شارجہ میں حیرت انگیز واقعہ، پیدائش کے صرف چھ روز بعد نومولود بچی کے دانت نکل آئے
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
شارجہ میں ایک حیران کن واقعہ دیکھنے کو ملا جہاں ایک ننھی پری کی پیدائش کے محض چھ دن بعد ہی اس کے دانت نمودار ہو گئے۔
بین الاقوامی میڈیا رپورٹس کے مطابق شارجہ میں پیدا ہونے والی بچی مہرا عبد الرحمٰن کے ساتھ ایک نایاب اور حیرت انگیز طبی واقعہ پیش آیا ہے، جب اس کے دانت پیدائش کے صرف چھ دن بعد نمودار ہو گئے۔
ڈاکٹرز کے مطابق یہ ایک غیر معمولی مگر طبی لحاظ سے محفوظ حالت ہے، جسے عالمی سطح پر “ولادی دانت” کہا جاتا ہے، یعنی ایسے دانت جو پیدائش کے فوری بعد یا چند دن کے اندر ظاہر ہو جاتے ہیں۔
معالجین نے بتایا کہ مہرا کی صحت کی مکمل نگرانی کی جا رہی ہے اور وہ بالکل صحت مند ہے۔ اس موقع پر ڈاکٹرز نے والدین کو یقین دہانی کرائی کہ دانت نکلنے کے باوجود بچی کی عمومی نشوونما پر کوئی منفی اثر نہیں پڑا۔
بچی کے والد نے اس نایاب منظر کو دیکھ کر اپنی خوشی اور حیرت کا اظہار کیا۔ انہوں نے بتایا کہ یہ لمحہ نہ صرف انہیں دنگ کر گیا بلکہ ان کے لیے باعثِ مسرت بھی ہے۔
والد نے مزید کہا کہ ڈاکٹروں کی نگرانی میں مہرا خوش اور صحت مند ہے، اور والدین ہر لمحے اس کی خیریت پر نظر رکھے ہوئے ہیں۔
یہ واقعہ نہ صرف طبی حلقوں میں دلچسپی کا باعث بنا ہے بلکہ والدین اور شائقینِ حیرت کے لیے بھی ایک غیر معمولی اور دلچسپ لمحہ ثابت ہوا ہے، جو پیدائش کے فوراً بعد دانت نکلنے والے بچوں کے نایاب کیسز میں شمار کیا جا رہا ہے۔
ذریعہ
ذریعہ: Jasarat News
کلیدی لفظ: پیدائش کے
پڑھیں:
نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
راولپنڈی:ہولی فیملی ہسپتال راولپنڈی کی گائنی وارڈ کی نرسری میں زیرِ علاج 23 روزہ نومولود بچی کے دائیں ہاتھ کا انگوٹھا پراسرار طور پر کٹ جانے کا انکشاف سامنے آیا ہے، جبکہ متاثرہ بچی کے والد نے واقعے پر پولیس کو درخواست دے دی ہے۔
متاثرہ بچی کے والد قیصر محمود نے بتایا کہ وہ ضلع اٹک کے رہائشی اور پیشے کے لحاظ سے کارپینٹر ہیں۔ ان کے مطابق ان کی بیٹی کی پیدائش ہولی فیملی ہسپتال میں ہوئی تھی اور پیدائش کے بعد سے بچی کو نرسری میں رکھا گیا ہے۔
والد کا کہنا ہے کہ جب وہ آج اپنی 23 روزہ بیٹی سے ملنے ہسپتال پہنچے تو دیکھا کہ اس کے دائیں ہاتھ کا انگوٹھا کٹا ہوا تھا۔ انہوں نے فوری طور پر ڈاکٹروں سے اس بارے میں استفسار کیا۔
قیصر محمود کے مطابق ڈاکٹرز نے انہیں بتایا کہ انگوٹھا نرس سے غلطی سے کٹ گیا۔ تاہم ان کے بقول ہسپتال انتظامیہ نے صرف انکوائری کی یقین دہانی کرائی نہ واقعے کی وجہ واضح کی گئی اور نہ ہی اب تک کسی ذمہ دار کے خلاف کارروائی کی گئی۔
متاثرہ والد نے انصاف کے لیے پولیس کو درخواست دے دی ہے۔ پولیس کا کہنا ہے کہ درخواست موصول ہونے کے بعد ابتدائی چھان بین مکمل کر لی گئی ہے اور قانون کے مطابق کارروائی کا آغاز کر دیا گیا ہے۔
دوسری جانب اس سنگین واقعے پر ہولی فیملی ہسپتال کی انتظامیہ کی جانب سے تاحال کوئی باضابطہ مؤقف سامنے نہیں آیا۔
بھارت سے جنگ اور افغانستان میں کارروائی خارج ازامکان نہیں، وزیردفاع