چین کے حکم پر ایپل نے ہم جنس پرستوں کی ایپس ہٹا دیں
اشاعت کی تاریخ: 11th, November 2025 GMT
data-id="863a0a8" data-element_type="widget" data-widget_type="theme-post-content.default">
ٹیکنالوجی کی معروف کمپنی ایپل نے چین کی حکومت کے دباؤ کے بعد ایپ اسٹور سے ہم جنس پرستوں کے لیے مخصوص دو مقبول ایپس کو ہٹا دیا ہے۔ غیر ملکی خبر رساں اداروں کے مطابق یہ اقدام اس وقت سامنے آیا جب چین کے انٹرنیٹ ریگولیٹر اور سینسر شپ اتھارٹی نے ایپل کو باضابطہ طور پر ان ایپس کو ہٹانے کی ہدایت جاری کی۔
ایپل کے ترجمان کے مطابق کمپنی جس بھی ملک میں کام کرتی ہے، وہاں کے مقامی قوانین اور ضابطوں پر عمل درآمد اس کی پالیسی کا حصہ ہے۔ ترجمان نے وضاحت کرتے ہوئے کہا کہ چین کی سائبر اسپیس ایڈمنسٹریشن (CAC) کی جانب سے باضابطہ نوٹس موصول ہونے کے بعد کمپنی نے دونوں ایپس کو صرف چین کے ایپ اسٹور سے ہٹایا ہے، باقی دنیا میں یہ ایپس بدستور دستیاب ہیں۔
ماہرین کے مطابق ایپل کا یہ اقدام چین میں حکومتی سینسر شپ قوانین کی سختی اور اظہارِ رائے پر پابندیوں کی عکاسی کرتا ہے۔ خیال رہے کہ حالیہ برسوں میں چین نے آن لائن مواد کے حوالے سے اپنے ضوابط مزید سخت کیے ہیں، جن کے تحت سماجی اور ثقافتی حساسیت رکھنے والی ایپس کو اکثر نشانہ بنایا جاتا ہے۔
ذریعہ: Jasarat News
کلیدی لفظ: ایپس کو
پڑھیں:
اٹلی: جرمن کوہ پیمائوں کی لاشیں نکال لی گئیں
data-id="863a0a8" data-element_type="widget" data-widget_type="theme-post-content.default">
روم: اٹلی میں برفانی تودے میں پھنس کر ہلاک ہونے والے جرمن کوہ پیمائوں کی لاشیں نکال لی گئیں۔
عالمی میڈیا کی رپورٹ کے مطابق ملک کے صوبے جنوبی ٹائرول میں 5 جرمن کوہ پیما پر ایک برفانی تودہ گرگیا تھا، جس کے نتیجے میںہلاک ہونے والے 5 جرمن کوہ پیمائوں کی لاشیں نکال لی گئیں۔ رپورٹ کے مطابق مذکورہ حادثہ 2 مختلف مقامات پر پیش آیا تھا۔ اعلیٰ حکام کے مطابق ہلاک شدگان میں ایک خاتون کوہ پیما بھی شامل ہے، جس کے والد بھی اسی حادثے میں ہلاک ہوگئے ہیں۔
رپورٹ کے مطابق یہ بات بھی علم میں رہے کہ اٹلی کے ریسکیو حکام کا کہنا ہے کہ کوہ پیما علحیدہ گروپوں میں سفر کر رہے تھے، جس میں سے ایک گروپ کے 3 افراد مکمل طور پر برفانی تودے میں دب گئے، حادثے کے بعد زندہ بچ جانے والے کوہ پیمائوں نے امدادی ٹیموں کو فوری اطلاع فراہم کردی تھی۔
موبائل گم ہونے کا معاملہ: کورئیر کمپنی کو صارف کو موبائل اور جرمانہ ادا کرنے کا حکم