ویرات کوہلی اور روہت شرما نے پاکستانی مداح کا دل جیت لیا — آٹوگراف اور تصویر کا خواب پورا
اشاعت کی تاریخ: 17th, October 2025 GMT
بھارتی کرکٹ اسٹارز ویرات کوہلی اور روہت شرما نے ایک پاکستانی مداح کے لیے ایسا کام کیا کہ سوشل میڈیا پر سب کی داد سمیٹ لی۔ آسٹریلیا میں جاری ون ڈے سیریز کے لیے بھارتی ٹیم جب پرتھ پہنچی، تو ہوٹل کے باہر کئی مداح انتظار کر رہے تھے، جن میں کراچی سے تعلق رکھنے والا ایک نوجوان ساحل بھی شامل تھا۔
سوشل میڈیا پر وائرل ویڈیو میں دیکھا جا سکتا ہے کہ جیسے ہی ویرات کوہلی ہوٹل سے باہر نکلے، ساحل نے آٹوگراف کی خواہش ظاہر کی۔ کوہلی نے اپنا سامان بس میں رکھنے کے بعد فوراً مداح کے پاس جا کر اس کی رائل چیلنجرز بنگلورو کی شرٹ پر دستخط کیے۔
اسی لمحے ایک اور دل چھو لینے والا منظر سامنے آیا—روہت شرما، جو پہلے ہی ٹیم بس میں بیٹھ چکے تھے، ساحل کے اشارے پر دوبارہ نیچے اترے، نہ صرف آٹوگراف دیا بلکہ خوش دلی سے اس کے ساتھ تصویر بھی بنوائی۔
ساحل نے ویڈیو میں بتایاکہ میں ان سے پہلے بھی ایک بار مل چکا ہوں، لیکن آج کا لمحہ خاص تھا۔ کوہلی اور روہت دونوں میں اتنی عاجزی ہے کہ ایک بار بلانے پر بھی فوراً آ گئے۔ روہت بھائی تو بس میں بیٹھ چکے تھے، میں نے بس اشارہ کیا اور وہ میرے لیے نیچے آ گئے۔ یہ میرے لیے ناقابلِ یقین لمحہ تھا۔
یہ سادہ سا مگر دل کو چھو لینے والا واقعہ ثابت کرتا ہے کہ کھیل صرف میدان میں نہیں، دلوں میں بھی جیتا جاتا ہے۔
ذریعہ
ذریعہ: Daily Mumtaz
پڑھیں:
پاکستانی سفیر کی جانب سے پاکستان اور میانمار کی ممتاز کاروباری شخصیات کے اعزاز میں عشائیہ
میانمار میں پاکستان کے سفیر طارق کریم(Tariq kareem) نے اپنی رہائش گاہ پر پاکستان اور میانمار کی ممتاز کاروباری شخصیات کے اعزاز میں عشائیہ کا اہتمام کیا۔
عشائیے میں یونین آف میانمار فیڈریشن آف چیمبرز آف کامرس اینڈ انڈسٹری (UMFCCI) کے صدر، نائب صدر، میانمار چیمبر آف کامرس فار فارماسیوٹیکل اینڈ میڈیکل ڈیوائسز (MCCPMD) کے چیئرمین، دیگر معروف کاروباری شخصیات اور فارمیٹیک پاکستان (پرائیویٹ) لمیٹڈ کے وفد نے شرکت کی۔
اس موقع پر سفیر طارق کریم اور معزز مہمانوں کے درمیان خوشگوار اور بامقصد تبادلہ خیال ہوا، جس میں پاکستان اور میانمار کے درمیان تجارت و اقتصادی تعاون کو مزید فروغ دینے، بالخصوص ادویہ سازی، ٹیکسٹائل اور دیگر اہم شعبوں میں تعاون بڑھانے، جبکہ دونوں ممالک کے نجی شعبوں کے درمیان براہ راست روابط (B2B Linkages) کو مضبوط بنانے کے امکانات پر گفتگو کی گئی
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم