اسرائیل کی انسانیت سوز ہٹ دھرمی: رفح کراسنگ کھولنے سے انکار کردیا
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
اسرائیلی کی جانب سے ہٹ دھرمی جاری ہے، صہیونی ریاست نے رفح کراسنگ کھولنے سے انکار کر دیا۔
غیر ملکی خبر رساں ادارے کی رپورٹ کے مطابق یہ پیش رفت ایسے وقت سامنے آئی ہے، جب مصر میں فلسطینی سفارتخانے نے اعلان کیا کہ غزہ اور مصر کے درمیان واقع رفح کراسنگ پیر کو دوبارہ کھول دی جائے گی۔
رفح کراسنگ ایک سرحدی گزر گاہ ہے جو غزہ کی پٹی کے جنوب میں واقع ہے۔
اس اعلان کے بعد اسرائیلی وزیراعظم نیتن یاہو کے دفتر سے جاری بیان میں کہا گیا کہ رفح کراسنگ نہیں کھلے گی۔
بیان میں کہا گیا کہ رفح کراسنگ دوبارہ کھولنے کا فیصلہ اس بات پر منحصر ہوگا کہ حماس اپنے اس وعدے پر کس حد تک عمل کرتی ہے، جس میں ہلاک یرغمالیوں کی لاشیں واپس کرنے اور طے شدہ فریم ورک کا نفاذ شامل ہے۔
اس سے قبل قاہرہ میں فلسطینی سفارتخانے نے اعلان کیا تھا کہ مصر میں مقیم فلسطینیوں کو پیر سے رفح کراسنگ کے ذریعے غزہ واپس جانے کی اجازت دی جائے گی۔
سفارتخانے کے بیان میں بتایا گیا تھا کہ یہ گزرگاہ (مئی 2024 سے زیادہ تر بند رہی) اب مصر میں مقیم فلسطینیوں کو غزہ واپس جانے کی اجازت دے گی، بیان میں یہ واضح نہیں کیا گیا کہ آیا انسانی امداد کو بھی گزرنے کی اجازت دی جائے گی یا نہیں۔
تاہم اسرائیل کے تازہ بیان کے بعد یہ واضح نہیں کہ آیا یہ منصوبہ اب عمل میں آ سکے گا یا نہیں۔
اقوام متحدہ کے ورلڈ فوڈ پروگرام کے مطابق 2 سالہ تباہی کے بعد جنگ بندی کے تحت اوسطاً روزانہ 560 ٹن خوراک غزہ میں داخل ہو رہی ہے، جو اب بھی ضرورت سے بہت کم ہے۔
یہ گزرگاہ مئی 2024 میں اسرائیلی افواج کے قبضے کے بعد امداد کے لیے بند کر دی گئی تھی، تاہم 2025 کے اوائل میں عارضی جنگ بندی کے دوران مختصر وقت کے لیے دوبارہ کھولی گئی تھی۔
دو سال کی بمباری اور ناکہ بندی کے بعد غزہ میں خوراک، ادویات، رہائش اور دیگر امداد کی ضرورت شدید حد تک بڑھ چکی ہے۔
ذریعہ: Jasarat News
کلیدی لفظ: کے بعد
پڑھیں:
وادی کشمیر میں انہدامی کارروائی انسانیت کے بحران کا پیش خیمہ ہے، پی ڈی پی
پی ڈی پی کے لیڈر نے کہا کہ لوگوں کو بے گھر کرنا کوئی انتظامی فیصلہ نہیں بلکہ انسانیت کا بحران ہے۔ اسلام ٹائمز۔ جموں و کشمیر پیپلز ڈیموکریٹک پارٹی (پی ڈی پی) کے جنرل سیکرٹری امتیاز شان نے جموں و کشمیر میں جاری انہدامی کارروائیوں پر شدید ردِعمل ظاہر کرتے ہوئے کہا کہ منتخب حکومت کی بے حسی نے درجنوں خاندانوں کو کھلے آسمان تلے رہنے پر مجبور کر دیا ہے، جب کہ وادی سمیت پورے خطے میں درجہ حرارت نقطہ انجماد سے نیچے جا چکا ہے۔ امتیاز شان کا اشارہ جموں ڈیولپمنٹ اتھارٹی کی جانب سے کی گئی اُس کارروائی کی طرف تھا جس میں صحافی ارفاز احمد ڈینگ کے گھر کو منہدم کر دیا گیا۔ میڈیا سے گفتگو کرتے ہوئے پی ڈی پی کے لیڈر نے کہا کہ لوگوں کو بے گھر کرنا کوئی انتظامی فیصلہ نہیں بلکہ "انسانیت کا بحران" ہے۔ انہوں نے کہا کہ جما دینے والی سردی میں لوگوں کے گھروں کو گرایا جا رہا ہے، انہیں بے گھر کیا جا رہا ہے، یہ کسی بھی قانونی یا انتظامی بنیاد پر قابلِ جواز نہیں ہو سکتا۔
انہوں نے حکام سے مطالبہ کیا کہ انہدامی کارروائیاں فوری طور پر بند کی جائیں اور اس بات کو یقینی بنایا جائے کہ کسی بھی شہری یا خاندان کو سردیوں کے دوران بے گھر نہ کیا جائے۔ انہوں نے کہا کہ یونین ٹیریٹری کی انتظامیہ کو "سزا دینے والی کارروائی" کے بجائے انسانیت اور ہمدردی پر مبنی رویہ اپنانا چاہیئے۔ پی ڈی پی کے جنرل سیکرٹری نے منتخب حکومت پر الزام عائد کیا کہ وہ انہدامی کارروائیوں کی حوصلہ افزائی کر رہی ہے اور کمزور شہریوں کے تحفظ میں پوری طرح ناکام ہو چکی ہے۔ انہوں نے کہا کہ جب پی ڈی پی نے پہلے ایک لینڈ پروٹیکشن بل پیش کیا تھا تو اسے زمین ہڑپنے والوں کے دفاع کا نام دیا گیا، جس کے نتیجے میں بیوروکریسی کو عام لوگوں کے خلاف کارروائی کا اشارہ ملا۔
انہوں نے کہا کہ جموں و کشمیر کی تاریخ میں پہلی بار ایسا ہو رہا ہے کہ شدید سردی میں لوگوں کو بے گھر کیا جا رہا ہے۔ ان کا کہنا تھا کہ منتخب حکومت مودی حکومت کے پیچھے چھپ رہی ہے اور اقتدار میں ہونے کے باوجود اپوزیشن کا کردار ادا کر رہی ہے۔ انہون نے کہا کہ اگر وزیراعلیٰ لوگوں کو بے گھر ہونے سے روکنے کی طاقت نہیں رکھتے تو پھر ان کے اقتدار میں رہنے کا مقصد کیا ہے، انہوں نے سوال اٹھایا۔ امتیاز شان نے کہا کہ پی ڈی پی اس مسئلے کو مسلسل اٹھاتی رہے گی اور حکومت کو جوابدہ بنایا جائے گا تاکہ کوئی بھی شہری جموں و کشمیر میں سردیوں کے دوران بے گھر نہ ہو۔
تحریک انصاف دہشتگردوں سے مذاکرات پر زور دیتی ہے، ان سے ایک ضلع ہی واپس لے کر دکھادے، خرم دستگیر خان