ٹی10 لیگ: ہربھجن سنگھ کا شاہنواز دھانی سے مصافحہ، سوشل میڈیا پر بحث چھڑ گئی
اشاعت کی تاریخ: 20th, November 2025 GMT
ابوظہبی میں کھیلے گئے ٹی10 لیگ کے میچ کے بعد بھارتی سابق کرکٹر ہربھجن سنگھ نے پاکستان کے فاسٹ بولر شاہنواز دھانی سے مصافحہ کیا، جس نے شائقین کی توجہ حاصل کرلی۔
یہ مصافحہ ناردرن وارئیرز اور ایسپن اسٹیلینز کے مقابلے کے فوراً بعد ہوا، جہاں دھانی نے شاندار بالنگ کرتے ہوئے آخری اوور میں صرف 8 رنز کا دفاع کیا اور ٹیم کو ٹورنامنٹ کی پہلی کامیابی دلائی، وارئیرز نے اسٹیلینز کو سنسنی خیز مقابلے میں چار رنز سے شکست دی۔
Harbhajan Singh handshake with Shahnawaz Dahani.
— Ather (@Atherr_official) November 19, 2025
آخری اوور کے آغاز پر اسٹیلینز 107 رنز پر چار کھلاڑی آؤٹ کے ساتھ جیت کے قریب تھے، لیکن دھانی نے صرف دو رنز دے کر دو وکٹیں حاصل کیں اور میچ کا رخ یکسر بدل دیا، اس کے بعد کپتان ہربھجن سنگھ خود بیٹنگ کے لیے آئے، لیکن آخری دو گیندوں پر درکار چھ رنز پورے نہ کر سکے، وہ آخری گیند پر رن آؤٹ ہوگئے، یوں میچ وارئیرز کے نام رہا۔
میچ کے بعد دونوں ٹیموں کے کھلاڑی روایتی طور پر ہاتھ ملانے کے لیے ایک دوسرے کے پاس آئے، جس میں ہربھجن سنگھ بھی شامل تھے، انہوں نے دھانی کے پاس آکر گرمجوشی سے مصافحہ کیا، جسے دیکھ کر سوشل میڈیا پر خوب چرچا ہوا، مداحوں نے اسے کھیل کی اچھی روح قرار دیا، جب کہ کچھ صارفین نے سابق بھارتی اسپنر کو ان کی پچھلی پالیسیوں کے برعکس رویّے پر تنقید کا نشانہ بنایا۔
واضح رہے کہ ہربھجن سنگھ رواں سال انگلینڈ میں ہونے والے ورلڈ چیمپئن شپ آف لیجنڈز میں بھارت لیجنڈز کا حصہ تھے، جنہوں نے دو مرتبہ پاکستان لیجنڈز کے خلاف کھیلنے سے انکار کیا تھا۔
یاد رہے کہ بھارت اور پاکستان کے درمیان مصافحے کا تنازعہ اس سال کئی مواقع پر سامنے آیا، ایشیا کپ 2025ء میں بھارتی کھلاڑیوں نے تینوں میچوں میں پاکستانی ٹیم کے ساتھ رسمی مصافحہ نہیں کیا، اسی طرح آئی سی سی ویمنز ورلڈ کپ 2025ء میں بھی دونوں ٹیموں کی کپتانوں نے ٹاس کے موقع پر ہاتھ ملانے سے گریز کیا۔
ذریعہ: Daily Mumtaz
کلیدی لفظ: ہربھجن سنگھ
پڑھیں:
نیویارک میئر کی تنخواہ کتنی؟ ظہران ممدانی کی آمدنی نے سوشل میڈیا پر نئی بحث چھیڑ دی
نیویارک سٹی کے نومنتخب میئر ظہران ممدانی کی سالانہ تنخواہ نے سوشل میڈیا پر نئی بحث چھیڑ دی ہے، صارفین نے اسے ’حیرت انگیز طور پر کم‘ قرار دیا ہے۔
سرکاری اعداد و شمار کے مطابق نیویارک سٹی کے میئر کے طور پر ظہران ممدانی سالانہ 258,750 ڈالر تنخواہ حاصل کریں گے۔ انہیں یہ خصوصی سہولت بھی میسر ہوگی کہ وہ شہر کے میئر کی سرکاری رہائش گاہ گریسی مینشن میں بغیر کرایہ ادا کیے رہائش اختیار کرسکیں گے۔
یہ بھی پڑھیں: نیویارک میئر شپ کے امیدوار زہران ممدانی کی پرتعیش شادی تقریب، نظریات پر سوال اٹھنے لگے
شہری حکومت کو جمع کرائی گئی مالیاتی دستاویزات کے مطابق ممدانی کی مجموعی ذاتی دولت کا تخمینہ تقریباً 200,000 ڈالر لگایا جاتا ہے۔
Unpopular opinion: the NYC mayor should make more than an entry level employee in big law/tech. $260k is surprisingly low. https://t.co/hCaj5U0aTm
— Colin (@Colin_d_m) November 16, 2025
ممدانی کی تنخواہ نے سوشل میڈیا پر بحث چھڑ دی ہے، جہاں متعدد صارفین نے کہا کہ نیویارک جیسے بڑے اور معاشی اعتبار سے اہم شہر کے میئر کو اس سے زیادہ تنخواہ ملنی چاہیے۔
ایک صارف نے لکھا کہ ’نیویارک سٹی کے میئر کی تنخواہ بڑی ٹیک یا لا فرم کے انٹری لیول ملازم سے زیادہ ہونی چاہیے۔ 260 ہزار ڈالر واقعی کم ہیں‘۔ ایک اور سوشل میڈیا صارف نے رائے دیتے ہوئے کہا کہ ’اتنے بڑے شہر کو چلانے کے لیے درکار مہارت کے مقابلے میں یہ تنخواہ کم ہے‘۔
یہ بھی پڑھیں: صدر ٹرمپ نے نیویارک کے ممکنہ میئر زہران ممدانی کو دھمکی کیوں دی؟
دیگر صارفین نے بھی اس خیال کا اظہار کیا کہ نیویارک سٹی کی ٹریلین ڈالر معیشت کو دیکھتے ہوئے میئر کی تنخواہ کئی گنا زیادہ ہونی چاہیے، جبکہ ٹیک کاروباری شخصیت وکاس ریڈی نے تجویز دی کہ ’میئر کو کم از کم پانچ ملین ڈالر سالانہ ملنے چاہئیں‘۔
واضح رہے کہ ظہران ممدانی اس ماہ کے اوائل میں ہونے والے میئر کے انتخابات میں کامیاب ہوئے تھے اور جنوری میں عہدہ سنبھالیں گے۔ 34 سالہ ممدانی شہر کے پہلے مسلمان اور گزشتہ ایک صدی کے سب سے کم عمر میئر ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
زہران ممدانی نیو یارک میئر
شیخ زید اسلامک سنٹر، عرب دنیا کا پاکستان کے لیے شاندار تحفہ