سابق وزیر داخلہ نے آرمی چیف سے ملاقات کی تفصیلات بتا دیںق
اشاعت کی تاریخ: 19th, January 2025 GMT
اسلام آباد (ویب ڈیسک) قومی وطن پارٹی کے سربراہ اور سابق وزیر داخلہ آفتاب احمد خان شیرپاؤ نے آرمی چیف سے ملاقات کی تفصیلات بتا دیں۔
آج نیوز کے پروگرام ’روبرو‘ میں گفتگو کرتے ہوئے آفتاب احمد خان شیرپاؤ نے کہا کہ خیبر پختونخوا کے سیاسی رہنماؤں سے ملاقات کے دوران آرمی چیف جنرل سید عاصم منیر نے بتایا کہ ایک ”دوست ملک“ سے عبوری افغان حکومت سے بات کرنے کی درخواست کی ہے۔سابق وزیر داخلہ آفتاب احمد شیرپاؤ نے کہا کہ دورہ پشاور کے دوران آرمی چیف کے خیبر پختونخوا کے سیاسی رہنماؤں سے تقریباً 4 گھنٹے طویل اجلاس میں کئی سیاسی جماعتوں کے نمائندے موجود تھے، آرمی چیف کو خیبر پختونخوا میں سیکیورٹی کی صورتحال اور انسداد دہشت گردی کے خلاف جاری آپریشنز پر بھی تفصیلی بریفنگ دی گئی۔آرمی چیف نے سیاسی رہنماؤں کو افغانستان سے دہشت گردوں کی سرحد پار نقل و حرکت اور دہشت گردی سے نمٹنے کے لیے اقدامات سمیت سیکیورٹی کی صورتحال سے آگاہ کیا۔
پاکستان جون 2025 تک پانڈا بانڈز جاری کرے گا: وفاقی وزیر خزانہ
انہوں نے مزید کہا کہ سربراہ پاک فوج کے ساتھ طویل اجلاس میں تمام جماعتوں نے مختلف تجاویز پیش کیں، امید ہے کہ صوبائی حکومت بھی ان پر عمل کرے گی۔سابق وزیر داخلہ نے کہا کہ آرمی چیف ہمارا ان پٹ چاہتے تھے، میرے خیال میں ایسی ملاقاتیں ہونی چاہئیں، یہ صوبائی سطح پر تھا، لیکن یہ پاکستان کا مسئلہ ہے، ہم نے یہ بھی کہا کہ وزیر اعظم کو آل پارٹیز کانفرنس بلانی چاہیے۔
آفتاب احمد خان شیرپاؤ نے کہا کہ ملاقات میں نیشنل ایکشن پلان پر بھی تفصیلی بات چیت کی گئی، پلان پر اس طرح عمل نہیں ہوا جس طرح ہونا چاہیے تھا۔
عمران خان کو سزا کے بعد پی ٹی آئی کے ہونے والے کور کمیٹی اجلاس کی اندرونی کہانی سامنے آگئی
انہوں نے افغان طالبان کے ساتھ رابطے میں رہنے اور افغانستان میں کالعدم دہشت گرد تنظیموں کی موجودگی پر دباؤ بڑھانے پر زور دیتے ہوئے کہا کہ میرے خیال میں مذاکرات کے دروازے مکمل بند نہیں ہونے چاہئیں، کوئی نہ کوئی راستہ ہونا چاہیے، خواہ غیر رسمی ہو یا کوئی اور، وفاقی حکومت کو اپنا کردار ادا کرنا چاہیے۔
کرم میں آپریشن پربات کرتے ہوئے انہوں نے کہا کہ یہ ”محدود آپریشن“ ہوگا، عارضی طور پر بے گھر لوگوں کے لیے رہائش کی جگہیں بنائی جائیں گی، فتنہ الخوارج صوبے میں بدامنی کا فائدہ اٹھاتے ہیں۔
بنوں :باران پل کے قریب پولیس موبائل کے قریب دھماکا
مزید :.ذریعہ: Daily Pakistan
کلیدی لفظ: سابق وزیر داخلہ آفتاب احمد شیرپاؤ نے نے کہا کہ آرمی چیف
پڑھیں:
6طیارے تباہ کروانے اور جنگ ہارنےکےبعد کہتے ہیں کرکٹ میں ہاتھ نہیں ملائیں گے،عطاتارڑ
اسلام آباد (ڈیلی پاکستان آن لائن) وزیر اطلاعات عطاء تارڑ کا کہنا ہے جو قوم اخلاقی پستی کا شکار ہوتی ہے وہ کھیل میں سیاست لے آتی ہے، چھ جہاز گر گئے جنگ بھی ہار گئے اب کہتے کرکٹ میں ہاتھ نہیں ملائیں گے۔
قومی پیغام امن کمیٹی کے پہلے اجلاس کے بعد میڈیا سے گفتگو کرتے ہوئے انہوں نے کہا کہ جن کی کوئی عزت نہیں ہوتی وہ خفت مٹانے کیلئے ایسا کرتے ہیں، جیسے بھی حالات ہوں اسپورٹس مین اسپرٹ زندہ رہنی چاہیے۔
صحافی نے سوال کیا کہ ریفری کو ہٹانے کا آئی سی سی نے پاکستان کا مطالبہ پورا کردیا ہے؟ اس پر انہوں نے کہا کہ یہ تو محسن نقوی ہی بہتر بتا سکتے ہیں، میرا خیال ہے میچ ریفری کو ایسا نہیں کرنا چاہیے تھا، میچ ریفری کو بطور ریفری ہی ایکٹ کرنا چاہیے تھا، آگے جو بھی ہوگا اس کا پی سی بی فیصلہ کرے گا۔
جناح ہائوس حملہ کیس، پی ٹی آئی رہنما محمود الرشید کی درخواست ضمانت مسترد
دہشت گردی پر بات کرتے ہوئے انہوں ںے کہا کہ دہشت گرد کا سہولت کار بھی دہشت گرد ہے جو کسی دہشت گرد کو پناہ دیتا ہے وہ بھی دہشت گرد ہے، قوم 90 ہزار جانوں کا نذرانہ دے چکی، سہولت کاروں کا تعلق چاہے کسی بھی سیاسی یا مذہبی جماعت سے ہو وہ بھی قابل گرفت ہیں۔
عطاتارڑ ںے مزید کہا کہ دہشت گردوں کا کوئی مذہب نہیں یہ پاکستان کو نقصان پہنچانے کے درپے ہیں، امن ضرور قائم ہوگا، جو اسکولوں میں معصوم بچوں کو نہیں بخشتے ان کا کوئی دین مذہب نہیں، جو پاکستان اور پاکستانی کی ریاست کے خلاف ہیں ان کے سہولت کار بالکل دہشت گرد ہیں ان پر سب کے سب متفق ہیں۔
اسلام آبادہائیکورٹ نے چیئرمین پی ٹی اے کو عہدے سے ہٹانے کا حکم دیدیا
مزید :
شاہین آفریدی نے کس کھلاڑی کو مشکل ترین قرار دیا؟