6روزہ مرٹو ریس انٹر کالج اسپورٹس ٹیریس ٹورنامنٹ کا اختتام
اشاعت کی تاریخ: 17th, January 2025 GMT
کراچی : مرٹوریس انٹر کالج اسپورٹس ٹیریس ٹورنامنٹ کے اختتام پر مہمان خصوصی امجد علی فاتح ٹیم کے کپتان کو ٹرافی دیتے ہوئے
کراچی (اسپورٹس رپورٹر)کراچی کے کسٹم اسپورٹس کمپلیکس میں چھ روزہ مرٹوریس انٹر کالج اسپورٹس ٹورنامنٹ ’اسپورٹیریس‘کا انعقاد کیا گیا، جس میں 17 مختلف کھیلوں کے مقابلے منعقد ہوئے۔ ٹورنامنٹ میں اے لیول، او لیول، آغا خان انٹرمیڈیٹ اسکول اور کالجز کے 250 سے زائد طلبہ و طالبات نے بھرپور شرکت کی۔ افتتاحی تقریب کے مہمانِ خصوصی اولمپین دانش کلیم تھے، جنہوں نے طلبہ کی کھیلوں میں دلچسپی کو سراہا اور بہترین کارکردگی کا مظاہرہ کرنے والے کھلاڑیوں کی حوصلہ افزائی کی۔ تقریب کی صدارت ٹورنامنٹ کے صدر عبدالرفیع اور میزبانی کے فرائض پرنسپل عامر ارشد نے انجام دیے۔ چھ دن جاری رہنے والے ایونٹ میں طلبہ وطالبات کیلیے علیحدہ کیٹیگریز رکھی گئیں، جن میں کرکٹ، فٹبال، بیڈمنٹن، ہاکی اور دیگر کھیل شامل تھے۔ شائقین اور شرکاء نے ٹورنامنٹ کے بہترین انتظامات اور کھیلوں کے مقابلوں کو بھرپور سراہا۔ اختتامی تقریب کے مہمانِ خصوصی ایڈووکیٹ و سابق قومی ہاکی کھلاڑی امجد علی اور مہمانِ اعزاز گل فراز احمد خان، چیئرمین کراچی ہاکی ایسوسی ایشن تھے، جنہوں نے شرکاء کی کارکردگی کو سراہتے ہوئے انہیں میڈلز اور ٹرافیاں تقسیم کیں۔ ایڈووکیٹ اور سابق قومی ہاکی کھلاڑی امجد علی نے اختتامی تقریب سے خطاب کرتے ہوئے شرکاء کی کارکردگی کو سراہا اور انہیں مبارکباد دی۔ انہوں نے امید ظاہر کی کہ آئندہ بھی ایسے کھیلوں کے مقابلے منعقد کیے جائیں گے تاکہ نوجوانوں کو اپنی صلاحیتیں نکھارنے کا موقع ملے۔ امجد علی نے منتظمین کو کامیاب ٹورنامنٹ کے انعقاد پر خراج تحسین پیش کیا۔
.ذریعہ: Jasarat News
کلیدی لفظ: ٹورنامنٹ کے امجد علی
پڑھیں:
ملک بھر کی اسپورٹس فیڈریشنز میں 70 سال سے زائد عمر کے عہدیداران کی چھٹی، پی ایس بی کا بڑا فیصلہ
پاکستان اسپورٹس بورڈ (پی ایس بی) نے ملک کی کھیلوں کی فیڈریشنز میں اصلاحاتی اقدامات کا آغاز کرتے ہوئے فیصلہ کیا ہے کہ کسی بھی اسپورٹس فیڈریشن میں عہدیدار کی عمر کی حد 70 سال سے زیادہ نہیں ہوگی۔ یہ فیصلہ پی ایس بی کے 34ویں بورڈ اجلاس میں کیا گیا، جس کی صدارت وزیراعظم کے مشیر برائے بین الصوبائی رابطہ رانا ثناء اللہ نے کی۔
رانا ثناء اللہ نے اجلاس سے خطاب کرتے ہوئے کہا کہ فیڈریشنز کو باصلاحیت نوجوانوں کے لیے کھولا جانا چاہیے تاکہ کھیلوں میں شفافیت اور میرٹ کو فروغ ملے۔ انہوں نے اس فیصلے کو نئی قیادت کو موقع دینے کے لیے ناگزیر قرار دیا۔
یہ بھی پڑھیے: قومی ہاکی ٹیم کی پرولیگ میں شرکت کھٹائی میں پڑگئی، پابندی کا بھی خدشہ
اجلاس میں متعدد اہم فیصلے کیے گئے، جن میں کھیلوں کی گورننس، شفافیت، اور نوجوان کھلاڑیوں کے حقوق کے تحفظ پر زور دیا گیا۔ بورڈ نے اسپورٹس فنڈنگ ریگولیشنز اور پنشن کنٹریبیوٹری فنڈ کی منظوری دے دی تاکہ پنشن کے نظام کو مستحکم کیا جا سکے۔
اجلاس میں پی ایس بی نے 3 فیڈریشنز چک بال، پیراگلائیڈنگ اینڈ ہینڈ گلائیڈنگ اور کینوئنگ کی ابتدائی رجسٹریشن منسوخ کر دی کیونکہ یہ فیڈریشنز لازمی دستاویزات جمع کرانے میں ناکام رہیں۔
بورڈ نے باسکٹ بال، لانگ رینج اور آرچری فیڈریشنز کی رجسٹریشن کو سیکیورٹیز اینڈ ایکسچینج کمیشن آف پاکستان سے انکارپوریشن سے مشروط کر دیا۔ آرچری فیڈریشن کو پی ایس بی سے اپنے انتخابی ریکارڈ کی توثیق کرانے کی ہدایت بھی کی گئی۔
یہ بھی پڑھیے: پاکستان اسپورٹس بورڈ کی جانب سے ارشد ندیم سمیت 36 کھلاڑیوں میں کیش انعامات تقسیم
پاکستان ہاکی فیڈریشن کی کارکردگی اور مالی معاملات خاص طور پر فنڈز اور مالیاتی رپورٹس بروقت جمع نہ کرانے پر بورڈ نے ناپسندیدگی کا اظہار کیا۔ انٹرنیشنل ہاکی فیڈریشن کی پرو لیگ میں شمولیت سے متعلق فیصلے کا اختیار صدر پی ایس بی رانا ثناء اللہ خان کو سونپ دیا گیا جو اس حوالے سے وزیراعظم کو خط ارسال کریں گے۔
اجلاس میں فٹ سال کو باضابطہ طور پر فٹبال سے متعلق کھیل قرار دیتے ہوئے اس کی نگرانی پاکستان فٹبال فیڈریشن کے سپرد کر دی گئی۔ بلائنڈ سپورٹس فیڈریشن کا معاملہ پینل آف ایڈجوڈیکیٹر کو بھیجنے کا فیصلہ کیا گیا۔
اجلاس میں قومی سطح پر کوہ پیمائی کو کھیلوں کا حصہ بنانے سے متعلق ذیلی کمیٹی قائم کر دی گئی جبکہ جونیئر کھلاڑیوں کی عمر میں جعلسازی کی روک تھام کے لیے ڈی جی پی ایس بی محمد یاسر پیرزادہ کے اقدامات کو سراہا گیا۔
یہ بھی پڑھیے: قومی ہاکی ٹیم کے کپتان عماد بٹ نے اسپورٹس بورڈ کی دعوت مسترد کردی، وجہ کیا بنی؟
آخر میں رانا ثناء اللہ نے کہا کہ بورڈ کے نئے اراکین میجر جنرل (ر) عرفان ارشد اور عندلیب سندھو کھیلوں کے فروغ میں اہم کردار ادا کریں گے اور آئندہ اجلاسوں میں فیڈریشنز کے صدور کو بھی خصوصی دعوت دی جائے گی۔ انہوں نے ہدایت کی کہ پنشن سے متعلق تمام فیصلے وفاقی حکومت کی پالیسی کے مطابق کیے جائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اجلاس اسپورٹس بورڈ فیڈریشن کھلاڑی
ملک بھر میں ووٹر کی تعداد کتنی ہوگئی؟ رپورٹ سامنے آگئی