افغان باشندوں کو مکان کرایہ پر دینے والے5مالک مکان گرفتار
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور:حکومت پنجاب کے خصوصی احکامات کی روشنی میں شہر بھر میں غیر قانونی مقیم افغانیوں اور دیگر غیر ملکیوں کے خلاف کارروائی عمل میں لائی جاری ہے۔
پولیس نے 74 افغان شہریوں کو تحویل میں لے کر ہولڈنگ سینٹر منتقل کر دیا ہے۔جب کہ غیر قانونی طور پر مقیم افغان باشندوں کو مکان کرایہ پر دینے والے 5مالک مکان کوگرفتار کرلیا گیا ہے۔
پولیس نے 20 مقدمات بھی درج کیے ہیں۔ یہ مقدمات تھانہ صدر بیرونی، جاتلی، روات، گوجر خان، دھمیال، ٹیکسلا، واہ کینٹ، صدر واہ، سول لائنز، مورگاہ، نصیرر آباد، پیرودھائی، وارث خان اور بنی میں درج کیے گئے۔
اسلام آباد میں افغان مہاجرین کے خلاف کریک ڈائون کے دوران سی ٹی ڈی نے پولیس سے مل کر سیکٹر ایف 7 میں دو ہوٹلوں پر چھاپہ مار کر 25 افغان مہاجرین کو تحویل میں لے لیا ہے۔
اٹک سے 27 ہزارافغان مہاجرین کو ہولڈنگ سینٹر افغان مہاجرین کے ذریعے ان کے وطن روانہ کیا گیا جبکہ17 ہزا ر افغان مہاجرین رضا کارانہ طورپر اپنے وطن افغانستان روانہ ہوئے ہیں۔
اس وقت بھی افغان سرحد بند ہونے کے سبب 350 سے زائد افغان مہاجرین ہولڈنگ سینٹرافغان مہاجرین میں قیام پذیر ہیں۔
یہ اطلاعات ڈپٹی کمشنر راوعاطف رضا اور ڈی پی او سر دار موارہن خان نے افغان ہولڈنگ سینٹر اٹک میں میڈیا کو دیں۔
ویب ڈیسک
Faiz alam babar
ذریعہ: Jasarat News
کلیدی لفظ: افغان مہاجرین
پڑھیں:
جسارت ڈیجیٹل نیوز کی خبر پر ایکشن: پولیس کی مؤثر کارروائی، خاتون پر حملہ کرنے والا ملزم گرفتار
data-id="863a0a8" data-element_type="widget" data-widget_type="theme-post-content.default">
کراچی: شہید بینظیر آباد میں جسارت ڈیجیٹل نیوز پر نشر ہونے والی خبر کے بعد پولیس نے فوری اور مؤثر کارروائی کرتے ہوئے خاتون کے گھر پر حملے اور جان سے مارنے کی دھمکیوں کے کیس میں ایک نامزد ملزم کو گرفتار کر لیا۔
تفصیلات کے مطابق گزشتہ روز تھانہ بی سیکشن کی حدود میں پیش آنے والے واقعے کی ویڈیو سوشل میڈیا پر وائرل ہوئی، جس میں متاثرہ خاتون سحرش شیخ نے الزام عائد کیا کہ ملزمان کبیر شیخ، عبیر شیخ اور نقاش شیخ زبردستی ان کے گھر میں داخل ہوئے، تشدد کا نشانہ بنایا اور جان سے مارنے کی سنگین دھمکیاں دیں۔
واقعے کی سی سی ٹی وی فوٹیج بھی منظرِ عام پر آ گئی، جس میں ملزمان کو خاتون کے گھر پر پتھراؤ اور حملہ کرتے ہوئے واضح طور پر دیکھا جا سکتا ہے۔
تھانہ بی سیکشن پولیس نے وائرل ویڈیو اور سی سی ٹی وی فوٹیج کا سنجیدگی سے نوٹس لیتے ہوئے فوری قانونی کارروائی کی اور نامزد ملزم نقاش شیخ کو گرفتار کر لیا، گرفتار ملزم کے خلاف مقدمہ نمبر 311/2025 بجرم دفعات 506/2، 452، 147، 148، 504 تعزیراتِ پاکستان کے تحت درج کر لیا گیا ہے۔
واقعے میں ملوث دیگر نامزد ملزمان کبیر شیخ اور عبیر شیخ موقع سے فرار ہو گئے، جن کی گرفتاری کے لیے چھاپے مارے جا رہے ہیں۔
ضلع شہید بینظیر آباد پولیس کا کہنا ہے کہ قانون کی بالادستی اور شہریوں کے تحفظ کو ہر صورت یقینی بنایا جائے گا اور واقعے میں ملوث تمام ملزمان کو جلد قانون کے کٹہرے میں لایا جائے گا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر