بالائی دیر کے املوک کی خاص بات کیا ہے؟
اشاعت کی تاریخ: 29th, October 2025 GMT
اپردیر کے موسم سرما کے اہم سوغات اخروٹ سیب، ناشپاتی سمیت دیگر پھل بھی ہوتے ہیں لیکن اپر دیر میں ٹماٹر نما املوک المعروف جاپانی پھل کی ملک کے مختلف شہروں کے مارکیٹوں میں سپلائی کا سلسلہ جاری ہے۔
یہ بھی پڑھیں: زیارت: خشک سالی اور حکومتی بے توجہی نے پھلوں کے بیشتر باغات اجاڑ دیے
جاپانی پھل کے کاروباری افراد اور باغبانوں کا کہنا ہے کہ اپر دیر میں موسم سرما کے سوغات جاپانی پھل کی ترسیل یہاں سے شروع کی گئی ہے اور اس کے ساتھ ضلع اپر دیر کے ہزاروں افراد کا روزگار بھی وابستہ ہے کیونکہ سیزن میں اس کی مانگ بہت زیادہ ہوتی ہے۔
انضمام الحق ایک تعلیم یافتہ نوجوان ہیں اور انہوں نے ایم ایس سی بوٹنی کی اور پھر سرکاری ملازمت اختیار کی تاہم اب اس کو چھوڑ کر سنہ 2013 سے اس کاروبار سے وابستہ ہیں۔ وہ کہتے ہیں کہ جاپانی پھل کی پیداوار تو دیر کے علاوہ دوسرے علاقوں میں بھی ہوتی ہے لیکن دیر میں اگنے والا املوک جس کو مقامی زبان میں ’تور مینزے‘ کہا جاتا ہے اس کی پیداوار عام جاپانی پھلوں کی نسبتاً کم ہے لیکن مفرد ذائقے کے سبب اس کی وجہ سے اس کی مقامی سطح کے ساتھ ساتھ ملک کے دیگر چھوٹے بڑے شہروں کے مارکیٹیوں پشاور، اسلام اباد، لاہور، مردان اور کراچی وغیرہ میں مانگ بہت زیادہ ہے۔
انضمام الحق کا کہنا تھا کہ دیر کے املوک کو لوگ ڈیمانڈ پر مارکیٹوں اور اپنے دوست و احباب کے توسط سے منگواتے ہیں۔ انضمام کے مطابق سیزن میں روزانہ یہاں سے ٹنوں کے حساب سے مختلف منڈیوں کو یہ سوغات پہنچائی جارہی ہے جبکہ 3 سالوں میں بیرون ممالک بھی ایکسپورٹ کرتے ہیں اور یہ اچھی آمدنی کے ساتھ ساتھ سینکڑوں لوگوں کے روزگار کا ذریعہ بھی بن چکا ہے۔
مزید پڑھیے: بنگلہ دیش کے پاکستان سے پھل درآمد کرنے کے امکانات روشن
محکمہ زراعت کے ڈائریکٹر اسلام الحق کہتا ہے جاپانی پھل اپر دیر میں 175 سے زائد ایکڑ پر اگایا جاتا ہے اور ایک اندازے کے مطابق پیداوار 200 تا 300 میٹرک ٹن ہے۔
اسلام الحق کا کہنا تھا کہ دیر اسپیشل خاص تور مینزے املوک (جاپانی پھل سیڈڈ) کا ذائقہ عام جاپانی پھل سے کئی گنا زیادہ ذائقہ دار ہوتا ہے اور یہ کچا اور پکا دونوں ہی طرح سے کھایا جاسکتا ہے۔
انہوں نے کہا کہ عام جاپانی پھل کا نازک ہونے کی وجہ سے ٹرانسپورٹیشن کے دوران خراب ہونے کا اندیشہ ہوتا ہے لیکن تور مینزے املوک کے خراب ہونے کا کوئی چانس نہیں ہوتا اس لیے اسے بے حد پسند کیا جاتا ہے۔
مزید پڑھیں: سوات: آڑو کی خوشبو سے مہکتی وادی، میٹھے پھلوں کا جنت نما خطہ
انہوں نے بتایا کہ اس کی پیدوار اپر دیر کے علاوہ کہیں اور نہیں ہوتی اور لوگ اسے ڈیمانڈ پر منگواتے ہیں اس لیے ہم نے زراعت افس میں زمینداروں کے لیے 17 اکتوبر کو نمائش منعقد کی تھی۔ مزید تفصیل جانیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
املوک جاپانی پھل دیر دیر کا جاپانی پھل دیر کا خاص املوک.ذریعہ: WE News
کلیدی لفظ: املوک دیر کا خاص املوک اپر دیر دیر کے
پڑھیں:
پرو ہاکی لیگ؛ پاکستان اسپین کا دورہ کرے گی
لاہور:پاکستان ہاکی ٹیم پرولیگ کی تیاریوں کے لیے اسپین کا دورہ کرے گی۔
ذرائع کے مطابق بارسلونا میں پاکستان اور اسپین کے میچز 29 اور 30 نومبر کو ہوں گے، دورہ بنگلا دیش کے بعد پاکستان ٹیم کی 26 نومبر کو بارسلونا روانگی کا پلان بنایا گیا ہے۔
پرو ہاکی لیگ کے پہلے مرحلے میں پاکستان ارجنٹائن کا دورہ کرے گی۔ ارجنٹائن اور ہالینڈ کے ساتھ میچز 10 سے 15 دسمبر تک شیڈول ہیں۔
پرولیگ کا دوسرا مرحلہ آسٹریلیا کے شہر ہوبارٹ میں فروری میں رکھا گیا ہے جہاں پاکستانی ٹیم آسٹریلیا اور جرمنی کے ساتھ ہوبارٹ میں میچز کھیلے گی۔
جون کے دوسرے ہفتے میں بیلجیم اور اسپین کے ساتھ مچز بیلجیم میں طے ہیں جبکہ جون کے آخری ہفتے میں لندن میں انگلینڈ اور بھارت سے مقابلہ ہوگا۔ پاکستان اور بھارت کی ہاکی ٹیمیں 23 اور 25 جون کو آمنے سامنے ہوں گی۔
پاکستان پرولیگ سے پہلے بنگلا دیش کا بھی دورہ کر رہی ہیں جہاں 13، 14 اور 16 اکتوبر کو ڈھاکا میں تین میچز ہوں گے۔
اس سیریز کی فاتح ٹیم ورلڈکپ کوالیفائر کھیلنے کی حقدار ہوگی، جو فروری کے آخری ہفتے ہوگا۔ پاکستان اور بنگلا دیش سیریز کے بعد ورلڈکپ کوالیفائر کا شیڈول اور مقام طے ہونا ہے۔
بدین ،لڑکی کے اغوا کیخلاف اہل خانہ سراپا احتجاج ہیں