گڈاپ تھانے میں پولیس اورکسٹمز حکام میں تلخ کلامی
اشاعت کی تاریخ: 19th, January 2025 GMT
کراچی ( اسٹاف رپورٹر ) پولیس کی لگی نمبر پلیٹ کار سے اسمگلڈ شدہ چھالیہ برآمد ہوئی ،پولیس کسٹمز کے 4اہلکاروں کو اپنے ہمراہ نامعلوم مقام پر لے گئی ۔ ذرائع کے مطابق گڈا پ ٹاون تھانے کی حدود میں کسٹمز کے عملے نے ایک کار کو مشتبہ سمجھ کر روکا ، جس پر سندھ پولیس کی نمبر پلیٹ لگی تھی اس کی تلاشی لی تو انکشاف ہوا کہ کار میں اسمگلڈ شدہ چھالیہ منتقل کی جارہی ہے ،کار کے ڈرائیور سے اسمگلڈ شدہ چھالیہ کے بارے میں پوچھ گچھ جاری تھی کہ پکڑے جانے والے شخص نے علاقائی پولیس کو بلالیا۔ بعد ازاں چھالیہ اسمگل کرنے والی کار اس میں سوار شخص اور کسٹمز کے عملے کے 4 اہلکاروں کوگڈاپ پولیس اپنے ہمراہ لے گئی۔ ذرائع کا کہنا ہے کہ کسٹمز نے چھالیہ سے بھری گاڑی پکڑی اس میں موجود سادہ لباس ڈرائیور بھی پولیس اہلکار ہے ۔اطلاع ملنے پر کسٹمز افسران بھی گڈاپ تھانے پہنچ گئے،علاقائی پولیس اور کسٹمز حکام میں تلخ کلامی ہوئی۔کسٹم حکام سے رابطہ کرنے پر ان کا کہنا تھا کہ ایس ایس پی ملیر سے رابطہ کر لیا گیا ، کسٹم کے چار سے پانچ اہلکاروں کو زبردستی اٹھا کر تھانے لے جایا گیا ہے ،کسٹمز افسران تھانے جارہے ہیں ،پولیس بھی ہماری سسٹر ایجنسی ہے دیکھتے ہیں کیا ہوتا ہے۔
.ذریعہ: Jasarat News
پڑھیں:
اسمگلنگ کے خلاف کارروائی میں بڑا قدم، ملتان میں ایک کروڑ روپے سے زائد مالیت کی چاندی ضبط
ملتان کسٹمز انفورسمنٹ ٹیم نے اسمگلنگ کی بڑی کوشش ناکام بناتے ہوئے ایک کروڑ 34 لاکھ روپے مالیت کی چاندی ضبط کرلی۔سرکاری ایسوسی ایٹڈ پریس آف پاکستان (اے پی پی) کے مطابق ایف بی آر کی جانب سے جاری بیان میں کہا گیا کہ کلکٹوریٹ آف کسٹمز ملتان نے ڈیرہ غازی خان کے قبائلی علاقے بواتہ کے قریب اسمگلنگ کی کوشش ناکام بنا دی۔بیان میں کہا گیا کہ مصدقہ اطلاع پر مقامی حکام کے تعاون سے اینٹی اسمگلنگ آرگنائزیشن نے ایک مسافر بس کو روکا اور اس کی تفصیلی تلاشی لی، تلاشی کے دوران کسٹم اہلکاروں نے تقریباً 30 کلوگرام وزنی چاندی کے بسکٹ برآمد کرلیے. جس کی مالیت ایک کروڑ 34 لاکھ روپے تھی۔بیان میں مزید کہا گیا کہ بس میں موجود کسی مسافر نے اس کی ملکیت کا دعویٰ نہیں کیا اور نہ ہی درآمد یا خریداری کی قانونی دستاویزات پیش کیں. جس سے یہ واضح ہوگیا کہ یہ چاندی اسمگل شدہ تھی۔ایف بی آر کے مطابق ضبط شدہ چاندی کو کسٹمز ایکٹ 1969 کے تحت تحویل میں لے لیا گیا جبکہ مزید تفتیش جاری ہے .تاکہ اسمگل شدہ سامان کے ماخذ، روٹ اور متوقع وصول کنندگان کا سراغ لگایا جاسکے اور اسمگلنگ میں ملوث عناصر کو گرفتار کیا جائے۔بیان میں مزید کہا گیا کہ فیڈرل بورڈ آف ریونیو مؤثر انفورسمنٹ اقدامات اور مختلف اداروں کے مشترکہ تعاون کے ذریعے قومی محصولات کے تحفظ اور تمام داخلی و خارجی راستوں پر کسٹمز قوانین پر عمل درآمد کو یقینی بنانے اور اسمگلنگ کی روک تھام کے لیے پُرعزم ہے۔
پاکستان میں شمسی توانائی کا استعمال تاریخی سنگ میل عبور کرگیا