190ملین پاؤنڈ کبھی پاکستان کا پیسہ نہیں تھا، سلمان اکرم راجہ
اشاعت کی تاریخ: 13th, January 2025 GMT
پاکستان تحریک انصاف جنرل سیکرٹری سلمان اکرم راجہ نے کہاہے کہ 190ملین پاؤنڈ ملک ریاض کے خاندان کے درمیان معاملے کے نتیجے میں آیا، 190ملین پاؤنڈ کبھی پاکستان کا پیسہ نہیں تھا۔
نجی ٹی وی کے پروگرام میں اظہارخیال کرتے ہوئے سلمان اکرم راجہ نے کہاکہ معلوم نہیں 190 ملین پاؤنڈ کیس کا فیصلہ کیوں نہیں سنایاگیا، 190ملین پاؤنڈ ملک ریاض کے خاندان کے درمیان معاملے کے نتیجے میں آیا، یہ کہنا کہ بانی پی ٹی آئی نے پیسہ ملک ریاض کے حوالے کیا یہ غلط ہے، 190ملین پاؤنڈ کبھی پاکستان کا پیسہ نہیں تھا۔
انہوں نے کہا کہ برطانیہ میں کوئی فیصلہ نہیں ہوا کہ یہ پیسہ پاکستان کے ٹیکس پیئر کا ہے،ملک ریاض کے خاندان کی ہدایت پر 190ملین پاؤنڈ پاکستان آئے۔
سلمان اکرم راجہ نے کہا کہ برطانوی حکام نے کہا تھا 190 ملین پاؤنڈ کا معاملہ خفیہ ہونا چاہیے، وفاقی کابینہ کے سامنے آیا تھاکہ حکومت اس معاہدے کی تشہیر نہ کرے، بانی پی ٹی آئی اوربشریٰ بی بی کو اس پیسے سے ایک روپے کا فائدہ نہیں ہوا۔
انہوں نے مذاکرات سے متعلق کہا کہ 16جنوری کو حکومت کے پاس تحریری مطالبات لے کر جائیں گے، 9مئی اور 26 نومبر واقعات پر جوڈیشل کمیشن کا مطالبہ کریں گے، جوڈیشل کمیشن کا مطالبہ نہ مانا گیا تو تیسری نشست آخری ہو گی۔
ان کا کہناتھا کہ بانی پی ٹی آئی کی رہائی کامطالبہ کریں گے،ان کی ضمانت ہونی چاہیے، ہمارےتمام اسیروں کی بھی ضمانت ہونی چاہیے، ہم کوئی این آر او اور ایگزیکٹو آرڈر نہیں مانگ رہے۔
پروگرام میں گفتگو کرتے ہوئے طلال چوہدری کا کہناتھا کہ القادر ٹرسٹ کو اسلامک ٹچ دیا گیا، پی ٹی آئی والے ہر چیز کو اسلامک ٹچ دیتے ہیں، القادر ٹرسٹ کی زمین ملک ریاض کی ہے، مذاکرات اور 190 ملین پاؤنڈ کیس سے کوئی ڈیل اورڈھیل نہیں جُڑی ہوئی۔
ان کا کہناتھا کہ سعودی عرب،چین اور ترکی ان کےرویوں سے ناراض تھے، بانی پی ٹی آئی اندر ہےپتہ نہیں یواےای کے صدر کو یہ یاد بھی ہے یا نہیں، پی ٹی آئی کا ڈیل اورڈھیل کاخیال ہے،ایسا کچھ نہیں ہوگا۔
پی ٹی آئی رہنما عون عباس بپی نے کہا کہ 17جنوری کو بانی پی ٹی آئی اوربشریٰ بی بی موجود بھی ہوئے تو شک ہے فیصلہ نہیں سنایا جائے گا، انہوں نے سزا سنانی ہے جو پیچھے سے لکھی ہوئی آئے گی، حکومت کو انٹرنیشنل اسٹیبلشمنٹ کا دباؤ محسوس ہو رہا ہے، کوئی یہ دباؤ نہیں ڈالتا کہ رہا کر دیں،وہ کہتے ہیں جوآپ کر رہے ہیں وہ غلط ہے،
عون عباس بپی نے کہا کہ یواےای کے صدر نے کہا ہے جو غلط مقدمات بنائے جا رہےہیں وہ روکیں، حکومت کو اندازہ ہو رہا ہے کہ ہواؤں کا رُخ بدل رہاہے، مریم نواز فارم 47 پر الیکشن جیت کرآئیں ہیں، بات چیت کیلئےریاست کواعتماد سازی کرنا ہوگی۔
ذریعہ: Daily Mumtaz
کلیدی لفظ: سلمان اکرم راجہ بانی پی ٹی ا ئی 190ملین پاو نڈ ملک ریاض کے نے کہا کہ
پڑھیں:
ڈیجیٹل جدت پاکستان میں مالیاتی شمولیت کو آگے بڑھانے کا بنیادی ذریعہ ہے، جہانزیب خان
ایزی پیسہ ڈیجیٹل بینک کے صدر و سی ای او جہانزیب خان نے کہا ہے کہ مقامی مارکیٹ کی بصیرت اور زمینی حقائق کو مدنظر رکھتے ہوئے کی جانے والی ڈیجیٹل جدت ملک بھر میں وسیع پیمانے پر مالی شمولیت کو فروغ دینے کی صلاحیت رکھتی ہے۔
ریاض میں 15 تا 17 ستمبر ‘Future of Global Finance is Local+Digital’ کے عنوان سے منعقد ہونے والے Money20/20 Middle East کے پہلے ایڈیشن کے دوران گفتگو کرتے ہوئے انہوں نے کہا کہ اس وقت پاکستان کی مالی شمولیت کی شرح 60 فیصد سے زائد ہے۔
اس موقعے پر فِن ٹیک اور ڈیجیٹل بینکاری کے بین الاقوامی ماہرین روب کیمرون (گلوبل ہیڈ آف ایکسیپٹنس سلوشنز، ویزا) اور احمد حبیب الحداد (سینیئر ڈائریکٹر، پروڈکٹ ڈویلپمنٹ، ایس ٹی سی بینک) نے بھی شرکت کی۔
یہ بھی پڑھیں: ایزی پیسہ اور کنور فوڈ برانڈ میں اشتراک، صارفین کے لیے نئی سہولت اور انعامات کا اعلان
جہانزیب خان نے پاکستان کے مالی شمولیت کے ایجنڈے کو آگے بڑھانے میں ایزی پیسہ جیسے ڈیجیٹل بینکاری پلیٹ فارمز کے کردار کو بھی اجاگر کیا۔
سیشن میں گفتگو کرتے ہوئے جہانزیب خان نے ایزی پیسہ کے رواں برس تجارتی آپریشنز کا آغاز کرنے والے پاکستان کے پہلے ڈیجیٹل ریٹیل بینک بننے کے سفر کے بارے میں بتایا۔
انہوں نے کہا کہ ایزی پیسہ نے لاکھوں افراد خاص طور پر نظر انداز اور پسماندہ طبقات تک مالی سہولتیں پہنچا کر ایک بڑے پیمانے پر اثر ڈالا ہے جو ایک ایسے ملک کے لیے نہایت اہم ہے جسے خطے کی سب سے بڑی ‘ان بینکڈ’ معیشتوں میں شمار کیا جاتا ہے۔
انہوں نے کہا کہ کمپنی کا مقصد مالی شمولیت اور رابطے کا گیٹ وے بننا ہے۔
مزید پڑھیے: پاکستان میں ڈیجیٹل ادائیگی کے لیے ’گوگل والٹ‘ کا اجرا
ان کا کہنا تھا کہ ہمارا اس بات پر فوکس ہے کہ ایزی پیسہ کو ترسیلات زر وصول کرنے والے خاندانوں، بین الاقوامی لین دین کرنے والے چھوٹے کاروباروں اور دنیا بھر کے کلائنٹس کے ساتھ کام کرنے والے نوجوان فری لانسرز کے لیے ایک بنیادی پلیٹ فارم بنایا جائے۔
انہوں نے کہا کہ تیز، کم لاگت اور زیادہ قابل رسائی سرحد پار ادائیگیوں اور ترسیلات زر کی سہولت فراہم کر کے ہم پاکستان کی معیشت میں ڈیجیٹل فنانس کے کردار کو نئی شکل دینا چاہتے ہیں۔
ان کا کہنا تھا کہا کہ حکومت اور اسٹیٹ بینک آف پاکستان معیشت کو ڈیجیٹلائز کرنے اور کیش لیس اکانومی کے تحت اصلاحات نافذ کرنے کے لیے فعال اقدامات کر رہے ہیں۔
انہوں نے کہا کہ ایزی پیسہ اس تبدیلی کی قیادت جاری رکھے گا، ریگولیٹر کی معاونت کرتے ہوئے ایک زیادہ محفوظ، باہمی مربوط اور شمولیتی مالی نظام کو فروغ دے گا۔
جہانزیب خان کا کہنا تھا کہ یہ اقدام ہمارے اجتماعی ہدف کی حمایت کرتا ہے کہ ایک ایسا مستقبل جہاں ہر پاکستانی باضابطہ ڈیجیٹل معیشت میں شامل ہو اور اس کے فوائد سے مستفید ہو سکے۔
جہانزیب کے مطابق یہ سب ایزی پیسہ کی اس وسیع تر حکمت عملی کے ساتھ ہم آہنگ ہے جو پاکستان کے پہلے ڈیجیٹل ریٹیل بینک کے طور پر مالی خدمات کو جمہوری بنانا اور انہیں تمام پاکستانیوں کے لیے قابل رسائی، سستی اور آسان بنانا ہے، چاہے صارفین بینکڈ ہوں، انڈر بینکڈ یا مکمل طور پر مالی نظام سے باہر۔
مزید پڑھیں: فوری قرضہ لینے کے لیے بااعتماد موبائل ایپس
انہوں نے کہا کہ جدت پسندانہ سہولیات جیسے کہ انٹرنیشنل ریمٹینسز اور کراس بارڈر پیمنٹس نہ صرف فری لانسرز اور تارکین وطن کیلئے کار آمد ہیں بلکہ پاکستان میں زرمبادلہ کے طور پر آنے والی رقوم کے بہاؤ کو بھی مضبوط بناتے ہیں جو ملکی معیشت کے لیے نہایت اہم ہیں۔
گفتگو کے دوران شرکا کو اس حوالے سے بھی آگاہ کیا گیا کہ کس طرح ایزی پیسہ، اینٹ انٹرنیشنل کی عالمی مہارت کو مقامی بصیرت کے ساتھ ملا کر اپنی خدمات کو لاکھوں پاکستانیوں کے لیے بہتر بنا نے رہا ہے۔
شرکا نے اس بات پر تبادلہ خیال کیا کہ کس طرح جدید ٹیکنالوجیز اور سلوشنز جیسے کہ اے آئی سے چلنے والے ٹولز، ای کے وائی سی وغیرہ مالی شمولیت کو بہتر بنانے میں کردار ادا کر سکتے ہیں۔
انہوں نے کہا کہ یہ تعاون نہ صرف ڈیجیٹل بینکاری کی تبدیلی کی صلاحیت کو اجاگر کرتا ہے بلکہ مستقبل میں مقامی ضرورتوں کے مطابق مالی حل فراہم کرنے کے لیے شراکت داریوں کی راہ بھی ہموار کرتا ہے۔
یہ مکالمہ نہ صرف ڈیجیٹل بینکاری کی انقلابی صلاحیت کو اجاگر کرتا ہے بلکہ مستقبل کی شراکت داریوں کے لیے بھی بنیاد فراہم کرتا ہے جو مقامی مالی حل کی صلاحیتوں کو اجاگر کرنے میں مددگار ثابت ہوں گی۔
منی 20/20 (Money20/20) ایک اہم عالمی فِن ٹیک پلیٹ فارم ہے جو سنہ 2012 سے بینکوں، فِن ٹیکس، بڑی ٹیک کمپنیوں، ریگولیٹرز، اسٹارٹ اپس اور سرمایہ کاروں کو ایک جگہ اکٹھا کررہا ہے جس کا مقصد مالیاتی سرمایہ کاری کا ایک بہتر مستقبل تشکیل دینا ہے۔
یہ ایونٹ دنیا کی سب سے متحرک مارکیٹوں میں جدت اور تعاون کو فروغ دینے میں ایک اہم کردار ادا کرتا ہے۔
یہ بھی پڑھیے: پاکستان کی ڈیجیٹل کرنسی کرپٹو کرنسیز سے کیسے مختلف ہوگی؟
ہر 25 میں سے ایک پاکستانی پر ایزی پیسہ کا صارف ہے جس میں 31 فیصد خواتین شامل ہیں۔
سنہ 2024 میں ایزی پیسہ نے 2.7 ارب سے زائد لین دین پروسیس کیے جن کی مالیت 9.5 کھرب روپے سے زیادہ تھی جو پاکستان کی مجموعی قومی پیداوار کا تقریباً 9 فیصد بنتا ہے۔
ایزی پیسہ ڈیجیٹل بینک پاکستان میں ڈیجیٹل بینکاری اور مالی خودمختاری کے نئے معیارات قائم کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایزی پیسہ ڈیجیٹل بینکاری صدر و سی ای او ایزی پیسہ ڈیجیٹل بینک جہانزیب خان
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ