نسل نو کو قرآن و سنت کی تعلیم دی جائے، خرم نواز گنڈاپور
اشاعت کی تاریخ: 20th, January 2025 GMT
ایگرز کے زیر اہتمام حدیث کیمپ، سینکڑوں بچوں نے علم حدیث حاصل کیا، صاحبزادہ طارق شریف زادہ، شاہد نور، کلثوم قمر، سلمان جہانگیر، مرتضیٰ علوی، عائشہ مبشر و دیگر نے خطاب کیا،مقررین نے کہا کہ اس دور میں بچوں اور بچیوں کے لئے قرآن و سنت کی تعلیم و تربیت کا اہتمام بہت بڑی نیکی ہے، میں اس پر شیخ الاسلام ڈاکٹر طاہرالقادری اور ویمن لیگ کی بہنوں کو صدق دل سے مبارکباد دیتا ہوں، اگر ہم ایک باکردار نسل کی پرورش چاہتے ہیں تو بچوں کو سیرت مصطفی پڑھائیں۔ اسلام ٹائمز۔ منہاج القرآن ویمن لیگ کے ذیلی ڈیپارٹمنٹ ایگرز کے زیر اہتمام بچوں اور بچیوں کیلئے خصوصی طور پر حدیث کیمپ منعقد کیا گیا، جس میں سینکڑوں بچوں اور بچیوں نے 40 احادیث مبارکہ یاد کیں، اختتامی سے خطاب کرتے ہوئے خرم نواز گنڈاپور ناظم اعلیٰ منہاج القرآن نے کہا کہ نسل نو قرآن و سنت کی تعلیم دی جائے، ابتدائی عمر میں بچے جس ماحول میں پرورش پاتے ہیں وہ ماحول اُن کی شخصیت کا حصہ بن جاتا ہے، والدین کی ذمہ داری ہے کہ وہ اپنے بچوں کو قرآن و حدیث کی تعلیم دلوائیں۔ صاحبزادہ طارق شریف زادہ نے اظہار خیال کرتے ہوئے کہا کہ اس دور میں بچوں اور بچیوں کے لئے قرآن و سنت کی تعلیم و تربیت کا اہتمام بہت بڑی نیکی ہے، میں اس پر شیخ الاسلام ڈاکٹر طاہرالقادری اور ویمن لیگ کی بہنوں کو صدق دل سے مبارکباد دیتا ہوں، اگر ہم ایک باکردار نسل کی پرورش چاہتے ہیں تو بچوں کو سیرت مصطفی پڑھائیں۔
شاہد نور نے اظہار خیال کرتے ہوئے کہا کہ ہمارے تعلیمی اداروں سے قرآن و سنت کی تعلیم محو ہو گئی ہے، اس سلسلے کو دوبارہ بحال کرنا ہو گا، قرآن و سنت کی تعلیم ہی ہمارے بچوں کے اخلاق سنوار سکتی ہے۔ عائشہ مبشر نے اظہار خیال کرتے ہوئے کہا کہ منہاج القرآن میں ہر عمر اور طبقہ کے افراد کی دینی نہج پر تعلیم کا اہتمام ہے۔ کلثوم قمر نے اظہار خیال کرتے ہوئے کہا کہ بچوں نے اس کیمپ میں 40 احادیث یاد کیں جو اخلاقیات سے متعلق ہیں، ہمیں خوشی ہے کہ بچوں نے اور ان کے والدین نے بھرپور تعاون کیا۔ اس سلسلے کو بڑھائیں گے۔ علامہ غلام مرتضیٰ علوی نے کہا کہ کم عمری میں حاصل کیا گیا علم زندگی کے آخری سانس تک ذہن کی تختی پر نقش ہوجاتا ہے۔ ایگرز بچوں کی دینی نہج پر بچوں کی تعلیم و تربیت کرنے پر مبارکباد کامستحق ہے۔ عباس سامی نے اظہار خیال کرتے ہوئے کہا کہ مدینہ یونیورسٹی میں اس طرح بچوں کی علم حدیث کے حوالے سے خصوصی کلاسز ہوتی ہیں، پاکستان میں اور وہ بھی منہاج القرآن کے اندر یہ تعلیمی ماحول دیکھ کر دل بہت خوش ہوا ہے۔ نگہت وہاب اور سعدیہ جبیں علوی نے بھی تقریب سے خطاب کیا۔
ذریعہ: Islam Times
کلیدی لفظ: قرآن و سنت کی تعلیم منہاج القرآن
پڑھیں:
ملک بھر میں بارشوں سے 118 بچوں سمیت 245 افراد جاں بحق ہوئے: رپورٹ
ملک بھر میں ہونے والی حالیہ بارشوں کے دوران 118 بچوں سمیت 245 افراد جاں بحق ہوئے۔نیشنل ڈیزاسٹر مینجمنٹ اتھارٹی (این ڈی ایم اے) نے ملک میں جاری مون سون بارشوں سے ہونے والے جانی و مالی نقصانات کی تفصیلی رپورٹ جاری کر دی ہے، جس کے مطابق 26 جون سے اب تک مجموعی طور پر 245 افراد اپنی جان سے ہاتھ دھو بیٹھے جب کہ 602 سے زائد افراد زخمی ہوئے ہیں۔حالیہ 24 گھنٹوں کے دوران خیبر پختونخوا میں 3 ہلاکتیں اور 2 زخمی جب کہ اسلام آباد میں 2 افراد زخمی ہوئے۔رپورٹ کے مطابق پنجاب اس قدرتی آفت سے سب سے زیادہ متاثر ہوا ہے، جہاں 26 جون سے اب تک 135 افراد جاں بحق اور 470 زخمی ہو چکے ہیں۔ خیبر پختونخوا میں 59 اموات اور 73 زخمیوں کی اطلاع ہے، جب کہ سندھ میں 24 افراد جاں بحق اور 40 زخمی ہوئے۔بلوچستان میں بارشوں کے نتیجے میں اب تک 16 افراد جاں بحق اور 4 زخمی ہوئے ہیں۔گلگت بلتستان میں بھی بارشوں کے باعث 3 افراد جاں بحق جب کہ 4 زخمی ہوئے ہیں۔ آزاد کشمیر میں 2 افراد جاں بحق اور 8 زخمی ہوئے اور وفاقی دارالحکومت اسلام آباد میں 6 اموات اور 3 زخمیوں کی اطلاع ہے۔این ڈی ایم اے کی رپورٹ میں بتایا گیا ہے کہ بارشوں کے باعث جاں بحق ہونے والوں میں 83 مرد، 44 خواتین اور 118 بچے شامل ہیں، جب کہ زخمیوں میں 232 مرد، 168 خواتین اور 202 بچے شامل ہیں۔بارشوں کے دوران ہونے والی تباہ کاری کی مزید تفصیلات میں بتایا گیا ہے کہ بارشوں سے 854 مکانات مکمل یا جزوی طور پر منہدم ہو چکے ہیں جب کہ 208 مویشی بھی ہلاک ہوئے۔این ڈی ایم اے کے مطابق زیادہ تر اموات گھروں کے منہدم ہونے، پانی میں ڈوبنے، لینڈ سلائیڈنگ یا اچانک آنے والے سیلابی ریلوں کے باعث ہوئیں۔
دورہ بنگلادیش و ویسٹ انڈیز، پاکستان کرکٹ اسکواڈ کا تربیتی کیمپ دوسرے دن بھی جاری