ملالہ یوسفزئی دنیا بھر کی لڑکیوں کیلئے رول ماڈل ہیں، یوسف رضا گیلانی
اشاعت کی تاریخ: 12th, January 2025 GMT
چیئرمین سینیٹ یوسف رضا گیلانی نے کہا ہے کہ ملالہ یوسفزئی تعلیم سے متعلق دنیا بھر کی لڑکیوں کےلیے رول ماڈل ہیں۔
اسلام آباد میں انٹرنیشنل ایجوکیشن کانفرنس سے خطاب میں یوسف رضا گیلانی نے کہا کہ مسلم ورلڈ لیگ کا شکرگزار ہوں، جنہوں نے ہمیں اکٹھا کیا۔
انہوں نے کہا کہ تعلیم ترقی کی کنجی ہے، ہمارے مذہبی عقائد بھی ہمیں تعلیم کی اہمیت سے روشناس کرواتے ہیں، کانفرنس میں شریک تمام شرکا اور مندوبین کو خوش آمدید کہتا ہوں۔
چیئرمین سینیٹ نے مزید کہا کہ صدر آصف زرداری نے کانفرنس کے شرکاء کےلیے نیک خواہشات کا اظہار کیا ہے، دنیا بھر سے آئے ماہرین تعلیم اور سفارتکاروں کو خوش آمدید کہتا ہوں۔
اُن کا کہنا تھا کہ ملالہ یوسفزئی کا شکرگزار ہوں، جنہوں نے کانفرنس میں شرکت کی، یہ تعلیم سے متعلق دنیا بھر کی لڑکیوں کےلیے رول ماڈل ہیں۔
یوسف رضا گیلانی نے یہ بھی کہا کہ میڈیا اور آئی ٹی کا خواتین کی تعلیم کے فروغ میں اہم کردار ہے، لڑکیوں کی تعلیم کو درپیش چیلنجز کے حوالے سے کانفرنس کا انعقاد بہت اہم ہے۔
انہوں نے کہا کہ خواتین کو بااختیار بنانے اور بہتر مستقبل کےلیے تعلیم کی اہمیت سے انکار نہیں کیا جاسکتا، کانفرنس کی سفارشات لڑکیوں کی تعلیم کےلیے پالیسی سازی میں اہم ثابت ہوں گی۔
چیئرمین سینیٹ نے کہا کہ حضور پاک صلی اللّٰہ علیہ وآلہ وسلم کا فرمان ہے کہ علم حاصل کرنا ہر ایک پر فرض ہے، قائداعظم محمد علی جناح نے بھی تعلیم کی اہمیت اور حصول پر زور دیا۔
ان کا کہنا تھا کہ مسلم اور عالمی برادری بذریعہ تعلیم لڑکیوں کو بااختیار بنانے کے عزم کی تجدید کریں، کسی بھی معاشرے کا مستقبل اس کے نوجوانوں بالخصوص لڑکیوں کی تعلیم میں مضمر ہے۔
یوسف رضا گیلانی نے کہا کہ پڑھی لکھی اور خواندہ خواتین پائیدار اور خوشحال معاشرے کی بنیاد ہیں، تاریخ ہمیں یاد دلاتی ہے کہ تعلیم یافتہ مسلم خواتین نے معاشروں کی تشکیل میں اہم کردار ادا کیا۔
انہوں نے کہا کہ پاکستان نہ صرف ایک پالیسی بلکہ ایک ترجیح کے طور پر بچیوں کی تعلیم کےلیے پُرعزم ہے، ہم اس وقت تک نہیں رکیں گے جب تک پاکستان کی ہر بچی کو سیکھنے کا موقع نہیں مل جاتا۔
چیئرمین سینیٹ نے کہا کہ 2011 میں بطور وزیراعظم مجھے ملالہ کو بہادری پر نیشنل یوتھ پیس پرائز دینے کا اعزاز حاصل ہوا تھا۔
ان کا کہنا تھا کہ خواتین کی شمولیت کے بغیر پائیدار ترقی ممکن نہیں ہے۔بطور چیئرمین سینیٹ میں ہر بچے خصوصاً لڑکیوں کو بذریعہ تعلیم بااختیار بنانے کےلیے پُرعزم ہوں، لڑکیوں کی تعلیم کے مقصد کو آگے بڑھانے کیلئے ہمیں ایک جامع نقطہ نظر اپنانا ہوگا۔
یوسف رضا گیلانی نے کہا کہ شہید محترمہ بےنظیر بھٹو مسلم دنیا کی پہلی خاتون وزیراعظم تھیں، نامور مسلم خواتین تعلیم کے شعبے کےلیے بہترین اداروں کا قیام عمل میں لائیں۔
انہوں نے کہا کہ صنفی امتیاز سے بالاتر ہوکر سوچنا ہوگا، ہر لڑکی کے حصول تعلیم تک حکومت اپنا مشن جاری رکھے گی۔
.ذریعہ: Jang News
کلیدی لفظ: لڑکیوں کی تعلیم انہوں نے کہا کہ چیئرمین سینیٹ کی تعلیم کے دنیا بھر
پڑھیں:
آئی فون کے نئے ماڈل کی لانچ کے ساتھ دنیا بھر میں اسکیمرز بھی سر گرم
کراچی(اُردو پوائنٹ اخبارتازہ ترین - این این آئی۔ 16 ستمبر2025ء) ایپل کے نئے آئی فون 17 کی پری آرڈرز شروع ہی سائبر مجرموں نے عالمی سطح پر دھوکہ دہی کی مہمات تیز کر دیں۔ کیسپرسکی کے مطابق جعلی ویب سائٹس، فرضی لاٹریوں اور جھوٹی ٹیسٹر' اسکیموں کے ذریعے صارفین کا ذاتی اور مالی ڈیٹا چرانے کی کوشش کی جا رہی ہے۔رپورٹ کے مطابق جعلساز ایپل کے آفیشل اسٹور سے ملتی جلتی ویب سائٹس بنا کر خریداروں کو سیل آؤٹ سے پہلے آرڈر کرنے پر اکساتے ہیں، اور چیک آؤٹ کے دوران ان کے بینک کارڈ کی تفصیلات چرا لیتے ہیں۔ اسی طرح مفت آئی فون انعام کے نام پر آن لائن لاٹریوں میں صارفین سے ذاتی معلومات اور 'ڈلیوری فیس وصول کی جا رہی ہے۔ کیسپرسکی نے خبردار کیا ہے کہ آئی فون ٹیسٹر پروگرام بھی ایک نیا جال ہے جس کے تحت صارفین سے رابطہ تفصیلات اور پیسے لے کر انہیں جعلی ڈیوائسز کے وعدے کیے جا رہے ہیں، جو کبھی فراہم نہیں کیے جاتے۔(جاری ہے)
کیسپرسکی کی ویب اینالسٹ تاتیانا ششرباکووا کا کہنا ہے کہ سائبر مجرم بڑے پروڈکٹ لانچ کے شوق و جوش کو نشانہ بنا کر صارفین کو فریب دیتے ہیں اور اب یہ حملے اتنے تیز ہو چکے ہیں کہ اصلی ویب سائٹس سے مشابہ لگتے ہیں۔
ماہرین نے مشورہ دیا ہے کہ صارفین صرف ایپل کی آفیشل ویب سائٹ یا مستند ریٹیلرز سے خریداری کریں، مشکوک ای میلز اور آفرز کو نظرانداز کریں، ذاتی معلومات کسی 'مفت انعام کے عوض نہ دیں اور اپنے اکاؤنٹس پر ملٹی فیکٹر آتھینٹیکیشن ضرور فعال رکھیں۔
بھارتی بورڈ کی دولت میں 5برس کے دوران کروڑوں روپے کا اضافہ