خیبر پختونخوا میں دہشتگردی کی روک تھام کیلئے پہلا پولیس اسنائپر اسکواڈ تیار
اشاعت کی تاریخ: 19th, October 2025 GMT
data-id="863a0a8" data-element_type="widget" data-widget_type="theme-post-content.default">
خیبر پختونخوا میں بڑھتی ہوئی دہشت گردی کے خطرات سے نمٹنے اور سیکیورٹی کی مجموعی صورتحال کو بہتر بنانے کے لیے پولیس نے ایک اہم پیش رفت کرتے ہوئے پہلا اسنائپر اسکواڈ تشکیل دے دیا ہے۔ اس اقدام کا مقصد حساس علاقوں میں دہشت گردوں کی کارروائیوں کو مؤثر انداز میں روکنا اور امن و امان کو یقینی بنانا ہے۔
سینٹرل پولیس آفس (سی پی او) پشاور کی جانب سے جاری کردہ تفصیلات کے مطابق یہ اسنائپر اسکواڈ خاص طور پر دہشت گردی کے بڑھتے ہوئے خطرات کے تناظر میں تشکیل دیا گیا ہے۔ اسکواڈ کو نہ صرف جدید اسلحے سے لیس کیا گیا ہے بلکہ ان اہلکاروں کو اعلیٰ سطح کی تربیت بھی فراہم کی گئی ہے تاکہ وہ کسی بھی ہنگامی صورتِ حال میں مؤثر کارروائی کر سکیں۔
ہر اسنائپر اسکواڈ میں 10 تربیت یافتہ اہلکار شامل ہوں گے، جنہیں پہاڑی علاقوں، سرحدی پٹیوں اور جنوبی اضلاع میں تعینات کیا جائے گا۔ پولیس کا کہنا ہے کہ ان اہلکاروں کو دور سے چھپے دشمن کو نشانہ بنانے کی مہارت دی گئی ہے، جو دہشت گردوں کے خلاف آپریشن میں انتہائی مؤثر ثابت ہوگی۔
ابتدائی طور پر یہ اسکواڈ خیبر پختونخوا کے جنوبی اضلاع، ملاکنڈ ڈویژن اور حساس سرحدی علاقوں میں تعینات کیا جائے گا۔ مزید یہ کہ شدید سردی میں مؤثر کارروائی کے لیے اسکواڈ کو جدید تھرمل امیجنگ ڈیوائسز بھی فراہم کی جائیں گی۔ اس خصوصی اسکواڈ کے اہلکاروں نے تین ماہ پر مشتمل جدید ترین اسنائپر ٹریننگ مکمل کی ہے، جو ایلیٹ فورس کی نگرانی میں دی گئی۔ یہ اقدام صوبے میں سیکیورٹی کی نئی حکمت عملی کا حصہ ہے، جس کا مقصد دیرپا امن قائم کرنا اور عوام کو تحفظ فراہم کرنا ہے۔
ذریعہ: Jasarat News
کلیدی لفظ: اسنائپر اسکواڈ
پڑھیں:
خیبر پختونخوا میں ٹورزم پولیس 6 ماہ سے تنخواہوں سے محروم
پولیس کو تنخواہوں کی عدم ادائیگی کا معاملہ سامنے آنے پر مسلم لیگ (ن) نے صوبائی اسمبلی میں توجہ دلاؤ نوٹس جمع کرادیا ہے۔ توجہ دلاؤ نوٹس (ن) لیگ کی ثوبیہ شاہد اور دیگر اپوزیشن ارکان کی جانب سے جمع کرایا گیا۔ اسلام ٹائمز۔ خیبر پختونخوا کی ٹوارزم پولیس گزشتہ 6 ماہ سے تنخواہوں سے محروم ہے، جس کے باعث اہلکار شدید مالی اور ذہنی تناؤ کا شکار ہو چکے ہیں۔ پولیس کو تنخواہوں کی عدم ادائیگی کا معاملہ سامنے آنے پر مسلم لیگ (ن) نے صوبائی اسمبلی میں توجہ دلاؤ نوٹس جمع کرادیا ہے۔ توجہ دلاؤ نوٹس (ن) لیگ کی ثوبیہ شاہد اور دیگر اپوزیشن ارکان کی جانب سے جمع کرایا گیا۔ نوٹس میں مؤقف اختیار کیا گیا ہے کہ سیاحتی مقامات پر مامور ٹورزم پولیس کے اہلکاروں کو شدید مالی، انتظامی اور پیشہ ورانہ مشکلات کا سامنا ہے۔ اپوزیشن کی جانب سے مطالبہ کیا گیا ہے کہ فوری طور پر تنخواہیں ادا کرکے پولیس اہلکاروں میں پائی جانے والی بے چینی ختم کی جائے۔
چاند اور مریخ مشنوں کیلئے خلائی زرعی فارمز کا روڈ میپ جاری