آزاد کشمیرالیکشن کمشنر کا تقرر؛ تمام اپوزیشن پارٹیوں سے بات ہو گی
اشاعت کی تاریخ: 8th, December 2025 GMT
سٹی42: آزادجموں و کشمیر کے وزیراعظم فیصل ممتاز راٹھور سے آزاد کشمیر کے اپوزیشن لیڈر شاہ غلام قادر نے ملاقات کی ہے۔
دونوں رہنماؤں نے ریاست کی صورتحال پر تبادلۂ خیال کیا۔
ملاقات میں چیف الیکشن کمشنر آزادکشمیر کے تقرر پر بات چیت کی گئی۔
وزیراعظم اور اپوزیشن لیڈر نے اتفاق کیا کہ چیف الیکشن کمشنر کیلئے نام جلد بھیج دیا جائے گا ۔ تمام سیاسی جماعتوں کے ساتھ ایک ہفتے میں مشاورت مکمل کی جائے گی۔
ڈولفن سکواڈ کی کارروائی؛ 2مشکوک ملزمان گرفتار ، اسلحہ برآمد
آزادکشمیر میں آئندہ انتخابات مقررہ وقت پر ہوں گے۔
انتخابات کو آزادانہ ،منصفانہ اور غیر جانبدرانہ بنانے کے حوالے سے حکومت اور اپوزیشن اپنی اپنی زمہ داری پوری کریں گے۔
شاہ غلام قادر آزاد کشمیر کے ایک سرکردہ سیاست دان ہیں جو اس وقت پاکستان مسلم لیگ ن آزاد جموں و کشمیر کے صدر اور آزاد جموں و کشمیر کی قانون ساز اسمبلی میں قائد حزب اختلاف ہیں۔ وہ آزاد کشمیر اسمبلی کے سپیکر بھی رہ چکے ہیں۔ وہ آزاد کشمیر کی سیاست میں ایک فعال اور اہم کردار ادا کرتے رہے اور اب اپوزیشن لیڈر کا کردار ادا کر رہے ہیں۔
پیٹرولیم مصنوعات کی قیمتوں میں اضافے کا امکان
Waseem Azmet.
ذریعہ
ذریعہ: City 42
کلیدی لفظ: کشمیر کے
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار