غزہ نسل کشی کا مذاق بنانے پر رام گوپال ورما سخت تنقید کی زد میں
اشاعت کی تاریخ: 22nd, October 2025 GMT
بھارتی فلم ساز رام گوپال ورما کو غزہ میں اسرائیلی حملوں اور نسل کشی پر نامناسب تبصرہ کرنے پر سوشل میڈیا پر شدید ردِعمل کا سامنا ہے۔
تفصیلات کے مطابق رام گوپال ورما نے مائیکروبلاگنگ پلیٹ فارم ایکس (سابق ٹوئٹر) پر ایک متنازع پوسٹ میں دیوالی کے تہوار کو غزہ کی تباہی سے جوڑتے ہوئے لکھا کہ بھارت میں صرف ایک دن دیوالی ہوتی ہے، لیکن غزہ میں روز دیوالی ہوتی ہے۔
In INDIA only one day is DIWALI and in GAZA, every day is DIWALI????????????
— Ram Gopal Varma (@RGVzoomin) October 20, 2025
ان کے اس بیان پر صارفین نے سخت غم و غصے کا اظہار کرتے ہوئے اسے غزہ کے مظلوم عوام کی توہین اور انسانیت سے عاری مذاق قرار دیا۔
ایک بھارتی صارف نے لکھا کہ اسی لیے میں مسلمان ہونے پر فخر کرتا ہوں، ہم کبھی نسل کشی کا جشن نہیں مناتے۔
ایک اور نے کہا کہ دیوالی جیسے مقدس تہوار کا موازنہ غزہ کی تباہی سے کرنا انتہائی غلط اور ناقابلِ برداشت ہے۔
پاکستانی اسپورٹس جرنلسٹ فیضان لکھانی نے اپنے ردعمل میں کہا کہ رام گوپال ورما کا یہ ٹویٹ بھارتی معاشرے میں اخلاقی زوال کی نشانی ہے، فلموں کی ناکامی کے بعد اب انسانیت میں بھی ناکام ہوگئے، ان سے سمجھداری کی امید رکھنا ویسا ہی ہے جیسے ان کی فلم کے ہٹ ہونے کی۔
بھارتی سماجی کارکن راکھی تریپاٹھی نے بھی سخت الفاظ میں مذمت کرتے ہوئے کہا کہ تمہیں انسان بننے میں برسوں لگیں گے، تمہیں جشن اور تباہی کا فرق ہی معلوم نہیں۔
دوسرے صارفین نے بھی غصے کا اظہار کرتے ہوئے کہا کہ غزہ کو تمہارے سیاہ لطیفوں کی نہیں، انسانیت کی ضرورت ہے، شرم کرو، تم واقعی ظالم انسان ہو، یہ انتہائی گھناؤنی اور شرمناک بات ہے۔
تاہم رپورٹ کے مطابق رام گوپال ورما کی اس قابلِ مذمت پوسٹ کو ہندو انتہا پسندوں کے ایک طبقے کی جانب سے ہزاروں لائکس ملے۔
.ذریعہ: Daily Mumtaz
کلیدی لفظ: رام گوپال ورما کہا کہ
پڑھیں:
فضا علی کی ندا یاسر پر تنقید؛ یاسر نواز میدان میں آ گئے، ویڈیو وائرل
معروف اداکار، ہدایتکار اور پروڈیوسر یاسر نواز نے اپنی اہلیہ، میزبان ندا یاسر کے دفاع میں سامنے آ کر سوشل میڈیا پر ایک متنازع معاملے کو ختم کرنے کی کوشش کی۔
یہ تنازع ندا یاسر کے ایک بیان سے شروع ہوا، جس میں انہوں نے فوڈ رائیڈرز کے بارے میں کہا تھا کہ بعض اوقات وہ صرف ٹپس لینے کے بہانے چینج نہ ہونے کا بہانہ کرتے ہیں اور بڑی رقم وصول کر لیتے ہیں۔ اس بیان پر سوشل میڈیا پر شدید تنقید کی گئی، اور کئی فنکار بھی اس میں شامل ہو گئے۔
اداکارہ اور میزبان فضا علی نے اپنی ویڈیو میں ندا یاسر کے بیان پر کڑی تنقید کی۔ فضا علی نے کہا کہ فوڈ رائیڈر دھوپ، بارش اور طوفان میں اپنی روزی کمانے نکلتے ہیں، اور یہ بھی کسی کے باپ، بھائی یا بیٹے ہوتے ہیں۔ اُن کے مطابق اگر ٹپس نہ دیں تو کم از کم ان کی عزت تو کرنی چاہیے۔ اس ویڈیو نے صارفین میں کافی ہلچل مچا دی اور بڑے پیمانے پر شیئر کی گئی۔
اس کشیدہ ماحول میں یاسر نواز خاموش نہیں رہ سکے اور انہوں نے فضا علی کو مخاطب کرتے ہوئے کہا:”ہیلو فضا، کیسی ہو؟ پلیز میری معصوم بیوی کو معاف کر دو۔ اللہ تو معاف کر دیتا ہے، لیکن لوگ نہیں کرتے۔ میری بہن، پلیز اسے معاف کر دو اور اس معاملے کو یہیں ختم کرو۔”
سوشل میڈیا صارفین نے یاسر نواز کے موقف کو مثبت قرار دیا اور کہا کہ اپنی بیوی کے دفاع میں کھڑا ہونا بہادرانہ عمل ہے۔ کئی لوگوں نے لکھا کہ معاملہ اب ختم ہونا چاہیے، خصوصاً جب ندا نے بھی اپنی غلطی تسلیم کر لی ہے۔
تاہم، کچھ صارفین اب بھی ندا یاسر سے ناراض ہیں اور ان کا کہنا ہے کہ معروف اور سینیئر میزبان ہونے کے باوجود ندا اب تک نہیں سیکھ پائیں کہ کب، کہاں اور کیسے اپنی بات رکھنی چاہیے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر