چپورسن میں زیر زمین دھماکے اور مسلسل زلزلے، حکومت فوری نوٹس لے، حکیمہ سلطانہ
اشاعت کی تاریخ: 24th, October 2025 GMT
پاکستان مسلم لیگ نون گلگت بلتستان خواتین ونگ کی صدر حکیمہ سلطانہ نے ضلع ہنزہ کے علاقے چپورسن میں گزشتہ دو ماہ سے جاری زیرِ زمین دھماکوں، زمین سرکنے اور مسلسل زلزلوں کے جھٹکوں پر شدید تشویش کا اظہار کرتے ہوئے وفاقی و صوبائی حکومت سے فوری مداخلت اور متاثرہ عوام کے لیے ہنگامی امداد فراہم کرنے کا مطالبہ کیا ہے۔ اسلام ٹائمز۔ پاکستان مسلم لیگ نون گلگت بلتستان خواتین ونگ کی صدر حکیمہ سلطانہ نے ضلع ہنزہ کے علاقے چپورسن میں گزشتہ دو ماہ سے جاری زیرِ زمین دھماکوں، زمین سرکنے اور مسلسل زلزلوں کے جھٹکوں پر شدید تشویش کا اظہار کرتے ہوئے وفاقی و صوبائی حکومت سے فوری مداخلت اور متاثرہ عوام کے لیے ہنگامی امداد فراہم کرنے کا مطالبہ کیا ہے۔ اپنے جاری کردہ بیان میں حکیمہ سلطانہ نے بتایا کہ چپورسن کا آخری گاوں گزشتہ کئی ہفتوں سے زیرِ زمین دھماکوں اور گڑگڑاہٹ جیسی آوازوں سے دوچار ہے، جب کہ پچھلے بیس روز سے مسلسل زلزلے کے جھٹکے محسوس کیے جا رہے ہیں۔ ان قدرتی مظاہر کی وجہ سے علاقے کے مکانات کو شدید نقصان پہنچا ہے اور ہر گھر میں دراڑیں پڑ چکی ہیں، جس کے باعث مقامی آبادی خوف و ہراس میں مبتلا ہے۔ انہوں نے کہا کہ عوام گھروں کو چھوڑ کر سخت سردی میں کھلے آسمان تلے زندگی گزارنے پر مجبور ہیں۔ بزرگ اور بچے کڑکڑاتی سردی میں بیماریوں کا شکار ہو رہے ہیں۔
حکیمہ سلطانہ نے مزید کہا کہ صورتحال انتہائی سنگین ہے اور اس پر فوری طور پر سائنسی و جیالوجیکل سروے کی ضرورت ہے تاکہ زمین کے اندر ہونے والے ان دھماکوں اور زلزلوں کی وجوہات کا پتا لگایا جا سکے۔ انہوں نے وفاقی حکومت، وزیرِ اعظم پاکستان، وزیرِ اعلیٰ گلگت بلتستان اور متعلقہ اداروں سے اپیل کی کہ وہ فوری طور پر علاقے میں ہنگامی بیس کیمپ قائم کریں، متاثرین کو رہائش، خوراک، ادویات اور دیگر بنیادی سہولیات فراہم کریں، اور ماہرینِ ارضیات پر مشتمل ٹیمیں روانہ کریں تاکہ کسی بڑے سانحے سے بروقت تحفظ ممکن ہو سکے۔ نون لیگ خواتین ونگ کی صدر نے زور دیا کہ عوام کی جان و مال کا تحفظ حکومت کی اولین ذمہ داری ہے، اس لیے اس معاملے کو فوری طور پر ترجیحی بنیادوں پر حل کیا جائے۔
ذریعہ
ذریعہ: Islam Times
کلیدی لفظ: حکیمہ سلطانہ نے
پڑھیں:
کالعدم بی ایل اے سے منسلک ملک دشمن شاعرہ کی تلاش جاری، بھارتی سرپرستی اور اور ریاست مخالف پروپیگنڈے کے شواہد برآمد
بھارتی سرپرستی میں کالعدم بلوچ لبریشن آرمی (بی ایل اے) سے منسلک ملک دشمن خاتون شاعرہ حبیبہ پیرجان کی تلاش کے لیے کارروائیاں جاری ہیں۔ حبیبہ پیرجان نوجوانوں کو نہ صرف ملک دشمنی پر ورغلاتی ہیں، بلکہ اپنی نفرت انگیز پروپیگنڈا شاعری کے ذریعے ریاست مخالف بیانیے کو فروغ دیکر معصوم ذہنوں کو دہشتگردی پر اکساتی ہیں۔
مزید پڑھیں: بی ایل اے بلوچوں کے حقوق کی قاتل، حکام نے کوئٹہ تفتان شاہراہ پر کنٹرول کا دعویٰ مسترد کردیا
ذرائع کا کہنا ہے کہ حبیبہ پیرجان، زوجہ حنیف اور ضلع کیچ کے علاقے دشت کی رہائشی ہیں، جنہیں 25 مئی 2026 کو کراچی کے علاقے گلشنِ مزدور میں ایک مشترکہ انٹیلیجنس بیسڈ آپریشن (آئی بی او) کے دوران ٹریس کیا گیا، تاہم وہ علاقے کا محاصرہ مکمل ہونے سے قبل فرار ہونے میں کامیاب ہوگئیں۔
سیکیورٹی ذرائع کے مطابق کارروائی کے دوران ان کی رہائش گاہ کی تلاشی لی گئی جہاں سے ڈائریاں، ہلاک شدہ بی ایل اے عسکریت پسندوں سے متعلق تحریری ریکارڈ اور دیگر مواد برآمد ہوا جبکہ بھارتی فنڈنگ کے کچھ اہم ثبوت بھی سامنے آئے ہیں۔
ذرائع کا دعویٰ ہے کہ برآمد شدہ مواد اور انٹیلیجنس معلومات سے یہ اشارے ملے ہیں کہ حبیبہ پیرجان کے کالعدم بی ایل اے کے متعدد اہم کمانڈروں، خصوصاً رستم پیرجان، سے قریبی روابط رہے ہیں۔
اطلاعات کے مطابق انہوں نے دشت کے جنگلات میں رستم پیرجان سے کم از کم 2 مرتبہ ملاقات کی، جن میں سے ایک ملاقات رواں برس 14 فروری کو ہوئی تھی۔
سیکیورٹی اداروں کے مطابق دستیاب ریکارڈ سے یہ بھی معلوم ہوا ہے کہ مبینہ طور پر وہ اسلحہ اور دیگر سامان کی ترسیل میں سہولت کاری، بعض بلوچ یکجہتی کمیٹی (بی وائی سی) شخصیات سے رابطوں اور سوشل میڈیا پر بی ایل اے سے منسلک پلیٹ فارمز کے ذریعے بھارتی سرپرستی میں ریاست مخالف زہریلے اور شر انگیز مواد کی تشہیر میں کردار ادا کرتی رہی ہیں۔
مزید پڑھیں: بی ایل اے کی محدود کارروائیاں اور سوشل میڈیا پر بڑا تاثر دینے کی ناکام حکمت عملی
ذرائع کا کہنا ہے کہ حبیبہ پیرجان اپنی شاعری کے ذریعے نوجوانوں کو ورغلانے اور ریاست مخالف بیانیے کو فروغ دینے پر مامور ہیں، جبکہ اس حوالے سے ملنے والے مزید شواہد کا جائزہ لیا جا رہا ہے۔
سیکیورٹی اداروں نے کہا ہے کہ ملک دشمن مطلوب خاتون کی گرفتاری کے لیے مختلف علاقوں میں کارروائیاں جاری ہیں اور تفتیش کو آگے بڑھایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی سرپرستی بی ایل اے خاتون شاعرہ حبیبہ پیرجان رستم پیرجان
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ