ستھرا پنجاب کا صفائی کا ماڈل برطانیہ کے شہر برمنگھم تک پہنچ گیا
اشاعت کی تاریخ: 13th, December 2025 GMT
لاہور(نیوز ڈیسک)وزیر اعلیٰ پنجاب مریم نواز شریف کے ’ستھرا پنجاب‘ پروگرام کو عالمی سطح پر ایک اور بڑی پذیرائی مل گئی ہے۔ کاپ 30 کے بعد فوربز، بلوم برگ اور اب بی بی سی نے بھی ستھرا پنجاب کے جدید ویسٹ مینجمنٹ ماڈل کو سراہا ہے۔
بی بی سی کے مطابق ستھرا پنجاب کا صفائی کا ماڈل برطانیہ کے شہر برمنگھم تک پہنچ گیا ہے، جہاں تاریخ میں پہلی بار کسی برطانوی شہر کے والنٹیئرز گروپ نے صفائی کے لیے پنجاب سے رہنمائی حاصل کی۔ رپورٹ کے مطابق وزیر اعلیٰ مریم نواز شریف کا ستھرا پنجاب ماڈل برطانیہ میں بھی ایک ماڈل بن چکا ہے۔
بی بی سی کا کہنا ہے کہ برمنگھم میں اُبلتے کوڑے دانوں اور بار بار ہونے والی ہڑتالوں کے مسائل کے حل میں ستھرا پنجاب ماڈل مؤثر ثابت ہوا۔ پنجاب کے ماہرین اور برمنگھم کے رضاکاروں کے درمیان ڈیجیٹل پارٹنرشپ نے کئی مفروضے بدل دیے۔
رپورٹ کے مطابق پنجاب کا ویسٹ مینجمنٹ پلان ’ستھرا پنجاب‘ دنیا بھر کے اداروں کے لیے قابلِ تقلید مثال بن چکا ہے۔ برطانوی والنٹیئرز کا کہنا ہے کہ پنجاب سے سیکھ کر احساس ہوا کہ ہم مغرب میں رہ کر بھی ذمہ داری سے پیچھے رہ گئے ہیں۔
بی بی سی کے مطابق برطانیہ کے لوکل والنٹیئرز نے ستھرا پنجاب سے آن لائن مشاورت کی۔ برطانیہ کے والنٹیئرز گروپ اور ستھرا پنجاب کے درمیان پہلا رابطہ ماحولیاتی کانفرنس COP-30 کے دوران برازیل میں ہوا، جہاں پاکستان پویلین پر ’ستھرا پنجاب‘ پروگرام کی تفصیلات پیش کی گئیں۔
رپورٹ کے مطابق لاہور ویسٹ مینجمنٹ کمپنی کے سی ای او بابر صاحب دین نے برمنگھم کے رضاکاروں کے ساتھ ایک آن لائن اجلاس کیا، جس میں پنجاب کے ماڈل اور مقامی مسائل کے حل سے متعلق برطانیہ کو رہنمائی فراہم کی گئی۔
بی بی سی کے مطابق پنجاب کے جدید ویسٹ مینجمنٹ سسٹم ’ستھرا پنجاب‘ کو بین الاقوامی سطح پر بھرپور پذیرائی مل رہی ہے۔ دوسری جانب عالمی جریدے بلوم برگ نے ستھرا پنجاب کے ویسٹ ٹو ویلیو پراجیکٹ کو ایک اہم منصوبہ قرار دیا ہے۔
بلوم برگ کے مطابق ستھرا پنجاب منصوبہ ماحول دوست سرگرمیوں کے ذریعے پنجاب کی معیشت میں سالانہ 300 ارب روپے کا اضافہ کر رہا ہے۔
.ذریعہ: Daily Mumtaz
کلیدی لفظ: ویسٹ مینجمنٹ ستھرا پنجاب برطانیہ کے پنجاب کے کے مطابق
پڑھیں:
دہلی اسموگ کی لپیٹ میں، کئی علاقوں میں فضائی معیار ’شدید‘ درجے تک پہنچ گیا
بھارتی دارالحکومت دہلی اور اس کے گرد و نواح کے علاقوں کے رہائشیوں کو آج کل صبح اسموگ کی دبیز تہہ کا سامنا ہے، کیونکہ شہر کا مجموعی فضائی معیار ’خطرناک حد‘ کے قریب پہنچ گیا۔
سینٹرل پولیوشن کنٹرول بورڈ کے اعداد و شمار کے مطابق صبح 8 بجے مجموعی ایئر کوالٹی انڈیکس 390 ریکارڈ کیا گیا، جو کہ ’انتہائی خراب‘ کے زمرے میں آتا ہے، تاہم، قومی دارالحکومت کے کئی علاقوں میں فضائی معیار “شدید” درجے تک پہنچ چکا تھا۔
یہ بھی پڑھیں:
دہلی کے آنند وہار میں 436، براری کراسنگ 415، چاندنی چوک 419، غازی پور 419، جہانگیر پوری 442، آر کے پورم 404 اور روہنی 436 شامل ہیں۔
Smog Engulfs Parts Of Delhi#smog #delhi #DelhiNews #visibility #NewsUpdate #thesaveratimes pic.twitter.com/9tfhiFGEf1
— The Savera Times (@thesavera_times) December 13, 2025
حالیہ ویک اینڈ پر دہلی کے متعدد علاقوں میں اسموگ اور ہلکی دھند کے امتزاج نے علی الصبح حدِ نگاہ کو بہت کم کردیا تھا، ایئر کوالٹی انڈیکس کی درجہ بندی کے مطابق 0 سے 50 تک ’اچھی‘، 51 سے 100 ’اطمینان بخش‘، 101 سے 200 ’درمیانی‘، 201 سے 300 ’خراب‘، 301 سے 400 ’انتہائی خراب‘ اور 401 سے 500 ’شدید‘ سمجھی جاتی ہے۔
سینٹرل پولیوشن کنٹرول بورڈ کے مطابق یہ تمام درجے آلودگی کی سطح اور اس سے جڑے صحت کے خطرات کی عکاسی کرتے ہیں۔
مزید پڑھیں:
سردیوں کے موسم میں دہلی کے کئی حصوں میں خطرناک سطح کی فضائی آلودگی معمول بنتی جا رہی ہے۔ ہفتے کا مجموعی ایئر کوالٹی انڈیکس، جو کہ ’انتہائی خراب‘ کے زمرے میں ہے، طویل عرصے تک اس ماحول میں رہنے کی صورت میں صحت مند افراد میں بھی سانس کی بیماریوں کا خطرہ بڑھا دیتا ہے۔
دہلی ایئرپورٹ کی ایڈوائزریدہلی ایئرپورٹ نے سوشل میڈیا پلیٹ فارم ایکس پر ایک بیان میں کہا کہ دہلی ایئرپورٹ پر کم حدِ نگاہ کے طریقۂ کار نافذ ہیں، فی الحال تمام پروازوں کی آمد و رفت معمول کے مطابق جاری ہے۔
’اس وقت تمام پروازیں معمول کے مطابق چل رہی ہیں، مسافروں سے درخواست ہے کہ تازہ ترین پرواز کی معلومات کے لیے اپنی متعلقہ ایئرلائن سے رابطہ کریں۔‘
گزشتہ ہفتے یعنی جمعے کے روز بھی دہلی اسموگ کی موٹی تہہ میں لپٹی رہا، جہاں مجموعی ایئرکوالٹی انڈیکس 386 ریکارڈ کیا گیا، غازی پور اور آنند وہار جیسے علاقوں میں شدید دھند دیکھی گئی، جس کے باعث حدِ نگاہ انتہائی کم رہی۔
حالیہ ہفتوں میں معمولی بہتری کے باوجود بھارتی دارالحکومت کے بڑے حصے اب بھی زہریلے اور گھنے اسموگ کی لپیٹ میں ہیں، بگڑتی ہوئی فضائی صورتحال نے سیاسی جماعتوں کے درمیان لفظی جنگ بھی چھیڑ دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسموگ ایئر کوالٹی انڈیکس پلیٹ فارم دہلی ایئرپورٹ سوشل میڈیا
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر