پاک فضائیہ کا دستہ جنگی مشق ’انڈس شیلڈ الفا‘ میں شرکت کیلئے آذربائیجان پہنچ گیا
اشاعت کی تاریخ: 19th, October 2025 GMT
پاکستان فضائیہ کا دستہ، جس میں جدید ترین جے ایف 17 تھنڈر بلاک-III لڑاکا طیارے شامل ہیں اور ماہر فضائی و زمینی عملہ بھی ہمراہ ہے، دو طرفہ فضائی جنگی مشق ’انڈس شیلڈ الفا‘ میں شرکت کے لیے آذربائیجان پہنچ گیا ہے۔
پاک فوج کے شعبہ تعلقات عامہ (آئی ایس پی آر) کے مطابق قابلِ ذکر آپریشنل مہارت اور برداشت کا مظاہرہ کرتے ہوئے پاک فضائیہ کے طیاروں نے پاکستان سے آذربائیجان تک بلا تعطل پرواز مکمل کی، جس دوران ہوا میں ایندھن بھرنے کا عمل انتہائی مہارت سے انجام دیا گیا۔
Pakistan Air Force contingent comprising the cutting-edge JF-17 Thunder Block-III fighter jets, accompanied by skilled air and ground crew, has landed in Azerbaijan to participate in the bilateral aerial combat exercise Indus Shield Alpha.
In a remarkable display of operational… pic.twitter.com/Fd3leNeqvr
— PTV News (@PTVNewsOfficial) October 19, 2025
آئی ایس پی آر کے مطابق یہ نہایت پیچیدہ درمیانی فضائی ایندھن بھرنے کی کارروائی پاک فضائیہ کے اپنے IL-78 ایریل ٹینکر کے ذریعے انجام دی گئی، جس نے پاک فضائیہ کے لڑاکا طیاروں کی طویل فاصلے تک پرواز کی صلاحیت کو ثابت کیا اور فضائی عملے کی پیشہ ورانہ مہارت، تیاری اور عالمی سطح پر طویل مشن انجام دینے کی اہلیت کو اجاگر کیا۔
مشق انڈس شیلڈ الفا کا مقصد دونوں برادر فضائی افواج کے درمیان باہمی فہم، حربی ہم آہنگی اور تعاون کو فروغ دینا ہے۔
یہ مشق جدید فضائی جنگی حکمتِ عملیوں، مشترکہ مشن کی منصوبہ بندی اور عملدرآمد پر مرکوز ہوگی، جو تیزی سے بدلتی ٹیکنالوجی اور ترقی پذیر فضائی طاقت کے ماحول میں منعقد کی جارہی ہے۔
یہ مشق دونوں افواج کو آپریشنل تجربات کے تبادلے اور ابھرتے ہوئے فضائی دفاعی چیلنجز کے مشترکہ حل کے لیے ایک اہم پلیٹ فارم فراہم کرے گی۔
آئی ایس پی آر کے مطابق پاک فضائیہ کی اس مشق میں شرکت، علاقائی استحکام اور عالمی عسکری تعاون کے لیے اس کے دیرینہ عزم کی تجدید ہے۔
بیان میں مزید کہا گیا ہے کہ یہ پاک فضائیہ کے اس غیر متزلزل عزم کی بھی عکاسی کرتی ہے کہ وہ جدید جنگ کے تقاضوں سے ہم آہنگ رہنے کے لیے مسلسل ارتقا پذیر رہے، اور فضائی آپریشنز کے ہر شعبے میں اپنی روایتی برتری اور اعلیٰ معیار کو برقرار رکھے۔
The JF-17 Thunder, courtesy of the Pakistan Air Force, was a real head-turner on static display at #RIAT25 ✈️ Just one of many rare sights at RIAT this year, it drew big crowds throughout the weekend!
Drop your shots below ???????? pic.twitter.com/QG4pFUzv9A
— Royal International Air Tattoo (@airtattoo) October 11, 2025
یاد رہے کہ پاک فضائیہ نے رائل انٹرنیشنل ٹیٹو شو میں کئی اعزازات اپنے نام کیے تھے، پاک فضائیہ کے جے ایف 17 تھنڈر طیارے شائقین کی توجہ کا مرکز بنے رہے تھے۔
ذریعہ
ذریعہ: Daily Mumtaz
کلیدی لفظ: پاک فضائیہ کے کے لیے
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا