پاکستانیوں کے لیے بڑی خوشخبری، آسٹریلیا کا ویزا اب مزید آسان ہوگیا
اشاعت کی تاریخ: 26th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستانیوں کے لیے بڑی خوشخبری سامنے آئی ہے، جس کے مطابق آسٹریلیا کا ویزا اب مزید آسان ہوگیا ہے۔
خبر رساں اداروں کے مطابق پاکستانی شہریوں کے لیے بیرون ملک سفر خصوصاً ترقی یافتہ ممالک کے ویزا حصول ہمیشہ سے ایک مشکل اور وقت طلب مرحلہ رہا ہے، لیکن آسٹریلین ہائی کمیشن نے اس مسئلے کو کم کرنے کی ایک بڑی پیش رفت کرتے ہوئے ویزا پراسیسنگ کو پہلے سے کہیں زیادہ آسان بنا دیا ہے۔
ہائی کمیشن کے مطابق اب پاکستان میں مقیم وہ تمام افراد جو آسٹریلیا کا ویزا حاصل کرنا چاہتے ہیں، ایک نئی متعارف کردہ موبائل ایپ کے ذریعے اپنی درخواست اور بائیومیٹرکس گھر بیٹھے جمع کرا سکتے ہیں۔ یہ سہولت نہ صرف وقت بچاتی ہے بلکہ درخواست گزاروں کو بائیومیٹرک سینٹر تک جانے کی جھنجٹ سے بھی آزاد کر دیتی ہے۔
یہ نئی ایپ 2024 میں تیار کی گئی تھی اور ایشیا و بحرالکاہل کے متعدد ممالک میں کامیابی سے استعمال ہو رہی ہے، جہاں ہزاروں افراد اسے آزما کر ویزا پراسیسنگ کو بغیر کسی رکاوٹ کے مکمل کر چکے ہیں۔
اس ایپ کا دائرہ کار اب پاکستان تک بھی بڑھا دیا گیا ہے، جس کے بعد پاکستانی درخواست گزار بغیر کسی اضافی خرچ یا سفر کے اپنی معلومات براہِ راست آسٹریلین ادارے کو بھیج سکیں گے۔ ہائی کمیشن نے واضح کیا ہے کہ اس سہولت سے وہ تمام لوگ فائدہ اٹھا سکتے ہیں جنہوں نے ماضی میں آسٹریلین حکام کو بائیومیٹرکس فراہم کیے ہوں اور ان کے پاسپورٹ درست حالت میں ہوں۔
ترجمان کے مطابق درخواست گزاروں کو اپنے موبائل فون کے ذریعے چہرے کی تصویر اور پاسپورٹ کی تفصیلات اپ لوڈ کرنا ہوں گی اور یہ معلومات براہِ راست آسٹریلین سسٹم تک پہنچ جائیں گی۔ اس طرح انہیں طویل قطاروں، ٹوکن سسٹم اور سینٹر جانے کے لیے اضافی اخراجات کا سامنا نہیں کرنا پڑے گا۔
سفارتخانے کا کہنا ہے کہ پاکستان میں بڑی تعداد ایسے شہریوں کی ہے جو تعلیم، سیاحت، روزگار اور خاندانی وجوہات کی بنیاد پر آسٹریلیا سفر کرنا چاہتے ہیں، اس لیے یہ ایپ ان کے لیے ایک بڑی سہولت ثابت ہوگی۔
پاکستان میں تعینات آسٹریلوی ہائی کمشنر ٹموتھی کین نے کہا کہ یہ ٹیکنالوجی پاکستانی شہریوں کے لیے وقت اور پیسے دونوں کی بچت کرتی ہے۔ اب یہ ممکن ہے کہ ایک شخص گھر بیٹھے ہی اپنے ویزا پراسیس کا سب سے اہم مرحلہ مکمل کر دے اور یہ سہولت ان مسافروں، طلبہ اور ورک ویزا اپلائی کرنے والوں کے لیے بھی یکساں فائدہ مند ہے جن کے پاس سینٹر جانے کے لیے وقت نکالنا مشکل ہوتا ہے۔
انہوں نے کہا کہ آسٹریلیا اس عمل کو مزید جدید بنانے کے لیے مسلسل اقدامات کر رہا ہے تاکہ دنیا بھر کے لوگ اس سہولت سے یکساں فائدہ اٹھا سکیں۔
یہ ایپ اس وقت 34 ملکوں میں فعال ہے جب کہ مزید ممالک مشرقِ وسطیٰ، افریقا، لاطینی امریکا اور یورپ میں بھی اس نظام سے منسلک ہو رہے ہیں۔ آسٹریلیا کا منصوبہ ہے کہ 2026 کے اوائل تک اس ایپ کو عالمی سطح پر مکمل طور پر فعال کر دیا جائے، جس کے بعد ویزا پراسیسنگ دنیا بھر میں ایک جدید اور ڈیجیٹل شکل اختیار کر لے گی۔
ہائی کمشنر نے پاکستانی شہریوں پر زور دیا کہ اگر وہ اہل ہیں تو اس سہولت سے ضرور فائدہ اٹھائیں کیونکہ یہ محفوظ، تیز رفتار اور انتہائی سہل طریقہ ہے جو ویزا کے حصول کو نئی سمت دے رہا ہے۔
.
ذریعہ
ذریعہ: Jasarat News
کلیدی لفظ: آسٹریلیا کا کے مطابق کے لیے
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا