جی بی کے نگران وزیر اعلیٰ کی تقرری پر تحریک انصاف کا سخت ردعمل
اشاعت کی تاریخ: 25th, November 2025 GMT
پارٹی ترجمان نے کہا کہ خوفِ عمران خان اور خوفِ خالد خورشید کے باعث ایک سادہ اور آئینی تقرری کا عمل بھی جان بوجھ کر متنازعہ و مضحکہ خیز بنایا گیا۔ ترجمان کے مطابق یہ وہی سلسلہ ہے جس کا آغاز جولائی 2023ء میں جی بی اسمبلی پر قبضے اور جمہوری عمل پر شب خون مارنے سے ہوا تھا۔ اسلام ٹائمز۔ پاکستان تحریک انصاف گلگت بلتستان نے جی بی کے نگران وزیر اعلیٰ کی تقرری کے حالیہ عمل پر اہم ردعمل دیتے ہوئے کہا ہے کہ نون لیگ، پیپلز پارٹی اور منحرفین کے ٹولے نے گلگت بلتستان میں سیاست اور حکمرانی کو ایک بار پھر سنگین مذاق بنا دیا ہے۔ پارٹی ترجمان نے کہا کہ خوفِ عمران خان اور خوفِ خالد خورشید کے باعث ایک سادہ اور آئینی تقرری کا عمل بھی جان بوجھ کر متنازعہ و مضحکہ خیز بنایا گیا۔ ترجمان کے مطابق یہ وہی سلسلہ ہے جس کا آغاز جولائی 2023ء میں جی بی اسمبلی پر قبضے اور جمہوری عمل پر شب خون مارنے سے ہوا تھا، جب خطے کو ایک ہفتے تک بغیر چیف ایگزیکٹو کے چھوڑ دیا گیا تھا۔ ترجمان نے کہا کہ موجودہ صورتحال جی بی جیسے حساس خطے کے ساتھ غیر سنجیدہ طرزِ عمل، بدانتظامی اور وفاقی حکومت و ان کے مقامی نون لیگ و پی پی سہولت کاروں کی نااہلی کو واضح کرتی ہے۔ بیان میں کہا گیا کہ گزشتہ تین برسوں میں پورا گلگت بلتستان بدترین سیاسی انتقام کا شکار رہا، عوام کے ووٹ سے بنی پی ٹی آئی حکومت کو گرایا گیا۔
بیان میں کہا گیا کہ استور ضمنی انتخاب چرایا گیا۔ سابق وزیراعلیٰ خالد خورشید سمیت پارٹی رہنماؤں اور کارکنوں کو بے بنیاد مقدمات اور انتقامی کارروائیوں کا سامنا کرنا پڑا۔ پی ٹی آئی گلگت بلتستان نے نو مقرر نگران وزیر اعلیٰ کے بارے میں کہا کہ چونکہ ان کا تعلق ماضی میں نظامِ عدل سے ہے، اس لیے یہ ان کے لیے تاریخی موقع ہے کہ وہ جی بی میں شفاف، غیرجانبدار اور قانونی تقاضوں کے مطابق انتخابات کروا کر پورے پاکستان کے لیے ایک مثبت و اعلی مثال قائم کریں۔ بیان میں کہا گیا کہ موجودہ قومی حالات کے پیش نظر پوری عوام گلگت بلتستان سخت مطالبہ کرتی ہے کہ نو مقرر وزیر اعلیٰ بلا خوف و دباؤ اپنی آئینی و قانونی ذمہ داریاں نبھائیں اور پاکستان کی طرح جی بی انتخاب چرانے کے خواہاں سیاسی پارٹیوں اور ان کو ہانکنے والی طاقتوں کے مددگار نہ بنے آخر میں ترجمان نے کہا کہ عہدے اور پروٹوکول عارضی ہوتے ہیں۔ وقت اور نومقرر نگران وزیراعلیٰ کا عملی کردار ہی طے کرے گا کہ وہ تاریخ کے کس پلڑے میں جگہ بناتے ہیں۔
ذریعہ: Islam Times
کلیدی لفظ: ترجمان نے کہا کہ گلگت بلتستان وزیر اعلی میں کہا
پڑھیں:
سابق وزیر اعلیٰ گلگت بلتستان نے جاتے جاتے کرپشن کیس کی تحقیقات روکنے کی ہدایت کر دی
اینٹی کرپشن ڈیپارٹمنٹ کو لکھے گئے ایک مراسلے میں کہا گیا ہے کہ وزیراعلیٰ گلگت بلتستان نے اینٹی کرپشن اسٹیبلشمنٹ رولز 2019ء کے رول 21 کو بروئے کار لانے کی منظوری دی ہے، جس کے تحت اینٹی کرپشن کو ہدایت کی گئی ہے کہ وہ سونی جواری سینٹر آف پبلک پالیسی سے متعلق تمام تحقیقات یا انکوائریاں فی الفور روک دے۔ اسلام ٹائمز۔ وزیر اعلیٰ سیکرٹریٹ گلگت بلتستان نے اینٹی کرپشن کو ہدایت کی ہے کہ وہ سونی جواری سینٹر آف پبلک پالیسی سے متعلق تحقیقات روک دے۔ اینٹی کرپشن ڈیپارٹمنٹ کو لکھے گئے ایک مراسلے میں کہا گیا ہے کہ وزیراعلیٰ گلگت بلتستان نے اینٹی کرپشن اسٹیبلشمنٹ رولز 2019ء کے رول 21 کو بروئے کار لانے کی منظوری دی ہے، جس کے تحت اینٹی کرپشن کو ہدایت کی گئی ہے کہ وہ سونی جواری سینٹر آف پبلک پالیسی سے متعلق تمام تحقیقات یا انکوائریاں فی الفور روک دے۔ مراسلے میں کہا گیا کہ چیف منسٹر آفس بطور ایپکس ادارہ انتظامی و مالی شفافیت کو یقینی بناتا ہے اور قواعد و ضوابط کی سختی سے پاسداری کرتا ہے، اس لیے متعلقہ ادارے سے تحقیقات روکنے کی استدعا کی جاتی ہے۔ یاد رہے کہ محکمہ اینٹی کرپشن نے سونی جواری سینٹر آف پبلک پالیسی میں مبینہ بد انتظامیوں اور بدعنوانیوں کی تحقیقات شروع کی تھی تاہم سابق وزیر اعلیٰ نے جاتے جاتے اس انکوائری کو روکنے کی ہدایت جاری کر دی۔
چمن میں دہشت گردوں کا پولیس چیک پوسٹ پر حملہ، انچارج شہید