بھارت اور جنوبی افریقا کے میچ میں مداح میدان میں گھس کر ویرات کوہلی سے جا لپٹا
اشاعت کی تاریخ: 30th, November 2025 GMT
بھارت اور جنوبی افریقا کے درمیان پہلے ون ڈے میچ کے دوران سیکیورٹی کی سنگین ناکامی اس وقت سامنے آئی جب ایک شخص حفاظتی رکاوٹیں توڑ کر میدان میں داخل ہوگیا اور پچ پر موجود ویرات کوہلی سے جا لپٹا۔
بھارت کے مایہ ناز بیٹسمین ویرات کوہلی نے جنوبی افریقا کے خلاف پہلے ون ڈے میں 135 رنز کی اننگز کھیل کر اپنی 52 ویں ون ڈے سنچری بنا لی۔
جیسے ہی انہوں نے سنچری مکمل کی تو ایک شائق نہ صرف سیکیورٹی توڑ کر میدان میں داخل ہوا بلکہ سیدھا کوہلی کے قدموں میں جا گرا۔
کرکٹ حلقوں کے مطابق جشن مناتے وقت اچانک فین کا میدان میں گھس آنا کھلاڑیوں کی جان کو خطرے میں ڈالنے کے مترادف ہے جبکہ بھارتی کرکٹ بورڈ اس سنگین معاملے پر اب تک کوئی واضح مؤقف دینے میں ناکام رہا ہے۔
.
ذریعہ: Express News
پڑھیں:
سندھ میں ڈینگی کے مزید 232 کیسز، کراچی بدستور سب سے زیادہ متاثر
سندھ میں ڈینگی کی صورتحال مسلسل تشویشناک ہوتی جا رہی ہے، اور گزشتہ 24 گھنٹوں کے دوران مزید 232 کیسز رپورٹ ہوئے ہیں، جن میں سب سے زیادہ متاثرہ علاقہ کراچی ہے جہاں 127 مریض سامنے آئے۔
محکمہ صحت سندھ کے مطابق صوبے میں ڈینگی کیسز میں تیزی سے اضافہ ریکارڈ کیا جا رہا ہے۔ سرکاری اسپتالوں میں 34 اور نجی اسپتالوں میں 17 نئے مریض داخل ہوئے، جس کے بعد داخل مریضوں کی تعداد بڑھ کر 44 ہوگئی ہے۔
کراچی کے سرکاری اسپتالوں میں 17 جبکہ حیدرآباد میں 9 مریض داخل کیے گئے۔
خوش آئند بات یہ ہے کہ گزشتہ 24 گھنٹوں میں سرکاری اسپتالوں سے 38 اور نجی اسپتالوں سے 34 مریض صحت یاب ہو کر گھروں کو واپس گئے۔ ڈی جی ہیلتھ سندھ نے تصدیق کی کہ اس مدت کے دوران ڈینگی سے کوئی ہلاکت رپورٹ نہیں ہوئی۔
محکمہ صحت کے مطابق گزشتہ روز صوبے بھر میں 2432 ٹیسٹ کیے گئے جن میں سے 232 مثبت آئے۔ کراچی کی لیبارٹریز میں 123 جبکہ حیدرآباد میں 109 کیسز رپورٹ ہوئے، جو دونوں شہروں میں ڈینگی کے پھیلاؤ کی سنگینی کو ظاہر کرتے ہیں۔
ماہرین نے شہریوں کو احتیاطی تدابیر اختیار کرنے، گھروں اور اطراف میں پانی کھڑا نہ ہونے دینے اور فوری ٹیسٹنگ کی ہدایت کی ہے تاکہ وبا پر قابو پایا جا سکے۔
سعودی مسلح افواج کے چیف آف جنرل سٹاف جنرل فیاض بن حمید الرویلی کا جی ایچ کیو کا دورہ ، فیلڈ مارشل عاصم منیر سے ملاقات