مہا کمبھ میلے میں ہار بیچنے والی بھارتی لڑکی کے لیے شہرت ڈراؤنا خواب کیسے بنی؟
اشاعت کی تاریخ: 22nd, January 2025 GMT
بھارت میں مہا کمبھ میلے میں ہار بیچنے والی مونا لیزا نامی نوجوان لڑکی جس کا تعلق بھارتی علاقے اندور سے ہے اس وقت سوشل میڈیا پر چھائی ہوئی ہے، اس کی مسکراہٹ اور گہری آنکھوں نے لاکھوں لوگوں کی توجہ حاصل کر لی ہے لیکن یہ شہرت مونا لیزا اور اس کے خاندان کے لیے اب ایک ڈراؤنا خواب بن چکی ہے۔
مونا لیزا کی وائرل ویڈیوز اس کے لیے استحصال اور ذہنی اذیت کا باعث بن گئیں کیونکہ اس وجہ سے وہ اپنا کام جاری نہیں رکھ پائی اور سوشل میڈیا انفلوئنسرز اور سیاح اس سے مالا خریدنے کی بجائے صرف سیلفیاں اور ویڈیوز بنانے آنے لگے جس کی وجہ سے اس کا روز مرہ کا کام متاثر ہوا۔
بہت سے لوگوں نے مونالیزا کو صرف ویوز اور لائکس حاصل کرنے کا ذریعہ سمجھا۔ اس وجہ سے مونالیزا نے خود کو کیمرے اور مداحوں سے دور کر لیا ہے اور اب اس کے خاندان نے فیصلہ کیا ہے کہ اسے واپس اندور بھیج دیا جائے کیونکہ شہرت کے باعث اسے نقصان پہنچ رہا ہے۔
یہ بھی پڑھیں: بھارت کے مہا کمبھ میلے میں ہار بیچنے والی لڑکی کیوں وائرل ہو رہی ہے؟
میڈیا رپورٹس کے مطابق مونالیزا ایک روایتی خاندان سے تعلق رکھتی ہیں، جہاں اس قسم کی عوامی توجہ کی توقع نہیں کی جاتی۔ روایتی گھروں میں لڑکیوں سے یہ امید کی جاتی ہے کہ وہ سادہ زندگی گزاریں اس لیے جو بے پناہ توجہ انہوں نے حاصل کی وہ یقیناً ان کے لیے بے چینی کا سبب بنی ہوگی۔
واضح رہے کہ اندور کی لڑکی نے اپنی منفرد بول چال سنہری آنکھوں، گہری رنگت اور دلکش چہرے کی وجہ سے کافی توجہ حاصل کی ہے۔ گذشتہ چند دنوں میں ’مہا کُمبھ‘ میلے میں شرکت کرنے والوں کی ایک بڑی تعداد نے اس کے ساتھ تصویریں بنوائیں۔
کمبھ میلہ 13 جنوری سے شروع ہوا ہے اور یہ 26 فروری یعنی 45 دن تک جاری رہے گا۔ یہاں دنیا بھر سے ہندو عقیدت مند آ رہے ہیں۔ کمبھ میلہ ہر 12 سال بعد منعقد ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت کمبھ میلہ مونا لیزا.
ذریعہ
ذریعہ: WE News
کلیدی لفظ: بھارت کمبھ میلہ مونا لیزا مونا لیزا میلے میں کے لیے
پڑھیں:
فیس بک صارفین اب مفت ویریفائیڈ بلیو ٹک حاصل کر سکتے ہیں، میٹا کا نیا پروگرام متعارف
میٹا نے فیس بک صارفین کے لیے ایک نئے ویریفکیشن پروگرام کا اعلان کیا ہے، جس کے تحت اہل صارفین بغیر کسی فیس کے اپنی پروفائل پر ایک خصوصی ویریفائیڈ ٹک حاصل کر سکیں گے۔
کمپنی کے مطابق اس پروگرام کا مقصد یہ ثابت کرنا ہے کہ متعلقہ اکاؤنٹ کسی حقیقی انسان کا ہے، جس سے جعلی اکاؤنٹس کی نشاندہی اور پلیٹ فارم پر اعتماد میں اضافہ کیا جا سکے گا۔
یہ بھی پڑھیں:اپنی انسٹاگرام تصاویر کو میٹا کے اے آئی سے بچانا چاہتے ہیں؟ صرف ایک سیٹنگ تبدیل کرکے خود کو محفوظ بنائیں
میٹا کا کہنا ہے کہ اس عمل کے لیے جدید چہرہ شناختی ٹیکنالوجی استعمال کی جائے گی، جس کے ذریعے صارف کی سیلفی کا اس کی موجودہ پروفائل تصاویر سے موازنہ کیا جائے گا۔ اگر شناخت کی کامیابی سے تصدیق ہو جائے تو چند منٹوں کے اندر ویریفائیڈ ٹک جاری کر دیا جائے گا۔
ویریفائیڈ ٹک کن افراد کو مل سکے گا؟کمپنی کے مطابق اس پروگرام سے صرف وہی افراد فائدہ اٹھا سکیں گے جن کی عمر 18 سال یا اس سے زیادہ ہوگی۔ شناخت کی تصدیق مکمل ہونے کے بعد یہ ویریفائیڈ ٹک فیس بک کے مختلف حصوں میں صارف کے نام کے ساتھ ظاہر ہوگا۔
البتہ میٹا نے واضح کیا ہے کہ یہ نشان روایتی ’بلیو ٹک‘ نہیں ہوگا، بلکہ اس کا مقصد صرف یہ ظاہر کرنا ہے کہ متعلقہ پروفائل ایک حقیقی فرد کی ہے۔ اس ویریفکیشن کو کسی شخص کی ساکھ، اعتبار یا قابلِ اعتماد ہونے کی ضمانت تصور نہیں کیا جائے گا۔
بلیو ٹک کے لیے سبسکرپشن کب متعارف کرائی گئی؟یاد رہے کہ میٹا نے فروری 2023 میں میٹا ویریفائیڈ سروس متعارف کرائی تھی، جس کے تحت فیس بک اور انسٹاگرام صارفین ماہانہ سبسکرپشن فیس ادا کرکے بلیو ٹک، اضافی اکاؤنٹ سیکیورٹی اور دیگر خصوصی سہولیات حاصل کر سکتے ہیں۔ بعد ازاں اس سروس کو مرحلہ وار دنیا کے مختلف ممالک میں متعارف کرایا گیا۔
مزید پڑھیں:واٹس ایپ میں یوزر نیم بنانے کی سہولت: سیکیورٹی خدشات کا اظہار اور میٹا کی وضاحت
نیا مفت ویریفکیشن پروگرام اس سبسکرپشن سروس سے مختلف ہے، کیونکہ اس کے ذریعے صارفین کو صرف یہ تصدیقی نشان دیا جائے گا کہ اکاؤنٹ ایک حقیقی انسان کا ہے، جبکہ بامعاوضہ ’میٹا ویریفائیڈ‘ کے ساتھ دستیاب دیگر سہولیات اس پروگرام کا حصہ نہیں ہوں گی۔
جعلی اکاؤنٹس کے خلاف اہم قدمماہرین کے مطابق میٹا کا یہ اقدام جعلی اور خودکار اکاؤنٹس کی روک تھام، صارفین کی شناخت کے بہتر تحفظ اور پلیٹ فارم پر شفافیت بڑھانے کی کوششوں کا حصہ ہے۔ اگر یہ پروگرام کامیاب ثابت ہوا تو مستقبل میں مزید صارفین کے لیے شناختی تصدیق کا عمل پہلے سے زیادہ آسان اور تیز ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلیو ٹک جعلی اکاؤنٹس خود کار اکاؤنٹس سبسکرپشن شناختی ٹیکنالوجی فیس بک میٹا وریفائیڈ سروس متعارف
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم