مصافحے کے بعد مداح کا ’پاکستان زندہ باد‘ کا نعرہ، شبمن گل ہکا بکا رہ گئے
اشاعت کی تاریخ: 23rd, October 2025 GMT
آسٹریلیا میں بھارتی کرکٹ ٹیم کے کپتان شبمن گل سے ایک مداح نے مصافحہ کرنے کے فوراً بعد بلند آواز میں ’پاکستان زندہ باد‘ کا نعرہ لگا دیا۔
یہ واقعہ سوشل میڈیا پر تیزی سے وائرل ہو گیا اور شائقین کے درمیان دلچسپ بحث کا باعث بن گیا۔
بھارتی میڈیا کے مطابق یہ واقعہ اُس وقت پیش آیا جب بھارتی ٹیم آسٹریلیا کے خلاف تین ایک روزہ میچوں کی سیریز کھیلنے کے لیے موجود ہے، پرتھ میں پہلا میچ ہارنے کے بعد ٹیم دوسرے ون ڈے کی تیاریوں میں مصروف ہے، شبمن گل اس سیریز میں ٹیم کی قیادت کر رہے ہیں، وہ ایڈیلیڈ میں سیر کر رہے تھے کہ ایک مداح نے ان کے قریب آ کر مصافحہ کی خواہش ظاہر کی۔
شبمن گل نے ہاتھ بڑھایا، لیکن جیسے ہی دونوں نے ہاتھ ملائے مداح نے اچانک پاکستان زندہ باد کا نعرہ لگا دیا، یہ غیر متوقع عمل دیکھ کر بھارتی کپتان لمحہ بھر کے لیے چونک گئے اور فوراً اپنا ہاتھ پیچھے کھینچ لیا اور کوئی ردِعمل دیے بغیر وہاں سے گزر گئے۔
واقعے کی ویڈیو چند ہی گھنٹوں میں سوشل میڈیا پر وائرل ہو گئی، جہاں صارفین اسے ایشیا کپ میں بھارت کی جانب سے پاکستان کے کھلاڑیوں سے ہینڈ شیک سے انکار کے جواب یا ریوینج موومنٹ کے طور پر دیکھ رہے ہیں۔
کئی صارفین نے اسے مزاحیہ انداز میں پاکستانی فین کی چالاک جوابی کارروائی قرار دیا، جب کہ بعض بھارتی مداحوں نے اسے غیر اخلاقی حرکت کہا۔
واضح رہے کہ ایشیا کپ کے دوران بھارت اور پاکستان کے درمیان میچ کے بعد بھارتی کھلاڑیوں کی جانب سے پاکستانی پلیئرز سے ہاتھ نہ ملانے پر تنقید ہوئی تھی۔
.ذریعہ: Daily Mumtaz
کلیدی لفظ: شبمن گل
پڑھیں:
زندہ قومیں اپنے محسنوں کو ہمیشہ یاد رکھتی ہیں، علامہ مقصود ڈومکی
تنظیمی کارکنوں سے گفتگو کرتے ہوئے علامہ مقصود ڈومکی نے کہا کہ شہداء ہمارے محسن ہیں۔ زندہ قومیں اپنے محسنوں کو ہمیشہ یاد رکھتی ہیں۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ سانحہ شب عاشور جیکب آباد کے شہداء کی یاد میں منعقد ہونے والے کانفرنس میں شہداء کو خراج عقیدت پیش کریں گے۔ راہ حق کے شہداء کی یاد منانا ہماری دینی و قومی ذمہ داری ہے۔ کانفرنس میں شہدائے غزہ و لبنان کو بھی یاد کیا جائے گا۔ یہ بات ایم ڈبلیو ایم صوبہ سندھ کے صوبائی آرگنائزر علامہ مقصود علی ڈومکی نے ضلع شکارپور کے یونٹ عبدو اور محبوب گوٹھ تحصیل لکھی غلام شاہ کے دورے کے موقع پر پارٹی رہنماؤں اور کارکنوں سے گفتگو کرتے ہوئے کہی۔ اس موقع پر ضلعی صدر اصغر علی سیٹھار، گلشیر علی سیٹھار، گلزار علی مہر و دیگر تنظیمی رفقاء ان کے ہمراہ تھے۔
اس موقع پر گفتگو کرتے ہوئے علامہ مقصود علی ڈومکی نے کہا کہ سانحہ شب عاشور جیکب آباد کے شہداء کی یاد میں "عظمت شہداء کانفرنس" جمعرات 23 اکتوبر کو مرکزی امام بارگاہ جیکب آباد میں منعقد کی جائے گی۔ کانفرنس میں مرکزی رہنماء علامہ سید حسن ظفر نقوی، علامہ سید اقتدار نقوی، برادر سلیم عباس صدیقی، علامہ سید ظفر عباس شمسی اور علامہ سہیل اکبر شیرازی شرکت کریں گے۔ انہوں نے کہا کہ شہداء ہمارے محسن ہیں۔ زندہ قومیں اپنے محسنوں کو ہمیشہ یاد رکھتی ہیں۔ شہید کی مثال اس شمع کی مانند ہے جو خود فنا ہو کر محفل انسانی کو روشنی اور نور فراہم کرتی ہے۔ راہ حق کے شہداء کی یاد منانا ہماری دینی و قومی ذمہ داری ہے۔ اس موقع پر شہدائے غزہ و لبنان کو بھی خراج عقیدت پیش کیا جائے گا۔ جن کی بے مثال قربانیاں امت مسلمہ کے لیے مشعل راہ ہیں۔
آزاد کشمیر: سیاسی بحران شدت اختیار کر گیا، مزید 2 وزراء مستعفی