کہکشاں کے مرکز سے پراسرار روشنی کے اخراج نے ماہرینِ فلکیات کو حیران کردیا
اشاعت کی تاریخ: 17th, October 2025 GMT
دنیا بھر کے ماہرینِ فلکیات اس وقت ایک غیرمعمولی خلائی منظر سے محظوظ ہیں، کیونکہ ہماری کہکشاں کے مرکز سے ایک پراسرار روشن توانائی پھوٹ رہی ہے جس نے سائنسدانوں کو نئی تحقیق پر مجبور کردیا ہے۔
ماہرین کے مطابق یہ روشنی کائنات کے سب سے بڑے راز ڈارک میٹر کی موجودگی کا ثبوت بھی بن سکتی ہے۔
یہ بھی پڑھیں: 7 ارب سال پرانی فوسل کہکشاں دریافت، ان کہکشاؤں میں وقت کیوں نہیں گزرتا؟
گزشتہ کئی دہائیوں سے سائنس دان کہکشاں کے مرکز سے خارج ہونے والی دھندلی گاما شعاعوں سے پریشان تھے، تاہم حالیہ تحقیق میں انکشاف ہوا ہے کہ یہ روشنی یا تو ڈارک میٹر کے ذرات کے ٹکراؤ سے پیدا ہورہی ہے یا پھر تیز رفتار نیوٹرون ستاروں (پلسارز) سے نکل رہی ہے۔
جان ہاپکنز یونیورسٹی کے پروفیسر جوزف سلک کے مطابق ڈارک میٹر کائنات پر غالب ہے اور کہکشاؤں کو متحد رکھتا ہے، گاما شعاعیں، خصوصاً وہ اضافی روشنی جو ہم کہکشاں کے مرکز سے دیکھ رہے ہیں، ممکنہ طور پر اس کے پہلے اشارے ہو سکتے ہیں۔
تحقیق میں کمپیوٹر سمیولیشنز کے ذریعے اندازہ لگایا گیا کہ ڈارک میٹر کہکشاں میں کہاں زیادہ مرتکز ہو سکتا ہے۔ نتائج حقیقی ڈیٹا سے مطابقت رکھتے ہیں جس سے ڈارک میٹر کے نظریے کو مزید تقویت ملی ہے۔
یہ بھی پڑھیں: ماہرین فلکیات حیران، آسمان میں ایسا کیا غیر معمولی ہونے والا ہے؟
تاہم بعض سائنسدانوں کا کہنا ہے کہ اگر یہ روشنی پلسارز سے خارج ہو رہی ہے تو اس کا مطلب ہوگا کہ ان کی تعداد اندازوں سے کہیں زیادہ ہے۔
ماہرین کے مطابق آئندہ تجربات ہی یہ فیصلہ کن طور پر بتائیں گے کہ یہ روشنی دراصل کس وجہ سے ہے۔ اگر گاما شعاعوں کی توانائی زیادہ ہوئی تو یہ پلسارز کا نتیجہ ہوگی، جبکہ کم توانائی کی شعاعیں ڈارک میٹر کے ٹکراؤ کا ثبوت ہوسکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پراسرار روشنی سائنسدان کہکشاں گاما شعاعیں.
ذریعہ
ذریعہ: WE News
کلیدی لفظ: کہکشاں گاما شعاعیں ڈارک میٹر یہ روشنی
پڑھیں:
پیٹرولیم مصنوعات کی قیمتوں میں اضافہ ، شہری پھٹ پڑے
سٹی 42: حکومت نے پیٹرولیم مصنوعات کی قیمتوں میں مزید اضافہ کر دیا،
پیٹرول کی قیمت میں 4 روپے 40 پیسے کا اضافہ شہریوں نے قیمتوں میں اضافہ مسترد کردیا۔ حکومت سے پیٹرولیم مصنوعات کی قیمتوں میں کمی کا مطالبہ کردیا۔
شہری کا کہنا تھا کہ کس قانون کے تحت حکومت روزانہ پیٹرول کی قیمت بڑھا رہی ہے۔کمی پیسوں میں کی جاتی ہے جبکہ اضافہ بھاری کیا جاتا ہے۔پیٹرول کی اضافی قیمت کی وجہ روز مرہ زندگی بری طرح متاثر ہوکررہ گئی ہے، ہیجانی سی کیفیت ہوتی ہے کہ آج حکومت پیٹرول کتنا مہنگا کرے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں کا کہنا ہے کہ پیٹرولیم مصنوعات کی قیمتوں کی روزانہ کی بنیاد پر اضافے نے نفسیاتی اور ذہنی اذیت میں مبتلا کردیا ہے ۔ غریب شہریوں کو تنخواہ ماہانہ ملتی ہے جبکہ پیٹرولیم مصنوعات کی روزانہ کی بنیاد پر تبدیلی سارے بجٹ کو ہلا دیتی ہے ۔ اشیائے خوردونوش کی قیمتوں اور دیگر اخراجات میں بھی اضافہ ہوجاتاہے ۔ حکومت کو اپنے فیصلے پر غور کرنا چاہیے ۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی