ریاض سیزن میں مسٹر بیسٹ کا ’بیسٹ لینڈ‘ زون کھل گیا، لاکھوں ریال کے انعامات
اشاعت کی تاریخ: 14th, November 2025 GMT
ریاض سیزن 2025 میں عالمی شہرت یافتہ یوٹیوبر جمی ڈونالڈسن المعروف مسٹر بیسٹ کے (Beast Land) بیسٹ لینڈ زون کا افتتاح ہو گیا۔ اس موقع پر مسٹر بیسٹ نے اپنے مشہور آن لائن چیلنجز کو حقیقی دنیا میں پیش کیا اور شائقین کے ساتھ بھرپور جشن منایا۔
مزید پڑھیں: ریاض سیزن 2025: تینوں بڑے خانز اور مسٹر بیسٹ ایک ساتھ جمع
تقریب میں بڑی تعداد میں مداح موجود تھے جو مسٹر بیسٹ سے ملنے اور مختلف کھیلوں میں حصہ لینے کے لیے آئے تھے۔ شرکا مختلف چیلنجز میں حصہ لے کر 2 ملین ریال سے زائد کے انعامات جیت سکتے ہیں۔
ہر دن بہترین کارکردگی دکھانے والے شرکا کو کیش انعامات دیے جاتے ہیں، اور سیریز کے اختتام پر سب سے زیادہ پوائنٹس حاصل کرنے والے کو گرینڈ پرائز دیا جائے گا۔ گیمز میں مہارت، رفتار اور چیلنجز کا امتزاج مسٹر بیسٹ کے معروف انداز پر مبنی ہے۔
مزید پڑھیں: ’اب ہم جیسوں کا کیا بنے گا‘، معروف یوٹیوبر مسٹر بیسٹ اے آئی سے خوفزدہ
بیسٹ لینڈ میں تفریح کے مزید مواقع بھی موجود ہیں، جیسے 20 سے زائد فوڈ اور بیوریج آئوٹس اور مختلف انٹرایکٹو سرگرمیاں۔ ریاض سیزن کے یہ زونز شائقین کو کھیل، تفریح اور تخلیقی تجربات کا ایک منفرد موقع فراہم کرتے ہیں، اور سعودی عرب کی تفریحی صنعت میں عالمی معیار کے تجربات پیش کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Beast Land بیسٹ لینڈ زون ریاض سیزن 2025 عالمی شہرت یافتہ یوٹیوبر مسٹر بیسٹ.
ذریعہ
ذریعہ: WE News
کلیدی لفظ: بیسٹ لینڈ زون ریاض سیزن 2025 ریاض سیزن بیسٹ لینڈ
پڑھیں:
جارحیت کی قیمت واشنگٹن کو بہت مہنگی پڑے گی، عباس عراقچی
تہران:ایران نے امریکی صدر ڈونلڈ ٹرمپ کی جانب سے ممکنہ نئی فوجی کارروائی کے اشاروں پر سخت ردعمل دیتے ہوئے خبردار کیا ہے کہ کسی بھی غیر ذمہ دارانہ عسکری اقدام کے نتائج امریکا کے لیے انتہائی مہنگے ثابت ہوں گے۔
ایرانی وزیر خارجہ سید عباس عراقچی نے سوشل میڈیا پلیٹ فارم ایکس پر جاری اپنے بیان میں کہا کہ امریکی انتظامیہ کے بعض بااثر حلقے زمینی حقائق کو نظر انداز کر رہے ہیں اور ان کی توجہ خطے کی موجودہ صورتحال کے بجائے 2028 کے صدارتی انتخابات پر مرکوز دکھائی دیتی ہے۔
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
انہوں نے کہا کہ واشنگٹن میں موجود کچھ عناصر حقیقت پسندانہ انداز میں حالات کا جائزہ لینے کے بجائے ایسے فیصلوں کی حمایت کر رہے ہیں جو خطے میں مزید کشیدگی کو جنم دے سکتے ہیں۔
ان کے بقول اگر امریکہ نے جذباتی یا غیر دانشمندانہ جارحیت کا راستہ اختیار کیا تو اس کی سیاسی اور سفارتی قیمت صدر ٹرمپ کو خود ادا کرنا پڑ سکتی ہے۔
عباس عراقچی کا کہنا تھا کہ طاقت کے استعمال یا دھمکیوں سے مسائل حل نہیں ہوں گے بلکہ اس سے خطے کی صورتحال مزید پیچیدہ اور خطرناک ہو جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا