مقبول احمد گوندل نے آڈیٹر جنرل آف گلگت بلتستان کے عہدے کا حلف اٹھا لیا
اشاعت کی تاریخ: 25th, November 2025 GMT
حلف برداری کی تقریب سپریم اپیلٹ کورٹ گلگت بلتستان میں منعقد ہوئی جس میں چیف جج چیف کورٹ علی بیگ، چیف الیکشن کمشنر راجہ شہباز خان، چیف سیکرٹری گلگت بلتستان ابرار احمد مرزا، انسپکٹر جنرل پولیس افضل محمود بٹ، جوائنٹ سیکرٹری گلگت بلتستان کونسل سدھیر احمد خٹک، سیکرٹری محکمہ اطلاعات دلدار احمد ملک، سپریم اپیلٹ کورٹ کے رجسٹرار، ججز، عملہ اور دیگر اہم شخصیات نے شرکت کی۔ اسلام ٹائمز۔ آڈیٹر جنرل پاکستان مقبول احمد گوندل نے بطور آڈیٹر جنرل گلگت بلتستان حلف اٹھا لیا۔ چیف جج سپریم اپیلٹ کورٹ گلگت بلتستان جسٹس سردار محمد شمیم خان نے ایک پروقار تقریب میں ان سے حلف لیا۔ حلف برداری کی تقریب سپریم اپیلٹ کورٹ گلگت بلتستان میں منعقد ہوئی جس میں چیف جج چیف کورٹ علی بیگ، چیف الیکشن کمشنر راجہ شہباز خان، چیف سیکرٹری گلگت بلتستان ابرار احمد مرزا، انسپکٹر جنرل پولیس افضل محمود بٹ، جوائنٹ سیکرٹری گلگت بلتستان کونسل سدھیر احمد خٹک، سیکرٹری محکمہ اطلاعات دلدار احمد ملک، سپریم اپیلٹ کورٹ کے رجسٹرار، ججز، عملہ اور دیگر اہم شخصیات نے شرکت کی۔ تقریب کی نظامت رجسٹرار سپریم اپیلٹ کورٹ عاقل حسن چوہان نے کی۔ تقریب کا آغاز تلاوتِ کلامِ پاک سے ہوا۔حلف برداری کے بعد معزز مہمانوں نے نئے آڈیٹر جنرل کو مبارکباد پیش کی اور ان کی پیشہ ورانہ ذمہ داریوں کی کامیاب انجام دہی کے لیے نیک خواہشات کا اظہار کیا۔ شرکاء نے امید ظاہر کی کہ نئے آڈیٹر جنرل مالی نظم و ضبط، شفافیت اور احتساب کے عمل کو مزید مستحکم کریں گے۔
واضح رہے کہ مقبول احمد گوندل فی الوقت آڈیٹر جنرل پاکستان کے عہدے پر بھی براجمان ہیں۔ حلف اٹھانے کے بعد آڈیٹر جنرل گلگت بلتستان نے گورنر گلگت بلتستان سید مہدی شاہ اور فورس کمانڈر گلگت بلتستان سے ملاقاتیں کیں۔ اپنے دورہ گلگت کے موقع پر آڈیٹر جنرل پاکستان نے آڈیٹر جنرل آفس گلگت بلتستان میں نصب جدید سولرائزیشن سسٹم کا افتتاح کیا اور محکمے کی جانب سے منعقدہ پروقار تقریب سے خطاب کیا۔ اس موقع پر اکاؤنٹنٹ جنرل گلگت بلتستان محمد لقمان نے آڈیٹر جنرل آف پاکستان مقبول احمد گوندل کی آمد پر خوش آمدید کہا اور ادارے کی مجموعی کارکردگی کے حوالے سے تفصیلی بریفنگ دی۔ ڈائریکٹر جنرل آڈٹ ساجد محمود راجہ نے بھی تقریب سے خطاب کیا۔ آڈیٹر جنرل آف پاکستان نے اپنے خطاب میں آڈیٹر جنرل آفس گلگت بلتستان کی ڈیجیٹلائزیشن، ڈیجیٹل پے منٹس، آن لائن ٹوکن سسٹم، جی پی فنڈز کی اپ ڈیٹس، آل پینشنرز آئی بینک، آئی ٹی انفراسٹرکچر کی اپ گریڈیشن اور ای آفس پراجیکٹس کی زبردست تعریف کی اور تمام عملے کو شاندار کارکردگی پر مبارکباد دی۔
ذریعہ
ذریعہ: Islam Times
کلیدی لفظ: سیکرٹری گلگت بلتستان مقبول احمد گوندل آڈیٹر جنرل
پڑھیں:
گلگت بلتستان سی پیک کا مرکز ہے: نواز شریف
مسلم لیگ ن کے صدر نواز شریف —فائل فوٹومسلم لیگ ن کے صدر نواز شریف کا کہنا ہے کہ گلگت بلتستان سی پیک کا مرکز ہے، کسی پارٹی نے یہاں کسی منصوبے کی اینٹ بھی نہیں لگائی، جس جی بی کو میں سینے سے لگا کر رکھتا تھا۔
گلگت میں کارکنوں سے خطاب کرتے ہوئے انہوں نے کہا ہے کہ ایئر پورٹ کے باہر اس کی سڑکوں کا حلیہ دیکھا تو افسوس ہوا، جو منصوبے ہم نے شروع کیے تھے وہ مکمل کیوں نہیں ہوئے؟ آخر وہ پیسہ کہاں لگایا گیا؟
نواز شریف کا کہنا ہے کہ جو سڑک میں نے شروع کی اسے خنجراب تک پہنچنا چاہیے تھا، ووٹ ملتا ہے یا نہیں، اللّٰہ جانتا ہے، ہم آپ کو ان چیزوں سے محروم نہیں کر سکتے۔
اجلاس میں وزیر اعظم شہباز شریف، وزیراعلیٰ پنجاب مریم نواز اور حمزہ شہباز سمیت پارٹی کے پارلیمانی رہنماؤں نے شرکت کی۔
انہوں نے کہا کہ آپ ووٹ دیں گے یا نہیں دیں گے، میں تب بھی آپ کے لیے بات کروں گا، شہباز شریف اور مریم نواز دونوں کو کہوں گا کہ یہاں آئیں، ایئر پورٹ کو بڑا کر کے یہاں بوئنگ طیارے آنے چاہیے تھے۔
ان کا کہنا ہے کہ شہباز شریف سے کہوں گا کہ ایئر پورٹ کو بڑا کریں گے، میں ہر دوسرے تیسرے مہینے یہاں آتا جاتا رہوں گا اور منصوبوں کی نگرانی کروں گا۔
اس سے قبل نواز شریف بذریعہ طیارہ گلگت پہنچے تھے، وفاقی وزیر امیر مقام، سابق وزیرِ اعلیٰ حافظ حفیظ الرحمٰن نے ایئر پورٹ پر ان کا استقبال کیا۔
وفاقی وزراء خواجہ آصف، احسن اقبال، رانا ثناء اللّٰہ، سینیٹر پرویز رشید، پنجاب کی وزیر مریم اورنگزیب، سینیٹر انوشہ رحمٰن، کاظم پیرزادہ نواز شریف کے ہمراہ گلگت پہنچے ہیں۔
ترجمان مسلم لیگ ن شمس میر کے مطابق نواز شریف گلگت بلتستان میں ن لیگ کے امیدواروں، صوبائی، ڈویژنل اور ضلعی عہدیداران سے ملاقاتیں اور خطاب کریں گے۔
واضح رہے کہ گلگت بلتستان اسمبلی کی 24 نشستوں پر الیکشن 7 جون کو ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ