کوئٹہ، پاک فوج کی حمایت میں پیپلز پارٹی کی ریلی
اشاعت کی تاریخ: 12th, October 2025 GMT
ریلی میں شریک درجنوں افراد نے پاکستان کا پرچم لہراتے ہوئے فوج کی حمایت کا اظہار کیا۔ اسلام ٹائمز۔ پاکستان پیپلز پارٹی کی جانب سے افغانستان کی جارحیت کے خلاف اور فوج کی حمایت کے لئے بلوچستان کے دارالحکومت کوئٹہ میں ریلی نکالی گئی۔ شرکاء سے پاک فوج سے یکجہتی کا اظہار کیا۔ تفصیلات کے مطابق صوبائی وزیر صحت بلوچستان بخت محمد کاکڑ کی قیادت میں افغانستان کی جارحیت کے خلاف ایک عظیم الشان ریلی نکالی گئی۔ جس میں درجنوں افراد نے شرکت کی اور پاکستان کا پرچم لہراتے ہوئے فوج سے یکجہتی کا اظہار کیا۔ اس موقع پر صوبائی وزیر بخت محمد کاکڑ نے کہا کہ افغانستان نے جو جارحیت کی ہے، وہ کسی طور قابل قبول نہیں ہے۔ پاکستان ہماری ریڈ لائن ہے، اور ہم اپنے وطن کے دفاع کے لئے ہر محاذ پر تیار ہیں۔ انہوں نے کہا کہ بلوچستان کے عوام ہر اس قوت کے سامنے سینہ سپر ہوں گے جو پاکستان کے امن و استحکام کو نقصان پہنچانا چاہتی ہے۔ وزیر صحت بخت محمد کاکڑ نے اس موقع پر پاک فوج کے جوانوں کو خراج تحسین پیش کرتے ہوئے کہا کہ پوری قوم اپنی افواج کے ساتھ کھڑی ہے۔
.ذریعہ: Islam Times
پڑھیں:
چمن; پاک فوج سے اظہارِ یکجہتی اور افغانستان کی جارحیت کیخلاف احتجاجی ریلی
سٹی 42 : چمن میں پاک فوج سے اظہارِ یکجہتی اور افغانستان کی جارحیت کے خلاف احتجاجی ریلی نکالی گئی۔
چمن میں پاک فوج کی حمایت اور افغانستان کی حالیہ جارحیت کے خلاف ایک بڑی احتجاجی ریلی نکالی گئی۔ اس ریلی میں سیاسی، سماجی رہنماؤں، تاجروں اور شہریوں کی بڑی تعداد نے شرکت کی۔
ریلی مال روڈ سے ہوتی ہوئی مختلف شاہراہوں سے گزری اور چمن پریس کلب کے سامنے اختتام پذیر ہوئی۔ جس کے دوران شرکاء نے پاک فوج کے حق میں نعرے لگائے اور افغان جارحیت کی شدید مذمت کی۔
قبائلی عوام نےافغانستان کے حمایت یافتہ دہشتگردوں کیخلاف ہتھیار اٹھانے کا اعلان کردیا
مظاہرین نے کہا کہ پاکستانی افواج ملک کی سلامتی کی ضامن ہیں اور قوم اپنی افواج کے شانہ بشانہ کھڑی ہے۔
ایمل ولی کی گرفتاری کی خبروں پر اسلام آباد پولیس نے بیان جاری کردیا