بھارتی، افغان سوشل میڈیا کاشیخ نوید کو حملہ آور قرار دینے پر پروپیگنڈا
اشاعت کی تاریخ: 14th, December 2025 GMT
بھارتی اور افغان سوشل میڈیا نے پاکستانی نوجوان شیخ نوید کو حملہ آور قرار دینے کا پروپیگنڈا کیا۔
آسٹریلیا کے شہر سڈنی کے بیچ پر فائرنگ کے واقعے میں ہلاکتیں 12 ہوگئی ہیں، پولیس نے بونڈی بیچ واقعے کو دہشت گردی قرار دیا ہے۔
دوسری طرف بھارتی اور افغان سوشل میڈیا اکاؤنٹس نے سڈنی واقعے پر جھوٹا اور بے بنیاد پروپیگنڈا شروع کردیا۔
آسٹریلیا کے شہر سڈنی کے ساحل پر فائرنگ واقعے کے ایک حملہ آور کو پکڑنے والے شہری کی شناخت سامنے آئی ہے۔
بھارتی اور افغان سوشل میڈیا نے آسٹریلیا میں رہنے والے ایک پاکستانی نوجوان شیخ نوید کو حملہ آور قرار دے دیا۔
شیخ نوید نے سوشل میڈیا پلیٹ فارم پر ایک بیان میں کہا ہے کہ اُن کا دہشت گردی کے کسی واقعے سے کوئی تعلق نہیں ہے۔
انہوں نے مزید کہا کہ اُن کی تصویر کو استعمال کرکے جھوٹ پھیلایا جارہا ہے، بے بنیاد پروپیگنڈے نے ان کی سلامتی اور ساکھ کو داؤ پر لگادیا ہے۔
شیخ نوید نے اپیل کی کہ سوشل میڈیا پر اُن کے خلاف ہونے والے جھوٹے پروپیگنڈے کو روکا جائے۔
.ذریعہ: Jang News
کلیدی لفظ: افغان سوشل میڈیا ا سٹریلیا حملہ ا ور شیخ نوید
پڑھیں:
صدر آصف زرداری کا سڈنی دہشتگری پر گہرے رنج وغم کا اظہار، تعزیت
اسلام آباد(نیوزڈیسک) صدر پاکستان آصف علی زرداری نے آسٹریلیا کے شہر سڈنی کے بیچ پر فائرنگ کے واقعے پر گہرے رنج وغم کا اظہار کیا ہے۔
صدر مملکت نے اس واقعے کے متاثرین کے اہلخانہ سے تعزیت کی اور زخمیوں کی جلد صحتیابی کے لیے دعا کی۔
انہوں نے کہا کہ پاکستان خود دہشت گردی کاشکار رہا ہے، آسٹریلیا کے ساتھ مکمل یکجہتی کا اظہار کرتے ہیں۔
صدر پاکستان نے کہا کہ بے گناہ شہریوں کے خلاف تشدد کی سخت مذمت کرتے ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر