مسجد نبویﷺ مسجدالحرام نمازی.ذریعہ: WE News
کلیدی لفظ: حجر اسماعیل حرمین شریفین مسجد نبویﷺ مسجدالحرام حرمین شریفین
پڑھیں:
انقرہ پارک جاگنگ ٹریک منصوبے میں 1 کروڑ 80 لاکھ روپے کی مالی بے ضابطگی کا انکشاف
data-id="863a0a8" data-element_type="widget" data-widget_type="theme-post-content.default">
اسلام آباد کے انقرہ پارک میں جاگنگ ٹریک کی تعمیر کے منصوبے میں ایک کروڑ 80 لاکھ روپے سے زائد کی مالی بے ضابطگی کا انکشاف سامنے آیا ہے۔
زرایع کے مطابق سی ڈی اے انوائرمنٹ وِنگ نے ایک جعلی کنسٹرکشن کمپنی کو ٹھیکا دے رکھا تھا۔ دستاویزات سے پتہ چلا ہے کہ جاگنگ ٹریک کا ٹھیکا ایک کروڑ روپے کی حد میں ہونا تھا، مگر ایک کروڑ 70 لاکھ روپے کا معاہدہ سائن کر دیا گیا۔
تحقیقات کے مطابق دو بلز فزیکل ویریفکیشن اور لیب ٹیسٹ کے بغیر ادا کیے گئے، جن میں 3.94 ملین اور 4.93 ملین روپے کے بلز جعلی طور پر منظور کرکے ایک فرد کے ذاتی اکاؤنٹ میں منتقل کیے گئے۔
مزید انکشاف ہوا کہ متعلقہ افسران کی ملی بھگت سے یہ رقم جعلی کمپنی کے اکاؤنٹ میں جمع ہوئی، اور 8.5 ملین روپے کے دو چیکس کی منتقلی کی تصدیق بھی ہو چکی ہے۔
دستاویزات کے مطابق منصوبے سے ہونے والا کل نقصان ایک کروڑ 80 لاکھ 57 ہزار روپے ریکارڈ کیا گیا، جب کہ پیپرا رولز کی خلاف ورزی کرتے ہوئے ٹینڈر بغیر الاٹمنٹ کے جاری کیا گیا۔
رپورٹ میں یہ بھی بتایا گیا کہ فنانس وِنگ نے فنڈز الاٹمنٹ نہ ہونے کے باوجود ادائیگیوں کی منظوری دی، لیب رپورٹس غائب ہوئیں، جعلی سرٹیفکیٹس جاری کیے گئے اور تصاویر سے ظاہر ہوتا ہے کہ ٹریک پہلے سے موجود تھا۔
ذرائع کے مطابق انقرہ پارک جاگنگ ٹریک کی انکوائری رپورٹ مکمل ہوئے 10 ماہ گزر چکے ہیں لیکن تاحال کسی ذمہ دار کے خلاف کارروائی نہیں کی گئی۔
پولیس مقابلے میں طیفی بٹ کی ہلاکت، امیر بالاج قتل کیس میں ایک اور پیش رفت