چین نے نیا سستا ترین ہائپرسونک میزائل متعارف کر کے دفاعی مارکیٹ میں ہلچل مچا دی
اشاعت کی تاریخ: 4th, December 2025 GMT
چین کی ایرو اسپیس کمپنی لِنگ کانگ تیان شِنگ نے نیا ہائپرسونک گلائیڈ میزائل YKJ-1000 متعارف کر کے دفاعی مارکیٹ میں ہلچل مچا دی ہے۔
1300 کلومیٹر رینج اور آواز سے سات گنا زیادہ رفتار رکھنے والے اس میزائل کو ’’سیمنٹ کوٹِڈ میزائل‘‘ بھی کہا جا رہا ہے کیونکہ اس کی بیرونی تہہ میں حرارت برداشت کرنے والا فوم کنکریٹ جیسا عام تعمیراتی مواد استعمال کیا گیا ہے۔
چینی میڈیا رپورٹس کے مطابق کامیاب جنگی آزمائشوں کے بعد یہ میزائل بڑے پیمانے پر تیار کیا جا رہا ہے، اور اس کی فی یونٹ ممکنہ قیمت صرف 99 ہزار ڈالر بتائی جا رہی ہے۔
یہ قیمت امریکی دفاعی نظاموں کے مقابلے میں حیران کن طور پر کم ہے، جہاں ایک SM-6 نیول انٹرسیپٹر کی قیمت تقریباً 41 لاکھ ڈالر اور THAAD انٹرسیپٹر کی قیمت ایک کروڑ 20 لاکھ سے ڈیڑھ کروڑ ڈالر کے درمیان ہے۔
تجزیہ کاروں کا کہنا ہے کہ حملہ آور کم لاگت میزائل اور انتہائی مہنگے دفاعی نظاموں کے درمیان یہ نمایاں فرق مستقبل کی جنگی حکمت عملی میں بڑا کردار ادا کر سکتا ہے۔
عسکری ماہر وی ڈونگ شو کے مطابق اگر YKJ-1000 عالمی مارکیٹ میں آیا تو اس کی بڑی مانگ پیدا ہوسکتی ہے کیونکہ بہت سے ممالک اب تک اپنے ہائپرسونک میزائل بنانے میں ناکام رہے ہیں۔
تاہم کئی مبصرین نے میزائل کی انتہائی کم قیمت پر شکوک کا اظہار کیا ہے، خصوصاً یہ کہ ایندھن اور راکٹ انجن جیسے مہنگے حصے اس کم لاگت میں کیسے ممکن ہیں۔ کمپنی نے کہا ہے کہ وہ جلد تمام سوالات پر وضاحت جاری کرے گی۔
.ذریعہ: Express News
پڑھیں:
سام سنگ کا پہلا ملٹی فولڈنگ اسمارٹ فون متعارف، قیمت کتنی ہے؟
سام سنگ الیکٹرانکس نے اپنا پہلا ملٹی فولڈنگ یعنی کئی بار تہہ کیے جانے کے قابل ایک ایسا اسمارٹ فون گیلیکسی زیڈ ٹرائی فولڈ متعارف کرایا ہے، جو فولڈایبل فون مارکیٹ میں کمپنی کی پوزیشن مضبوط کرنے کی ایک بڑی کوشش سمجھی جا رہی ہے۔
گیلیکسی زیڈ ٹرائی فولڈ کی قیمت تقریباً 2,440 ڈالر رکھی گئی ہے۔ یہ فون 3 اسکرین پینلز پر مشتمل ہے اور مکمل طور پر کھولنے پر 10 انچ یعنی 253.1 ملی میٹر کا بڑا ڈسپلے فراہم کرتا ہے، جو سام سنگ کے موجودہ فولڈنگ ماڈل گیلیکسی زیڈ فولڈ 7 سے تقریباً 25 فیصد زیادہ ہے۔
یہ بھی پڑھیے: مصنوعی ذہانت: چین نے اسمارٹ فونز پر بریسٹ کینسر اسکریننگ آسان بنادی
سام سنگ کے ایگزیکٹو نائب صدر الیگز لِم کے مطابق فولڈایبل اسمارٹ فون مارکیٹ میں مستقبل میں مزید اضافہ ہوگا اور ٹرائی فولڈ اس حصے میں ایک اہم محرک ثابت ہو سکتا ہے۔ انہوں نے واضح کیا کہ یہ ڈیوائس ان صارفین کے لیے تیار کی گئی ہے جو خاص طور پر ملٹی فولڈ تجربہ چاہتے ہیں، اور اسے بڑی تعداد میں فروخت کے لیے نہیں بنایا گیا۔
یہ فون جنوبی کوریا میں تیار کیا جا رہا ہے اور 12 دسمبر کو وہاں فروخت کے لیے پیش کیا جائے گا۔ اسی سال کے دوران اسے چین، سنگاپور، تائیوان اور متحدہ عرب امارات میں بھی لانچ کیا جائے گا، جبکہ امریکا میں اس کی آمد 2025 کی پہلی سہ ماہی میں متوقع ہے۔
یہ بھی پڑھیے: کیا نوکیا اسمارٹ فونز اب دستیاب نہیں ہوں گے؟
اس ڈیوائس میں سام سنگ کی فلیگ شپ لائن کی سب سے بڑی بیٹری شامل کی گئی ہے، جو سپر فاسٹ چارجنگ کے ذریعے صرف 30 منٹ میں 50 فیصد تک چارج ہو جاتی ہے۔ لِم نے بتایا کہ میموری چپس اور دیگر پرزوں کی بڑھتی ہوئی قیمتوں نے فون کی قیمت طے کرنا ایک مشکل مرحلہ بنا دیا تھا۔
اس شعبے میں چینی کمپنیوں کے تیزی سے بڑھتے ہوئے اثر و رسوخ کے باعث مقابلہ شدید ہوتا جا رہا ہے، لیکن ماہرین کے مطابق بلند قیمت اور پیداواری مشکلات کی وجہ سے فولڈایبل فون ابھی تک محدود مارکیٹ ہی رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسمارٹ فونز موبائل فونز
جماعت اسلامی کی سندھ حکومت پر تنقید؛ جامعہ کراچی کی زمین اور ICCBS قانون پر شدید تحفظات