نیا راوی شہر کیا ہے اور کب تک آباد ہوگا؟
اشاعت کی تاریخ: 15th, January 2025 GMT
اگست 2020 میں سابق وزیراعظم عمران خان نے راوی ریور فرنٹ ڈیولپمنٹ پراجیکٹ کا افتتاح کیا جس کا مقصد سرکاری دستاویزات کے مطابق دریائے راوی کے کنارے پر ’پاکستان کا پہلا اور سب سے بڑا ریور فرنٹ‘ شہر بنانا تھا۔
لاہور اور شیخوپورہ کے مضافات میں 46 کلومیٹر تک یہ نیا شہر بنایا جائےگا، اس شہر میں اپنی تعمیر کے بعد 12 سیکٹرز ہوں گے جن میں میڈیکل سٹی، اسپورٹس سٹی، کمرشل سٹی، ڈاؤن ٹاؤن، انٹرٹینمنٹ سٹی اور تقریباً 12 ملین لوگوں کی رہائش کے لیے ایک بڑی ہاؤسنگ اسکیم شامل ہوگی۔
یہ بھی پڑھیں لاہور تحصیلوں کے اعتبار سے بھی پنجاب کا سب سے بڑا شہر بن گیا
روڈا حکام کے مطابق لاہور کے لوگوں کو ایک ایسی جگہ فراہم کی جائےگی جہاں وہ بھرپور زندگی گزار سکیں گے اور شہر کی بھرپور ثقافت اور ورثے کو زندہ رکھتے ہوئے بہت سے مواقع حاصل کرسکیں گے۔
روڈا حکام کے مطابق اب تک 27 کے قریب پرائیویٹ ہاؤسنگ سوسائٹیز یہاں پر بنائی جارہی ہیں، جبکہ روڈا اپنی بھی 10 کے قریب ہاؤسنگ سوسائٹیاں بنانے جارہا ہے۔
راوی شہر میں پلاٹ لینے کے لیے لوگ کیسے اپلائی کرسکتے ہیں؟روڈا حکام کے مطابق راوی اربن ڈیولپمنٹ اتھارٹی نے اس منصوبے کا سب کام آن لائن کیا ہے، پلاٹ لینے کے لیے آن لائن اپلائی کیا جا سکتا ہے۔ لوگ ویب سائٹ پر جاکر کمرشل اور رہائشی پلاٹس قسطوں پر خرید سکتے ہیں۔
’یہ پہلا منصوبہ ہوگا جہاں عوام کے ساتھ فراڈ نہیں ہو سکےگا، اگر کوئی پرائیویٹ سوسائٹی میں بھی پلاٹ لیتا ہے اس کا این او سی روڈا جاری کرےگا، رقم بھی روڈا کے ذریعے مالکان کو ملے گی۔ روای سٹی میں کس بھی فراڈ کا کوئی چانس نہیں ہے، یہاں پر سیکیورٹی، سیوریج، ٹریفک کا بہترین نظام قائم کیا جارہا ہے، اور یہ پہلا شہر ہوگا جو پلاننگ کے تحت بنے گا۔‘
یہ شہر کب آباد ہوگا؟روڈا حکام نے بتایا کہ سروے کے مطابق آئندہ چند سالوں میں 80 لاکھ مزید لوگ لاہور میں آکر بسیں گے، اب لاہور کی آبادی ڈیرھ کروڑ کے لگ بھگ ہے۔ اس وقت راوی سٹی پر 7 سے 8 فیصد کام ہوچکا ہے۔
حکام کا کہنا ہے کہ 2040 تک یہاں پر 40 سے 50 لاکھ لوگوں کو آباد کرنے کا منصوبہ ہے، شہر کو مکمل بنانے میں 35 سال لگیں گے، یہاں بہت تیزی سے کام ہورہا ہے۔
’وزیراعلیٰ پنجاب مریم نواز نے مسکن راوی میں 100 مستحق افراد میں مفت گھر تقسیم کیے ہیں، ان گھروں میں پانچ کلو واٹ کا سولر سٹم لگا ہوا ہوگا، 15 سال کے اندر آدھے شہر کو آباد کردیا جائےگا، یہاں پر نئے اسپتال اور نئے کمرشل یونٹ بنیں گے۔‘
یہ بھی پڑھیں بھارت نے دریائے چناب میں پانی چھوڑ دیا، راوی اور ستلج میں بھی طغیانی کا خطرہ
’میٹرو بس، میٹرو ٹرین کا روٹ یہاں تک بڑھایا جائےگا‘روڈا حکام کے مطابق فیزبیلٹی تیار کی جارہی ہیں، میٹرو بس اور میٹرو ٹرین کے ٹریک کو مسکن راوی تک بڑھایا جائےگا۔ ٹریفک کے نظام کو بہتر بنایا جائےگا، دریائے راوی پر دو یا تین بیراجیز اور ڈیم بھی بنائے جائیں گے، یہ نیا شہر دنیا کے ماڈرن شہروں میں شامل ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews راوی ریور روڈا حکام سابق وزیراعظم عمران خان نیا راوی شہر وی نیوز.ذریعہ: WE News
کلیدی لفظ: راوی ریور نیا راوی شہر وی نیوز یہاں پر کے لیے
پڑھیں:
اسموگ کی صورتحال مزید خراب، فضائی آلودگی میں فیصل آباد کا پہلا نمبر
لاہور:پنجاب میں فضائی آلودگی اور اسموگ کی صورتحال دن بہ دن خراب ہوتی جا رہی ہے جس کے باعث فیصل آباد فضائی آلودگی میں پہلے نمبر پر رہا۔
فضائی آلودگی سے متعلق ڈیٹا فراہم کرنے والے عالمی ادارے آئی کیو ائیر کے مطابق فیصل آباد فضائی آلودگی میں پہلے، گجرانوالہ دوسرے اور ملتان تیسرے نمبر پر ہے جبکہ لاہور میں آج صبح کے وقت ائیرکوالٹی کی شرح 471 ریکارڈ کی گئی۔
آئی کیو ایئر کے مطابق فیصل آباد میں اے کیو آئی 554، گجرانوالہ میں 546، ملتان میں 478، لاہور میں 471 اور بہاولپور میں 389 ریکارڈ کیا گیا جبکہ سرکاری اعداد وشمار کے مطابق صبح کے وقت ڈی جی خان، گجرانوالہ، قصور میں ایئر کوالٹی کی شرح 500 ریکارڈ کی گئی۔ لاہور میں 447، فیصل آباد میں 408 اور ملتان میں اے کیو آئی 352 ریکارڈ ہوا۔
آئی کیو ایئر کے مطابق لاہور کے مختلف علاقوں میں ائیر کوالٹی انتہائی خطرناک سطح تک پہنچ گئی۔ فاریسٹ ڈیپارٹمنٹ آفس راوی روڈ 980، جی تھری انجیئرنگ کونسل میں 790 اور ڈی ایچ اے فیز 8 میں 759 ریکارڈ کی گئی تاہم ائیر کوالٹی انڈکس پنجاب کے مطابق برکی روڈ پر اے کیو آئی 500، ایجرٹن روڈ 500، واہگہ بارڈر 394 اور سفاری پارک میں 384 ریکارڈ کیا گیا۔
اسموگ نگرانی و پیشگی سسٹم کے مطابق پنجاب میں ہوا کا بہاؤ آج مشرق سے مغرب کی سمت ہے۔ ادارہ تحفظ ماحولیات کے مطابق بھارتی علاقوں ہریانہ، لدھیانہ، پٹیالہ اور جالندھر سے آلودہ ہوائیں پاکستان کی جانب داخل ہو رہی ہیں۔ یہ ہوائیں لاہور، فیصل آباد، قصور اور گجرانوالہ کے فضائی معیار پر اثر انداز ہو رہی ہیں۔
ماہرین کا کہنا ہے کہ فضا میں اسموگ اور باریک ذرات کے جمع ہونے سے آلودگی کی شدت میں اضافہ ہو رہا ہے۔ ایئر کوالٹی انڈیکس آج 330 سے 370 کے درمیان رہنے کا امکان ہے۔
محکمہ ماحولیات کے مطابق لاہور میں فضائی معیار غیر صحت بخش متوقع ہے، صبح سویرے، رات گئے اور شام کے اوقات میں آلودگی کی شدت زیادہ رہے گی تاہم دوپہر کے اوقات (1 تا 5 بجے) معمولی بہتری کا امکان، تاہم مجموعی معیار غیر صحت بخش رہنے کا امکان ہے۔ عوام، خصوصاً بچے، بزرگ اور مریض غیر ضروری طور پر باہر جانے سے گریز کریں۔
پنجاب کی سینیئر وزیر مریم اورنگزیب کا کہنا ہے وزیراعلیٰ پنجاب مریم نواز شریف کی ہدایت پر انسدادِ اسموگ اقدامات میں تیزی لائی گئی ہے۔ صوبے کے 12 محکمے مشترکہ ایکشن پلان پر عمل درآمد میں مصروف ہیں۔ کھیتوں میں باقیات جلانے پر زیرو ٹالرنس، 10 ہزار سے زائد نوٹسز جاری ہوئے۔ 190 سے سے زائد فیکٹریوں اور بھٹوں کی چیکنگ، درجنوں سیل، بھاری جرمانے عائد کیے گئے۔
انہوں نے کہا کہ صرف ماحول دوست زِگ زیگ ٹیکنالوجی والے بھٹوں کو چلانے کی اجازت ہے۔ 1200 سے زائد ٹیموں کی مانیٹرنگ، موقع پر کارروائیاں اور جرمانے جاری ہوئے جبکہ تعمیراتی سائٹس پر ڈسٹ کنٹرول ایس او پیز پر سخت عملدرآمد کروایا جارہا ہے۔ حکومتِ پنجاب عوامی صحت کے تحفظ، سموگ کے اسباب کے خاتمہ اور صاف فضا کی بحالی کے لیے پرعزم ہے۔
سونے کی کان کنی پر عائد پابندی میں مزید 30 روز کی توسیع