سوست بارڈر پر پکڑی گئی ممنوعہ اور غیر قانونی اشاء تلف کرنے کا فیصلہ
اشاعت کی تاریخ: 29th, October 2025 GMT
پاکستان کسٹمز کا کہنا ہے کہ غیر قانونی تجارت کے خلاف زیرو ٹالرنس پالیسی جاری رہے گی اور مستقبل میں بھی اس نوعیت کی کارروائیاں مزید مؤثر انداز میں جاری رہیں گی۔ اسلام ٹائمز۔ پاکستان کسٹمز نے سوست ڈرائی پورٹ پر حالیہ آپریشن کے دوران ضبط کی گئی بڑی مقدار میں ممنوعہ اور غیر قانونی اشیاء کو تلف کرنے کا فیصلہ کیا ہے، جن میں چین سے درآمد شدہ شراب، کھانے پینے کی مصنوعات اور دیگر سامان شامل ہے۔کسٹمز حکام کے مطابق ضبط شدہ اشیاء کی تلفی کا عمل آج مقامی انتظامیہ، پولیس اور دیگر سرکاری محکموں کے نمائندوں کی موجودگی میں شفاف طریقے سے مکمل کیا جائے گا۔ اس کارروائی کا مقصد اسمگلنگ اور غیر قانونی درآمدات کی روک تھام ہے جو پاک-چین سرحد کے راستے کی جاتی ہیں۔ حکام نے بتایا کہ کسٹمز ٹیموں نے حالیہ دنوں میں متعدد کارروائیاں کرتے ہوئے ایسے سامان کو قبضے میں لیا تھا جو درآمدی ضوابط کی خلاف ورزی کرتے ہوئے ملک میں لایا جا رہا تھا۔ ان کا کہنا تھا کہ اسمگلنگ نہ صرف ملکی ریونیو کو نقصان پہنچاتی ہے بلکہ مقامی مارکیٹ میں غیر معیاری اور مضرِ صحت اشیاء کی فراہمی کا باعث بھی بنتی ہے۔ پاکستان کسٹمز کا کہنا ہے کہ غیر قانونی تجارت کے خلاف زیرو ٹالرنس پالیسی جاری رہے گی اور مستقبل میں بھی اس نوعیت کی کارروائیاں مزید مؤثر انداز میں جاری رہیں گی۔
.
ذریعہ
ذریعہ: Islam Times
پڑھیں:
دوسرا ون ڈے: پاکستان کا آسٹریلیا کیخلاف ٹاس جیت کر فیلڈنگ کا فیصلہ
پاکستان نے تین ایک روزہ میچوں کی سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کیا ہے۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی ہے۔قومی ٹیم کے کپتان شاہین آفریدی کا کہنا تھا آسٹریلیا کے خلاف پہلا ون ڈے جیتنے والی ٹیم کو ہی برقرار رکھا گیا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ