اٹلی: پولیس آپریشن دھماکے میں مزید ہلاکتیں
اشاعت کی تاریخ: 7th, December 2025 GMT
data-id="863a0a8" data-element_type="widget" data-widget_type="theme-post-content.default">
روم: اٹلی میں گزشتہ دنوں پولیس کے آپریشن کے دوران زوردار دھماکا ہوگیا، جس میں زخمی ہونے والا ایک اور اہلکار بھی چل بسا۔
عالمی میڈیا کے مطابق دھماکے کے نتیجے میں اب ہلاکتوں کی تعداد 3 تک جا پہنچی جبکہ اب بھی متعدد زخمی بھی ہیں، جن کا سرکاری سطح پر طبی امداد جاری ہے۔ رپورٹ کے مطابق مذکورہ حوالے سے حکام کا کہنا ہے کہ دھماکا دراصل شمالی علاقے کیستل دازانو میں فارم ہاو¿س میں پولیس چھاپے کے دوران گیس سلنڈر پھٹنے سے ہوا۔ جہاں آگ بجھانے کی جدوجہد میں عمارت بھی منہدم ہوگئی تھی، جس کی وجہ سے7 فائر فائٹر بھی ہنوز زخمی ہیں۔
یہ بات بھی علم میں رہے کہ پولیس فارم ہاو¿س کا قبضہ چھڑانے کے لیے پہنچی تھی کہ حادثہ پیش آیا۔ واضح رہے کہ گزشتہ ہفتے بھی امریکی ریاست ٹینیسی کے فوجی اسلحہ پلانٹ میں خوفناک دھماکا ہوا تھا، جس میں متعدد افراد کے ہلاک ہونے کی اطلاعات تھیں۔
ذریعہ
ذریعہ: Jasarat News
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی