حکومتی رہنما مذاکرات ناکام بنانے کی ہرممکن کوشش کررہے ہیں، اسد قیصر
اشاعت کی تاریخ: 11th, January 2025 GMT
پشاور:پی ٹی آئی رہنما اور سابق اسپیکر قومی اسمبلی اسد قیصر نے خواجہ آصف اور مریم نواز کے حالیہ بیانات پر سخت ردعمل دیتے ہوئے کہا ہے کہ حکومتی رہنما مذاکرات کے عمل کو ناکام بنانے کی ہر ممکن کوشش کر رہے ہیں۔ انہوں نے دعویٰ کیا کہ حکومت کی جانب سے مذاکرات سے متعلق متضاد بیانات دیے جا رہے ہیں، جو ان کی نیت پر سوالیہ نشان ہیں۔
انہوں نے کہا کہ ہم مظلوم ہیں، ہمیں بنیادی حقوق سے محروم رکھا گیا ہے۔ ہمارے ساتھ ظلم روا رکھا گیا ہے۔انہوں نے الزام لگایا کہ 26 نومبر کو پی ٹی آئی کے کارکنوں کو اپنے بنیادی حقوق سے محروم کیا گیا اور نہتے شہریوں پر گولیاں چلائی گئیں۔
اسد قیصر نے 9 مئی کے واقعات پر حکومتی رویے کو تنقید کا نشانہ بناتے ہوئے کہا کہ اس معاملے میں پی ٹی آئی کے ساتھ غیرمنصفانہ سلوک کیا گیا ہے۔ سویلینز کو ملٹری کورٹس میں سزائیں دینا کسی صورت قبول نہیں۔ پی ٹی آئی کے کارکنوں کو ملٹری کورٹس کے ذریعے سزا دی گئی، جو آئین اور قانون کی خلاف ورزی ہے۔
انہوں نے بانی پی ٹی آئی پر لگائے گئے الزامات کو مسترد کرتے ہوئے کہا کہ حکومت نے ملاقات کرانے کا وعدہ کیا تھا، لیکن اب مختلف حیلے بہانے کیے جا رہے ہیں۔ ہم نہ کسی خوف میں مبتلا ہیں اور نہ ہی کسی سے ڈرتے ہیں۔ اگر ہم نے لچک دکھائی ہے تو وہ صرف پاکستان کے مفاد میں ہے۔
اپنے بیان میں انہوں نے کہا کہ پوری قوم بانی پی ٹی آئی کے ساتھ کھڑی ہے اور ان کی قیادت پر مکمل اعتماد رکھتی ہے۔ انہوں نے خواجہ آصف اور مریم نواز کے بیانات پر مایوسی کا اظہار کرتے ہوئے کہا کہ ایسے بیانات مذاکراتی عمل کو نقصان پہنچانے کی دانستہ کوشش ہیں۔
اسد قیصر نے حکومت پر زور دیا کہ آئین کی حکمرانی کو یقینی بنایا جائے اور تمام شہریوں کو ان کے بنیادی حقوق فراہم کیے جائیں۔ انہوں نے کہا کہ پی ٹی آئی پاکستان کی ترقی کے لیے ہر ممکن تعاون کرنے کو تیار ہے، بشرطیکہ حکومت اپنی ذمہ داریاں پوری کرے۔
.
ذریعہ: Al Qamar Online
کلیدی لفظ: پاکستان کھیل پی ٹی آئی کے ہوئے کہا انہوں نے کہ حکومت کہا کہ
پڑھیں:
پی ٹی آئی رہنما جنید اکبر کی مبینہ آڈیو لیک، علی امین گنڈاپور پر سنگین الزامات
اسلام آباد (نیوز ڈیسک) پاکستان تحریک انصاف کے رہنما جنید اکبر کی مبینہ آڈیو لیک سامنے آگئی ہے جس میں انہوں نے پارٹی کے اندرونی حالات پر سنگین انکشافات کیے ہیں۔ آڈیو میں جنید اکبر نے کہا کہ حالات اب ناقابل برداشت ہوچکے ہیں اور تمام ایم پی ایز مایوسی کا شکار ہیں لیکن کوئی بھی براہ راست عمران خان تک اپنی شکایات نہیں پہنچا سکتا کیونکہ انہیں مسلسل دبایا جا رہا ہے۔
مبینہ آڈیو میں جنید اکبر نے دعویٰ کیا کہ پارٹی کے اندر سب کو علم ہے کہ عاطف خان اور شیر علی ارباب کو اس لیے ہٹایا گیا کیونکہ انہوں نے علی امین گنڈاپور کی کرپشن پر سوال اٹھائے تھے۔
انہوں نے الزام عائد کیا کہ ڈیرہ اسماعیل خان کے موجودہ حالات کے ذمہ دار علی امین گنڈاپور ہیں جو مبینہ طور پر ٹی ٹی پی کو مسلسل بھتہ دے رہے ہیں، جبکہ عام لوگ ہر روز خوف میں زندگی گزارنے پر مجبور ہیں۔
جنید اکبر نے مزید کہا کہ شکیل احمد خان کے استعفے کے بعد یہ بات کھل کر سامنے آئی ہے کہ ساڑھے چھ ارب روپے کے ترقیاتی منصوبوں میں علی امین گنڈاپور 20 فیصد تک کمیشن وصول کرتے رہے ہیں، جبکہ دو سو ملین روپے براہ راست ان کی جیب میں گئے۔
انہوں نے مزید دعویٰ کیا کہ گورنر فیصل کریم کنڈی نے یہ بات انہیں خود بتائی ہے اور کابینہ کے دیگر ارکان بھی یہی مؤقف رکھتے ہیں۔ ان کے مطابق ہر پوسٹنگ اور ٹرانسفر میں بھاری رشوت لی جاتی ہے اور وہ تمام رقم وزیراعلیٰ کو پہنچتی ہے۔
سیاسی ماہرین کے مطابق اگر یہ آڈیو درست ثابت ہوتی ہے تو یہ خیبرپختونخوا کی سیاست اور پی ٹی آئی کے اندرونی معاملات پر گہرے اثرات ڈال سکتی ہے۔
گھر کا بھیدی
لنکا ڈھائے
pic.twitter.com/ZKQBUTPaAZ
— Murtaza Solangi (@murtazasolangi) July 26, 2025
Post Views: 5
آزاد کشمیر الیکشن، ن لیگ نے مشاورتی کمیٹی قائم کر دی