طالبان رجیم سے تعلقات بہتر بنانے کے لیے اقدامات کیے لیکن انہوں نے دہشتگردوں کی مدد کی، فیلڈ مارشل عاصم منیر
اشاعت کی تاریخ: 30th, October 2025 GMT
فیلڈ مارشل و چیف آف آرمی اسٹاف سید عاصم منیر کا کہنا ہے کہ پاکستان نے طالبان رجیم سے تعلقات بہتر بنانے کے لیے اقدامات کیے لیکن انہوں نے بھارت کے اشاروں پر دہشتگردوں کی مدد کی۔
یہ بھی پڑھیں: استنبول مذاکرات میں پیشرفت نہ ہو سکی، دہشتگردوں کی سرپرستی منظور نہیں، پاکستان نے افغان طالبان پر واضح کردیا
جمعرات کو پشاور کے دورے کے موقعے پر قبائلی سرداروں کے جرگے سے ملاقات کے دوران فیلڈ مارشل نے واضح کیا کہ پاکستان اپنے تمام ہمسایہ ممالک بشمول افغانستان کے ساتھ امن چاہتا ہے لیکن افغان سرزمین سے پاکستان پر دہشتگرد حملوں کی اجازت نہیں دے گا۔
جرگے سے خطاب کرتے ہوئے انہوں نے بتایا کہ پاکستان نے گزشتہ چند سالوں میں تحمل کا مظاہرہ کرتے ہوئے افغان حکومت کے ساتھ تعلقات بہتر بنانے کے لیے متعدد سفارتی اور اقتصادی اقدامات کیے مگر افغان طالبان نے بھارتی حمایت یافتہ دہشتگرد گروپوں فتنہ الخوارج اور فتنہ ہندوستان کو ہر ممکن مدد فراہم کی۔
فیلڈ مارشل سید عاصم منیر نے افغان طالبان کے ساتھ حالیہ تنازعے کے موقعے پر قبائلی عوام کی پاک فوج کے لیے بے لوث حمایت کو سراہا اور خیبر پختونخوا کے بہادر عوام کی دہشتگردی کے خلاف قربانیوں کو خراج تحسین پیش کیا۔
قبائلی سرداروں نے بھی دہشتگردی اور افغان طالبان کے خلاف مسلح افواج کے ساتھ مکمل تعاون کی یقین دہانی کرائی۔
مزید پڑھیے: پاکستان اور افغان طالبان رجیم کے درمیان مذاکرات کا دوسرا مرحلہ کس قدر اہم؟
فیلڈ مارشل نے قبائلی سرداروں کو یقین دلایا کہ خاص طور پر خیبر پختونخوا سے دہشتگرد اور ان کے سہولت کاروں کو مکمل طور پر ختم کیا جائے گا۔
قبائلی سرداروں نے آرمی چیف کی کھلی بات چیت کو سراہا اور پاکستان میں امن قائم رکھنے کے لیے اپنی مکمل وابستگی کا اظہار کیا اور ساتھ ہی کہا کہ فتنہ الخوارج کا متعصب نظریہ قبائلی عوام میں قبول نہیں۔
مزید پڑھیں: اگر بھارت نے پاکستان پر حملے کے لیے افغانستان کا استعمال کیا تو منہ توڑ جواب دیا جائے گا، پاکستان
دورے پر پہنچنے پر فیلڈ مارشل سید عاصم منیر کا استقبال کور کمانڈر پشاور نے کیا۔ بعد ازاں انہوں ہیڈ کوارٹرز 11 کور میں موجودہ سیکیورٹی صورتحال، آپریشنل تیاریوں اور دہشتگردی کے خلاف جاری اقدامات کی تفصیلی بریفنگ لی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پشاور چیف آف آرمی اسٹاف فیلڈ مارشل سید عاصم منیر قبائلی عمائدین.
ذریعہ
ذریعہ: WE News
کلیدی لفظ: پشاور چیف آف آرمی اسٹاف فیلڈ مارشل سید عاصم منیر قبائلی عمائدین قبائلی سرداروں افغان طالبان اقدامات کی فیلڈ مارشل کے ساتھ کے لیے
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا