کپاس کی اچھی پیداوار GSP+ اسٹیٹس کیلیے اہم ہے، سید نذر علی
اشاعت کی تاریخ: 15th, January 2025 GMT
کاٹن سپلائی چین میں کام کے بنیادی اصولوں،حقوق کے فروغ پر آگاہی سیشن کے موقع پر سیکرٹری جنرل سید نذر علی، کنسلٹنٹ گلفام نبی کا شرکاء کے ہمراہ گروپ فوٹو
کراچی (کامرس رپورٹر)ایمپلائرز فیڈریشن آف پاکستان (ای ایف پی) نے انٹرنیشنل لیبر آرگنائزیشن (آئی ایل او) کے تعاون سے رائز فار امپیکٹ (کاٹن انڈیٹیکس پروجیکٹ) کے تحت کاٹن سپلائی چین میں کام کے بنیادی اصولوں اور حقوق کو فروغ دینے کے لیے اپنے سیشنز کی سیریز کا چوتھا آگاہی سیشن ضلع رحیم یار خان میں منعقد کیا۔اس سیشن کا مقصد کی کاشت کرنے والے زمینداروں میں کام کے بنیادی اصولوں اور حقوق (ایف پی آر ڈبلیو) کے احترام کو بڑھانا اور کاٹن سپلائی چین میںکام کے بہتر حالات کو فروغ دینا تھا۔ای ایف پی کے سیکریٹری جنرل سید نذیر علی نے سیشنز کا جائزہ پیش کرتے ہوئے ایف پی آر ڈبلیو کی اہمیت پر زور دیا اور سب کے لیے بہتر کام کے مواقع فراہم کرنے میں ای ایف پی کی کوششوں اور کامیابیوں پر روشنی ڈالی۔ انہوں نے مزید کہا کہ بہتر کام کے حالات پیدا کرنا کپاس کی پیداوار کو بہتر بنانے کے لیے ضروری ہے اور پاکستان کی جی ایس پی پلس حیثیت کو برقرار رکھنے کے لیے یہ انتہائی اہم ہے۔کنسلٹنٹ گلفام نبی نے ایف پی آر ڈبلیو کے پانچ اہم شعبوں کا احاطہ کرتے ہوئے کام کے بنیادی اصولوں اور حقوق کے بارے میں تفصیلی پریزنٹیشن دی۔جن میں اتحاد کا حق اور اجتماعی گفت و شنید کے حق کی مؤثر شناخت یہ یقینی بناتا ہے کہ ورکرز اور آجروں کو بغیر کسی انتقامی کارروائی یا مداخلت کے آزادانہ طور پر تنظیمیں، ٹریڈ یونینز اور آجروں کی تنظیموں میں شامل ہونے اور تشکیل دینے کا حق حاصل ہو۔جبری یا لازمی مشقت کے تمام اشکال کا خاتمہ جو کسی بھی ایسے کام یا خدمت کو ختم کرنے کی کوشش کرتا ہے جو زبردستی، دھمکیوں یا مرضی کی کمی کے تحت انجام پائے جس میں قرض کی بندش، انسانی اسمگلنگ اور غلامی جیسے طریقے شامل ہیں۔چائلڈ لیبر کے مکمل خاتمے کا اصول یہ یقینی بناتا ہے کہ بچوں کو ایسی مشقت سے محفوظ رکھا جائے جو انہیں تعلیم، صحت اور ترقی سے محروم کر دے۔
.ذریعہ: Jasarat News
پڑھیں:
آئین کے آرٹیکل 20 اور قائداعظم کی 11 اگست کی تقریر کے مطابق اقلیتوں کے تحفظ کیلئے کوشاں ہے، نسرین جلیل
مائنارٹی رائٹس مارچ کے وفد سے ملاقات کے دوران سینئر متحدہ رہنما نے کہا کہ جبری مذہب کی تبدیلی پر پابندی، زبردستی کی شادی کی روک تھام، اقلیتوں کی عبادت گاہوں کا تحفظ ہماری پالیسی کا حصہ ہے۔ اسلام ٹائمز۔ متحدہ قومی موومنٹ پاکستان کے مرکز بہادر آباد پر سینئر مرکزی رہنما سینیٹر نسرین جلیل اور رکن قومی اسمبلی سنجے پروانی سے اقلیتوں کے حقوق کے لئے کام کرنے والی مختلف تنظیموں کے مشترکہ وفد نے ملاقات کی، مائنارٹی رائٹس مارچ کے وفد میں انسانی حقوق کے رہنماؤں شیما کرمانی، پاسٹر غزالہ، نومی بشیر اور دیگر موجود تھے۔ وفد نے 11 اگست اقلیتوں کے حقوق کے قومی دن پر مائنارٹیز کے حقوق کے لئے سیاسی جماعتوں کے ساتھ مل کر جامع اور مشترکہ جدوجہد کی اہمیت پر زور دیا۔ سینئر مرکزی رہنما نسرین جلیل نے وفد سے کہا کہ ایم کیو ایم اقلیتوں کے حقوق اور انہیں برابر کا پاکستانی سمجھتے ہوئے پارلیمان کے اندر اور باہر جدوجہد کر رہی ہے۔
ان کا کہنا تھا کہ جبری مذہب کی تبدیلی پر پابندی، زبردستی کی شادی کی روک تھام، اقلیتوں کی عبادت گاہوں کا تحفظ ہماری پالیسی کا حصہ ہے، ایم کیو ایم پاکستان آئین کے آرٹیکل 20 کے مطابق مذہب اور مذہبی عبادت گاہوں میں جانے کی آزادی اور قائد اعظم محمد علی جناح کی 11 اگست کی تقریر کے مطابق اقلیتوں کے تحفظ کے لئے کوشاں ہے اور تنظیم کا شعبہ اقلیتی امور اس سلسلے میں بھرپور فعال ہے۔ اس موقع پر اراکین صوبائی اسمبلی انیل کمار، مہیش کمار، انچارج شعبہ اقلیتی امور پطرس مسیح و اراکین بھی موجود تھے۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست