بھارت: چائے والے کے گھر سے ایک کروڑ روپے نقدی، سونا، چاندی اور لگژری گاڑی برآمد
اشاعت کی تاریخ: 21st, October 2025 GMT
بھارتی ریاست بہار کے ضلع گوپال گنج میں پولیس نے چائے والے کے گھر سے ایک کروڑ سے زائد نقدی، سونا، چاندی اور لگژری گاڑی برآمد کرلی۔
بھارتی میڈیا کے مطابق پولیس نے گوپال گنج میں کارروائی کے دوران سائبر فراڈ میں ملوث ایک نیٹ ورک کا پردہ فاش کردیا۔
بھارتی میڈیا کا کہنا ہے کہ پولیس نے سائبر فراڈ نیٹ ورک کا معلوم ہونے کے بعد گوپال گنج میں چھاپہ مارا جہاں ایک چائے فروش کے گھر سے ایک کروڑ 5 لاکھ روپے نقدی برآمد کی گئی۔
سائبر نیٹ ورک فراد میں ملوث چائے والے کے گھر سے 344 گرام سونا، ڈیڑھ کلو چاندی، 85 اے ٹی ایم کارڈز، 75 چیک بکس، 2 لیپ ٹاپ، 3 موبائل فون اور ایک لگژری گاڑی بھی برآمد ہوئی ہے۔
بھارتی میڈیا کے مطابق پولیس نے اس کارروائی کے دوران دو بھائیوں ابھشیک کمار اور ادتیہ کمار کو گرفتار کر لیا۔
رپورٹ میں بتایا گیا کہ ابھیشیک کبھی ایک چائے کا ٹھیلا لگایا کرتا تھا لیکن بعد میں وہ ایک بین الاقوامی سائبر فراڈ ریکٹ سے جڑ گیا۔
تحقیقات میں معلوم ہوا کہ ملزم ابھیشیک دبئی منتقل ہو گیا تھا اور وہاں سے اس فراڈ نیٹ ورک کو چلا رہا تھا جبکہ اس کا بھائی ادتیہ کمار بھارت میں مالی لین دین کی نگرانی کرتا تھا۔
پولیس کا کہنا ہے کہ نیٹ ورک کی شاخیں ملک کی مختلف ریاستوں میں پھیلی ہوئی ہیں۔
پولیس نے بتایا کہ معاملے کی مزید تحقیقات جاری ہیں اور اس میں انکم ٹیکس ڈیپارٹمنٹ اور اینٹی ٹیرر اسکواڈ (اے ٹی ایس) کو بھی شامل کرلیا گیا ہے تاکہ رقم کی منتقلی اور بیرون ملک روابط کا سراغ لگایا جا سکے۔
.
ذریعہ
ذریعہ: Daily Mumtaz
کلیدی لفظ: کے گھر سے پولیس نے نیٹ ورک
پڑھیں:
رحیم یارخان: لاپتا نوجوان کی لاش گرفتار ایس ایچ او کی نشاندہی پر برآمد
رحیم یارخان میں لاپتا نوجوان کی لاش گرفتار ایس ایچ او کی نشاندہی پر برآمد کر لی گئی، ایس ایچ او کوٹ سمابہ تھانا نے بچی کے مبینہ قتل کیس میں 19 جولائی کو نوجوان کو طلب کیا تھا جس کے بعد نوجوان لاپتا ہو گيا تھا۔
ڈی پی او عرفان سموں کے مطابق مقتول نوجوان کے بھائی کی مدعیت میں ایس ایچ او سمیت 5 پولیس اہل کاروں کے خلاف مقدمہ درج کیا گیا تھا۔
مدعی کا کہنا تھا کہ ایس ایچ او کوٹ سمابہ تھانا نے بچی کے مبینہ قتل کیس میں 4 روز قبل بھائی کو طلب کیا اور تشدد کرکے قتل کردیا۔
پولیس نے تفتیش کے بعد گرفتار ملزم ایس ایچ او کی نشان دہی پر مقتول نوجوان کی لاش تھانہ صدر صادق آباد علاقہ رانجھی خان میں گنے کی فصل سے برآمد کر لی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار