قیمتوں میں ہوشربا اضافہ، ’مرغی میں ٹماٹر ڈالیں یا ٹماٹر میں مرغی‘
اشاعت کی تاریخ: 20th, October 2025 GMT
ملک کے مختلف شہروں میں ٹماٹر کی قیمتوں میں غیر معمولی اضافہ دیکھنے میں آ رہا ہے، جس کے باعث عام شہری شدید پریشانی اور مالی دباؤ کا شکار ہو گئے ہیں۔
لاہور کے عام بازاروں میں ٹماٹر کی فی کلو قیمت 500 سے 525 روپے تک پہنچ چکی ہے۔ اسلام آباد کی سبزی منڈی میں ٹماٹر 480 سے 600 روپے فی کلو میں فروخت ہو رہا ہے، جب کہ کراچی، پشاور اور دیگر شہروں میں بھی ٹماٹر 400 سے 450 روپے فی کلو کے حساب سے دستیاب ہے۔ جس سے ٹماٹر عام شہریوں کی پہنچ سے دور ہو گئے ہیں۔
یہ بھی پڑھیں: ٹماٹروں کی فی کلو قیمت 600 روپے سے بھی تجاوز کر گئی، سبب کیا ہے؟
قیمتوں میں اس اچانک اضافے نے عوام کو شدید متاثر کیا ہے۔ شہریوں کا کہنا ہے کہ مہنگائی نے پہلے ہی زندگی دشوار بنا رکھی ہے، اور اب ٹماٹر جیسے بنیادی استعمال کی سبزی کا اس قدر مہنگا ہو جانا عام آدمی کے لیے مشکلات میں مزید اضافہ کر رہا ہے۔
سوشل میڈیا پر بھی اس حوالے سے شدید ردِعمل دیکھنے میں آ رہا ہے۔ صارفین حکومت سے مطالبہ کر رہے ہیں کہ ٹماٹر اور دیگر سبزیوں کی قیمتوں میں استحکام کے لیے فوری اقدامات کیے جائیں تاکہ عام آدمی کو ریلیف مل سکے۔
یہ بھی پڑھیں: ٹماٹر کی قیمت 400 سے 40 روپے تک آگئی، مگر صارفین کو فائدہ کیوں نہیں؟
پی ٹی آئی رہنما مزمل اسلم نے کہا کہ مرغی 320 روپے کلو اور ٹماٹر 550 روپے کلو فروخت ہو رہے ہیں، عوام حیران ہیں کہ مرغی میں ٹماٹر ڈالیں یا ٹماٹر میں مرغی۔
مرغی 320 روپے کلو اور ٹماٹر 550 روپے کلو
پبلک حیران ہیں کہ مرغی میں ٹماٹر ڈالیں یا ٹماٹر میں مرغی (copied)
— Muzzammil Aslam (@MuzzammilAslam3) October 20, 2025
نادر بلوچ نے لکھا کہ عوام مہنگائی اور بے بسی کی دہری اذیت میں مبتلا ہیں، مگر حکمرانوں کے کانوں پر جوں تک نہیں رینگتی۔
راولپنڈی اور اسلام آباد میں ٹماٹر کی قیمت 500 روپے فی کلو تک جا پہنچی ہے، مگر کسی کو کیا فرق پڑتا ہے؟ پنجاب میں سیلاب نے فصلیں تباہ کر ڈالیں، بھارت سے خرید ممکن نہیں کہ وہ دشمن ملک ہے، افغانستان سے درآمد اس لیے بند ہے کہ ہم نے کابل کو بھی تازہ دشمن بنا لیا ہے، ایران سے اگر… pic.
— Nadir Baloch (@BalochNadir5) October 19, 2025
ثناء اللہ خان نے کہا کہ ٹماٹر کی قیمتیں 500روپے کلو سے بڑھ گئی ہیں آٹے اور گندم کی قیمت مسلسل بڑھ رہی ہیں۔ نیشنل پرائس مانیٹرنگ کمیٹی سوئی ہوئی ہے۔ عوام کے مسائل سے اتنی بے خبر حکومت شاید ہی کبھی دیکھی ہو۔
ٹماٹر کی قیمتیں 500روپے کلو سے بڑھ گئی ہیں آٹے اور گندم کی قیمت مسلسل بڑھ رہی ہیں۔۔نیشنل پرائس مانیٹرنگ کمیٹی سوئی ہوئی ہے۔۔عوام کے مسائل سے اتنی بے خبر حکومت شاید ہی کبھی دیکھی ہو۔
— Sanaullah Khan (@SanaullahDawn) October 19, 2025
ٹماٹر کی آسمان سے باتیں کرتی قیمتوں کی وجہ سے کئی صارفین نے ٹماٹر کی جگہ دہی استعمال کرنے کا مشورہ دیا۔ ایک صارف کا کہنا تھا کہ ایک مہینہ ٹماٹر نہ خریدیں۔ کچھ چیزیں دہی سے بہت اچھی بن جاتی ہیں، مچلز کا ٹماٹو پیسٹ 530 روپے کا 800 گرام ملتا ہے، سالن میں ایک چمچ ڈال لیجیے. مہینہ بھر چلے گا، تب تک ٹماٹر سستے ہو جائیں گے۔
ٹماٹر ،ٹماٹر، ٹماٹر، مہنگے ٹماٹر.
یارر ایک مہینہ نہ خریدیں. کچھ چیزیں دہی سے بہت اچھی بن جاتی ہیں، مچلز کا ٹماٹو پیسٹ 530 روپے کا 800 گرام ملتا ہے، سالن میں ایک چمچ ڈال لیجیے. مہینہ بھر چلے گا، تب تک ٹماٹر سستے ہو جائیں گے.
— عاکی (@aadhigwahi) October 19, 2025
اسد یونس تنولی نے لکھا کہ آٹا 4200 روپے، ٹماٹر 500 روپے، چینی 200 روپے، اور ڈالڈا آئل 600 روپے فی کلو، مگر ن لیگ کے مطابق مہنگائی تاریخ کی کم ترین سطح پر ہے۔
آٹا 4200 روپے، ٹماٹر 500 روپے، چینی 200 روپے، اور ڈالڈا آئل 600 روپے فی کلو — مگر ن لیگ کے مطابق مہنگائی تاریخ کی کم ترین سطح پر ہے۔
— Asad Younis Tanoli (@tanolipak) October 20, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد میں ٹماٹر ٹماٹر ٹماٹر کی قیمتیںذریعہ: WE News
کلیدی لفظ: اسلام ا باد میں ٹماٹر ٹماٹر ٹماٹر کی قیمتیں ٹماٹر کی قیمت روپے فی کلو قیمتوں میں میں ٹماٹر روپے کلو ہیں کہ رہا ہے
پڑھیں:
ٹماٹر کی قیمت سن کر شہریوں کے چہرے سرخ ،فی کلو 700 روپے تک جاپہنچا
فیڈرل بی ایریامیں 650، گلشن اقبال، برنس روڈ میں 700 روپے کلو میں فروخت
322 روپے سرکاری نرخمقرر ،انتظامی نااہلی ، دکانداروں نے مہنگائی کا بازار گرم کردیا
ملک بھر میں ٹماٹر کی قیمتوں کو پر لگ گئے ہیں اور ٹماٹر کی قیمت سن کر شہریوں کے چہرے سرخ ہوگئے ہیں۔کراچی سمیت ملک بھر میں ٹماٹر کی قیمتوں میں غیرمعمولی اضافہ ہوگیا۔شہر قائد میں ٹماٹر مرغی کے گوشت سے بھی مہنگا ہوگیا۔ انتظامی نااہلی کی وجہ سے دکانداروں نے مہنگائی کا بازار گرم کررکھا ہے۔شہر کے مختلف علاقوں میں 500 سے 700 روپے کلو میں ٹماٹرفروخت ہونے لگا۔سرکاری نرخ کے مطابق ٹماٹر کی قیمت 322 روپے مقرر ہے۔فیڈرل بی ایریامیں ٹماٹر650روپے کلو، گلشن اقبال، برنس روڈ میں ٹماٹر700 روپے کلو میں فروخت ہورہا ہے۔شہید بینظیر آباد کی تحصیل سکرنڈ میں ٹماٹر رواں سال کی بلند ترین سطح 600 روپے کلو پر پہنچ گیا،ٹماٹر کی اونچی اڑان نے شہریوں کو مشکل میں ڈال دیا۔دوسری جانب فیصل آباد میں انتظامی نااہلی کی وجہ سے دکانداروں نے مہنگائی کا بازار گرم کررکھا ہے۔ مٹر اور ٹماٹر 500 روپے کلو میں فروخت ہورہے ہیں۔پشاور میں سبزیوں کے نرخوں کو پر لگے گئے ہیں۔ ٹماٹرنے سچری ،ڈبل اور ٹرپل سنچری کے بعد چوتھی سنچری بھی عبور کرلی ۔ پیاز نے بھی سنچری پار کرلی ۔ بھنڈی ،ٹینڈا ،کدو تورئی کوئی بھی سبزی ڈیڑھ 100 روپے کلو سے کم پر دستیاب نہیں ہے۔ کوئٹہ میں ٹماٹر 300 روپے فی کلو میں فروخت کیاجارہا ہے۔ مٹرکی قیمت 400روپے فی کلوتک پہنچ گئی۔ شہر میں دیگر سبزیوں کی قیمتوں میں بھی اضافہ ہوگیا۔
پاکستان اقوامِ متحدہ کی انسانی حقوق کونسل کا رکن منتخب ہوگیا